Eusko Jaurlaritzeak turismoaren ganeko webgunea barriztu dau
2011-05-31 15:56
Eusko Jaurlaritzeak www.euskaditurismo.net webgunea barritu egin dau, turisten beharrizan barrietara egokitzeko. Ganera, Jaurlaritzeak azkenengo nobedadeak aurkeztu ditu bere webtv kanalean (www.tveuskadi.net): frantsesezko bersinoa, 100 webcam eta iphone-rako aplikazino barria.
Zirkualde zirkuko arteen jaialdia astegoienean, Bilboko Errekalde auzoan
2011-05-31 15:24 kulturbiz
Zirkualde zirku jaialdiaren bigarren edizinoa egingo da Bilboko Errekalde auzoan astegoienean, bagilaren 3tik 5era bitartean. Jaialdiak zirkuko arteetako zortzi konpainiaren ikuskizunak eskainiko ditu auzoko plazan. II. Zirku Jaialdiak Koblakariren (Bizkaiko malabaristen alkartea) laguntzinoa euki dau. Koblakariren kalejireak hasiko dau jaialdia.
Ondarroako Unanue Musika Eskoleak ikasturte amaierako egitaraua atondu dau
2011-05-31 15:19 Musikea
Bagilaren 8an, aurtengo barrikuntza handiena izango da, antzerki musikala, hain zuzen. Ondarroako Kafe Antzokian izango dira aurreikusitako bi emonaldiak, 19:00etan eta 20:30ean. Antzeztuko dan lana Augustin Zubikarai ondarrutarrak 1977an idatzitako Saliña Maixua izeneko ipuinaren moldaketa musikatua izango da.
Euskadi-Cuba alkarteak 'Kuba, uharte solidarioa' erakusketea edegiko dau Bermeon
2011-05-31 13:06
Euskadi-Cuba alkartasun politikorako euskal alkarteak Kuba, uharte solidarioa erakusketea zabalduko dau Bermeoko Gizarte eta Kultur Etxean, bagilaren 6tik 11ra bitartean.
Elena Arzak sukaldariak irabazi dau Espainiako Gastronomia Saria
2011-05-31 12:44 Jan edanak
Pepe Rodriguez Rey Illescasko (Toledo, Espainia) El Bohio jatetxeko sukaldariburuak jaso dau Elena Arzakegaz batera 2010eko Espainiako Gastronomia Saria.
Euskaltermen bersino barria eta hamalau hiztegi terminologiko aurkeztu ditu Kultura Sailak
2011-05-31 12:37
Euskararen Aholku Batzordeko Terminologia Batzordeak onartutako hamalau hiztegi terminologiko argitaratu barri ditu Eusko Jaurlaritzako Kultura Saileko Hizkuntza Politikarako Sailburuordetzak (HPS). Horrezaz gan, Euskalterm terminologia banku publikoaren bersino barria sareratu dabe, interfazez eta funtzionaltasun barriekaz osotuta.
Euskadiko Barrikuntzearen Interneteko atariak 350.000 bisita baino gehiago izan zituan 2010ean
2011-05-31 11:23
www.euskadinnova.net ataria Euskadiko Agenda Digitala 2015 edo AD@15 Planaren (horixe da hain zuzen Euskadi Informazino Gizartean Planak hartu dauen izen barria) barruko ekimen bat da.
Lehen faseko bigarren itzuliko sailkapena prest, Zumarraga-Urretxuko saioen faltan
2011-05-30 17:53 Bertsolaritzea
Asteburu honetan jokatu dira Gpuntuaren Lehen Faseko bigarren itzuliko 8 saio, eta horreek jokatu ostean honezkero hasi da sailkapen orokorra zehazten. Datorren domekan, bagilak 5, jokatuko dira azken bi saioak Zumarraga-Urretxun eta han argituko da zein 32 bertsolari pasauko diran hurrengo fasera.
Agustin Ibarrola eskulturgileak jaso dau Gure Artea saria
2011-05-30 15:55 sariak-autortzak
Agustin Ibarrolak (Basauri, 1930) jaso dau aurtengo Gure Artea saria, bere arte ibilbide osoagaitik. Gaur bertan emon dabe sariaren barri Antonio Rivera Eusko Jaurlaritzako Kultura sailburuordeak eta Fernando Golvano EHUko Filosofia fakultadeko irakasle eta lehiaketako epaimahaiburuak.
Zeregin barriak Torrealdai eta Azkaraterentzat Euskaltzaindiaren barruan
2011-05-30 15:38 Euskerea berbagai
Euskaltzaindiaren osoko bilkureak izendapen barriak egin zituan barikuan: Joan Mari Torrealdai izango da Euskaltzaindiko Bibliotekari akademikoa eta Azkue Bibliotekako batzordeko burua, eta Miren Azkarate Argitalpen batzordeko kidea izango da.
Skatu talde nafarrak erritmo bizidun 'Izana izanen' diskoa kaleratu barri dau
2011-05-30 14:52 Musikea
Skatu taldeak bigarren diskoa kaleratu barri dau, Izana izanen (MusikHerria). Hamalau kanta kaso ditue lan barrian, euskeraz danak. Grabazinoa euren entsegu lokalean egin dabe, Asier Zudaireren zuzendaritzapean. Daborduko hasi dira diskoa aurkezten; hurrengo kontzertua bagilaren 5ean izango da, Iruñean.
Aramaioko taldea nagusi Arabako Bertso Eskolen Egunean
2011-05-30 11:11 Bertsolaritzea
Igaz bezela aurten be Aramaioko taldeak irabazi dau eta bertso-eskola honetako Peru Abarrategi eta Gasteizko bertso-eskolako Maddalen Arrausi izango dira bagilaren 18an Agurainen ospatuko dan Euskal Herriko eskolarteko txapelketako finalean Arabako ordezkariak.
Julen Gabiriaren 'Nire aita ikusezina' liburua, Mikel Zarate sariaren irabazle
2011-05-27 16:48 sariak-autortzak
Julen Gabiriaren Nire aita ikusezina da nobeleak irabazi dau Mikel Zarate haur literaturako saria. Holan erabagi dau Leire Bilbaok, Miren Agur Meabek eta Xabier Mendigurenek osotutako epaimahaiak. Idazle galdakaoztarrak 3.000 euroko saria jaso dau. Liburua udagoienean kaleratuko da.
UPV/EHU eta Unai Basurko alkarlanean ibiliko dira prestakuntzan eta ikerketan
2011-05-27 15:53
Iñaki Goirizelaia EHUko erretoreak eta Unai Basurko nabigatzaileak lankidetza hitzarmen bat sinatu dabe irakaskuntza, ikerketa eta garapen teknologikoagaz lotutako ekimen zientifikoak alkarregaz garatzeko, baita adituak alkar trukatzeko eta erakunde bietako langileen prestakuntzea bultzatzeko be.
Euskaltzaindiak Euskararen Herri Hizkeren Atlasaren III. liburukia aurkeztu dau
2011-05-27 15:53 Euskerea berbagai
Euskararen Herri Hizkeren Atlasa-ren III. liburukia aurkeztu dau Euskaltzaindiak. Aurreko biak legez, liburukia Euskadiko Kutxaren babesagaz argitaratu dau Akademiak eta, oraingoz, euskarri bitan eskaintzen dau: papelean eta CD formatuan. Aurrera begira, sarean ipinteko asmoa dabe. Lan barrian 271 kontzeptu batu eta landu dira.
Mi'kmaq kanadiar tribuak Azkue Fundazinoaren Euskerearen Interpretazino Zentroa bisitau dau
2011-05-27 14:55 Euskerea berbagai
Bisita honen bidez euskal eta Mi'kmaw komunidadeen arteko loturak estutu eta bi herrien arteko belaunaldietako hartu-emonetan sakonduko da. Mi'kmaq tribuko ordezkariek euskereagaz lotutako gaiak ezagutu ditue Bilboko San Inazio auzoko Agoitz plazan kokatutako Euskararen Interpretazino Zentroan: jatorria, aberastasun dialektikoa, euskerearen presentzia munduan etab.
Alkarregaz Boga! egiteko hitzordua domekan, Ondarroan
2011-05-27 14:17 Euskerea berbagai
Boga! lemapean, jai giro ederrean Bizkaiko ikastolek Ondarroan ospatuko dabe urteroko jai handia domekan, maiatzaren 29an. Aurten be Ibilaldiak egitarau bete-betea izango da, ume, gazte zein helduentzako. Goizeko bederatziak eta erdietan zabalduko dabe ibilbidea Zubi Zahar ikastolan bertan.
Guisogoxo: betiko gisatu eta errekiak berreskuratzeko ordua
2011-05-27 12:56 Jan edanak
Guisogoxo kanpainea Euskadi osoan bertoko gisatzeko eta erreteko okela ebaketen konsumoa bultzatzeko sortu da. Helburu horregaz www.guisogoxo.com webgunea, errezeta lehiaketa bat eta zenbait euskal ostalaritza eskolen eskutik promozino ekintza batzuk martxan jarri dira.
Mintza Eguna berbalagunen jaia Elizondon egingo da aurten, bagilaren 4an
2011-05-27 11:52 Euskerea berbagai
Topagunea Euskara Elkarteen Federazioak 2011ko Mintza Eguna aurkeztu barri dau. Seigarren edizinoa izango da aurtengoa, eta bagilaren 4an, Elizondon egingo dabe. Mintza Egunean Euskal Herri osoko berbalagunek alkar ezagutzeko aukerea eukiko dabe.
Kaixo:
Ekainaren 8tik 11ra Afrikako V astea ospatuko da Arantzazun Baketik eta Tau fundazioak antolatuta. Ekuatore Gineako ordezkariak izango dira aurtengo Afrikako Astean. Asteazkenetik ostiralera, 18.00etatik 20.00ak bitarte, “Demokratizazioa, etnizitataea eta itxaropena Afrikan: Bubi herriaren kasua Ekuatore Ginean” gaia jorratuko da saio bakoitzak bi zati izango dituelarik. Lehenengoan ikuspegi global batetik landuko da gaia eta bigarrengoan Bubi herriaren kasua aztertuko da bertako ordezariekin. Ekainaren 11ean, hitzaldia eta dokumental bat izango ditugu eta Asteari amaiera emateko herri-bazkaria izango da.
Hemen duzue informazio gehiago http://www.baketik.org/eu/afrika
Honen berri ematea eskertuko genizueke
Mila esker
Erantzuna | Arantzazu Afrikagazko alkargune