QDQ.com bilatzailea euskeraz be erabili ahal izango da aurrantzean
2007-09-27 11:10
QDQ.com bilatzaileak barrikuntzearen bideari eusten deutso bere erabiltzaile eta iragarleei bilaketak egin eta negozioak bultzatzeko lan-tresnarik eraginkorrena eskaintzeko, eta erabiltzaileakandik hurrago egoteko eta bilaketa libreak norbere hizkuntzan egiteko aukerea eskaintzeko asmoz, oraindik aurrera euskeraz be erabili ahal izango da.
Eusko Ikaskuntzak urriaren 24tik 26ra egingo ditu Euskal-Erromatar Hizkuntzalaritzearen II. Jardunaldiak Bilbon
2007-09-26 19:14 Euskerea berbagai
Eusko Ikaskuntzako Hizkuntza eta Literatura Sailak urriaren 24tik 26ra bitartean egingo ditu Euskal-Erromatar Hizkuntzalaritzari buruzko II. Jardunaldiak Deustuko Unibersidadean.
Bettina Kreutz, Bidaiarien Txokoa II. Postal Lehiaketearen irabazlea
2007-09-26 18:56 sariak-autortzak
Bettina Kreutz gorliztarraren lana Bilboko Udaleko Kultura eta Hezkuntza Sailak antolatutako lehiaketa honetara aurkeztu diran 51 postalen artean aukeratu da.
Urrian, Flamenko Topaketak izango dira Bilboko Frantzisko auzoan
2007-09-26 14:42 Kulturea
Topaketak irailaren 27an hasiko dira José Miguel Hernández adituak San Frantziskoko Udaltegian eskainiko dauen berbaldiagaz, 19:30ean.
Euskerazko filmak promozionetako akordioa sinatu dabe
2007-09-26 14:23 Barriak
Urrian hasi eta urte amaierara arte, euskerazko filmak ahalik eta areto gehienetara banatzeko eta estreinaldiei jarraipena emoteko helburuagaz, Aretoko Filmak enpresa-banatzaile sortu-barriak eta zinema sektoreko hainbat enpresa txikik akordioa sinatu dabe.
Manhattaneko Film Laburren lehiaketearen finala Bilbon
2007-09-26 12:36 Barriak
Mundu osoko 456 zuzendariren obren artean 12 onenak baino ez dira sailkatu Manhattan Short Film Festival jaialdirako. Publikoaren botoek erabagiko dabe irabazlea zein izango diran eta aurten, lehenengoz, Bilboko zinemazaleek horretarako aukerea izango dabe irailaren 29an Renoir zinema-aretoetan.
Eusko Jaurlaritzeak lankidetza-hitzarmena sinatuko dau Ljouwerteko Akademygaz (Frisia)
2007-09-26 12:28 Euskerea berbagai
Helburua eremu urriko hezkuntza-eremuetan hezkuntza eleaniztunaren eta hizkuntzearen berreskurapenerako planteamentuakaz ezaguera eta zabalkundea sustatzea da, era horretara, Euskal Herriaren eta beste eremu urriko hezkuntzen kultura europarren arteko hartu-emonak sustatzeko.
Idazle barrientzako plaza digitala
2007-09-26 11:59
Bergarako Idazle Eskoleak idazle barrientzako plaza digitala izango dan webgunea abiarazo dau www.idazten.com helbidean.
Guggenheim Bilbao Museoak Jorge Oteizaren ‘Leonardoren omenez’ eskulturea eskuratu dau
2007-09-26 11:09Guggenheim Bilbao Museoak Jorge Oteiza (Orio, 1908 - Donostia, 2003) eskultorearen obra bat eskuratu dau, 2005etik Guggenheim Bilbao Museoak bere bilduma propiorako artista oriotarraren obratik eskuratu izan dituan lau eskulturari gehitu jakona.
‘Bilbo Zaharra Kulturarako Zubia’ ekimenak kultur ekitaldi-programa zabala abiarazoko dau urrian
2007-09-25 15:28 jardunaldiak
Programazinoaren helburua, auzoari balioa eranstea da, erakargarriagoa eginaz bilbotarrentzat eta, aldi berean, uriko ganerako auzoakazko loturak sendotuz, kulturea oinarri hartuta.
Teknoskopioa lehiaketea martxan dago
2007-09-25 14:40
Zemendiaren 5etik 11ra, Zientziaren eta Teknologiaren Astea ospatuko da. Horri begira, Elhuyar Fundazinoak, Innobasquek eta Zientziaren kutxaGuneak alkarlanean jarri dabe martxan Teknoskopioa 2007 gazteentzako ideia-lehiaketea.
Gorilla Biscuits hardcore taldeak kontzertua emongo dau Durangoko Plateruenan
2007-09-25 10:59 Musikea
Gorilla Biscuits New Yorkeko hardcore talde mitikoak kontzertu bat eskainiko dau barikuan, hilak 28, Durangoko Plateruena kafe antzokian, gaueko 22:00etan hasita. Estadubatuarrakaz batera, Leihotikan talde iruindarrak eta Burgoseko Still Life taldeek joko dabe.
Kritiken Hemeroteka goitik behera barritu eta beregain hartu dau Armiarma webguneak 2007an
2007-09-24 18:28
Astero argitaratzen diran kritikak batzen ditue, literatur liburuen gaineko eretxiak erraz topetako aukerea eskaintzearren. Horreezaz gan, Kritiken Hemerotekara egunkari eta aldizkarietatik XX. mendean idatzitako kritika sorta handia bat batu dabe, 1930etik hasita
Gipuzkoako Bertsolari Txapelketea martxan honezkero
2007-09-24 15:55 Bertsolaritzea
Hasi da Txapelketea. ‘G puntua’ martxan da. Gipuzkoa bertsotan murgilduko da hiru hilebete eskasean zehar. ‘G’ handiaren pean bertsoa bidelagun: Orion eta Legazpin lehenengo pausuak. Ordu berean. Gai berakaz. Bertsolariak ezagunak; geureak. Guztiak. Sailkapen fasea galbahea ei da, baina inor ez da kanpoan geratzen: G puntuak danok batu baikaitu.
Gu Ta Gutarrak taldeak urrian kaleratuko dau bere lehenengo diskoa
2007-09-24 14:56 Musikea
Igor Elortza eta Unai Iturriaga bertsolariek euskal herriei, berbeari, gauari, maitasunari, politikeari, amesei, amorruari zein bizipozari jarritako bertsoak dira lanaren oinarri.
Bilbo argazkigintzearen uriburu bihurtuko da urrian
2007-09-24 14:32
Bost erakusketa, bi berbaldi eta tailer bat programau ditue, Espainiako Argazkilaritza Konfederakundearen XXII. Biltzarragaz bat eginaz
Bizkaiko uriburuak harrerea egingo deutso lehenengo aldiz Espainiako Argazkilaritza Konfederakundearen urteroko biltzarrari. Biltzarrak XXII. edizinoa beteko dau aurten, eta Euskal Herriko Argazkilaritza Alkarteen Federakundeak antolatuko dau urriaren 19tik 22ra bitartean BBKren babesagaz eta Udaleko Kultura eta Hezkuntza Sailaren lankidetzegaz.
Euskerea ikasteko prest
2007-09-24 12:56 Euskerea berbagaiDanetara, 40.000 ikasle inguru, horreetatik 4.000 baino gehiago autoikaskuntza bidez, izango dira euskerea ikasten 2007-2008 ikasturtean euskaltegi publiko eta pribadu homologaduetan, urriaren 1tik hasita.
Euskerea berreskuratzeko pausuak Nafarroan
2007-09-24 11:23 Euskerea berbagai ‘Recuperación del euskara en Navarra’, Miquel Gros i Lladosen ikerketea plazanXX. mendearen azken laurenera arte ez bezela, azken 20 urteotan, Nafarroan euskereak berreskuratzeko seinaleak erakutsi ditu. Holan ondorioztatu dau Miquel Gros i Llados ikertzaileak Vianan aurkeztu dauen lanean, ‘Recuperación del euskara en Navarra’.
Sugan taldeak jarri deutso musikea ‘Pilotari’ telesail barriari
2007-09-21 15:35 Musikea
Telesaila 13 astez emitiduko da, domekaro, 22:00etatik aurrera. Taldeak urriaren 7an emitiduko dan kapituluan be parte hartuko dau.
‘Bilbao, nire kotxe barik!’ eguneko adierazpena Amaia Piedra atleta bilbotarrak irakurriko dau
2007-09-21 15:28Zapatu honetan Europako 1.000 uri baino gehiagotan egingo da ‘Kotxe bako Eguna’. Bilbok be ekimenagaz bat egingo dau kotxearen erabilereari buruz herritarrei gogoetarako deialdia egiteko asmoz: urian kotxea modu arrazionalean erabilteko beharrari buruzko gogoetea.
Sarrera behar da? Aurretik erosi behar da?
»» 'Erbestez erbeste', bertso saio literarioa