Bizkaie!

Euskal ordezkariak BCNegra, nobela baltzari buruzko europar topaketan

Urtarrilaren 31tik zezeilaren 5era, aurten, lehenengo aldiz hainbat euskal idazlek parte hartuko dabe BCNegra nobela baltzari buruzko jardunaldiotan, besteak beste, Jose Javier Abasolok, Jon Arretxek, Aingeru Epalzak eta Euskadiko Liburu Azoken koordinatzaile Asier Muniategik.

'Linguae Vasconum Primitiae' liburua Gasteizera ekarriko dabe

Euskeraz inprimidutako lehen liburua, Bernat Etxepareren Linguae Vasconum Primitiae, Gasteizen jarriko dabe. Euskara jalgi hadi plazara izenburupean, erakusketa bat zabalduko dabe Eusko Legebiltzarrean, zezeilaren 1ean, eta bertan erakutsiko dituen lanen artean garrantzitsuena Etxepareren liburua dala azaldu dau Xabier Kintana Euskaltzaindiko idazkari eta erakusketaren komisarioak.

Sasi guztien gainetik, euskaldun eta burujabe!

Euskal Herrian Euskaraz-ek manifestazino nazionala deitu dau zezeilaren 12rako, Donostiako Bulebarretik 17:00etan abiatuko dana, Sasi guztien gainetik, euskaldun eta burujabe lemapean.

I. Euprel Saria Eugenio Gandiagak jaso dau

Zuzeneko musikea sustatzen daben Euskal Herriko hainbat enpresa batzen dituan elkarte honek sorturiko sari honen bidez, Euskal Herriko musika industria garatzen eta bultzatzen eginiko lana jentaurrean autortu eta eskertu nahi dau Euprelek.

Gatibuk bigarren kontzertu bat emongo dau Bermeoko Kafe Antzokian

Kontzertua, zezeilaren 12an, gaueko 22:00etan hasiko da eta sarrerak Bermeoko Kafe Antzokian, Luma liburu-dendan, Gernikako Ospa tabernan eta www.kulturalive.com atarian eskuratu ahal izango dira 10 euroan.

Donostiako Zinemaldiak bat egin dau Jafar Panahi eta Mohammad Rasoulof zinemagileen atxiloketen kontrako protestakaz

Mundu osoan egindako zinema erakusteko plataforma legez, Donostiako Zinemaldiaren ustez, 'jazoera gaitzesgarri hau adierazpen askatasunaren eta bi zinemagileen eskubide indibidualen kontrako eraso latza da'.

Tanbor-hotsak Shanghain

Urtarrilaren 20an San Sebastian Eguna dala-eta, Shanghaiko Euskal Etxeak be tanborradea antolatuko dau. Bertan, 27 personek osotuko dabe dtnbor eta barril kompainia eta Shanghaiko kaleak Donostiko soinuz beteko dira. Ekitaldia zapatuan, urtarrilak 22 egingo dabe, arratsaldeko seiretan hasita, Kuluska jatetxean hasita (Lane 528 Kangding Lu, Shanghai).

Euskadik Fiturrera eroango dau teknologia barrien alde egiten dagoan apustua

Bizkaiko Aldundiak Bilbao-Bizkaia, haritzetik titaniora izeneko standa jarri dau, tradizino eta modernidade kontzeptu estetikoak integretea oinarri izango dauen gunean.

Bizkaiko Diputazinoak euskerearen arloan asoziazionismoa sustatzeko batzordea sortu dau

BFAko Gobernu Kontseiluak Euskara Bizia batzordea sortzea erabagi dau, lurraldean euskerearen alde lan egiten daben alkarteak laguntzeko eta euren jarduerak koordinetako. Batzorde hori kide anitzeko erakunde aholku-emoilea izango da, Bizkaiko Foru Aldundiko Kultura Sailari atxikita.

'Neguko Bidaia' Kontzertuen III. Zikloa urtarrilaren 21etik zezeilaren 18ra arteko barikuetan izango da Getxon

Lehenengo kontzertua datorren barikuan, urtarrilaren 21ean, izango da Khantoria antxinako musikako taldearen eskutik. Bere helburua obra barrokoak eskaintzea da eta Ander Barrojalbizek (bibolin barrokoa), Maider Lopezek (biola barrokoa) eta Virginia Gonzalok (klavezin eta organoa) osotzen dabe.

Badator Eszenako sorkuntzea bultzatzeko III. 'Artistak Egoitzan' programea

Programea orain bi urte Bilbon arte eszenikoak sustatzeko eta bultzatzeko asmoz martxan jarritako ekimen barritzailea da. Deialdira aurkeztu nahi diran konpainiek 2011ko martiaren 20ra arte aurkeztu ahal izango ditue euren sorkuntza proposamenak. Horreen helburu nagusiak proposamen eszenikoak sortzea, ikertzea eta zabaltzea izango da.

Love of Lesbian taldeko abeslariak parte hartuko dau BBK Aretoaren 'Musikalan' jardunaldietan

Love of Lesbian taldeko abeslariaren saioa, hilaren 20an, 20:00etan hasiko da. Sarrerak BBKren kutxazainetan jaso daitekez 3 euroan BBK-ko txartelak erabil ezkero eta 6 euroan beste erakundeetako txartelakaz.

Bob Marley reggae musikearen mitoaren jaiotzearen urteurrena ospatuko dabe Bilbon eta Iruñean

Mundu osoko hainbat uritan egiten dan proiektu oso baten barruan Marley omentzeko egiten diran ospakizunak antolatzen dira. Uri nabarmenenak Los Angeles, Buenos Aires, Paris, Londres, Kingston edota New Yorken izaten dira. Ganera, 2011. urtean 30 beteten dira Bob Marley hil zanetik, musikeak eta zaleek reggaea mundu osoan ospetsu egin eban artista ahaztu ez arren.

'Haur Literaturako Mikel Zarate II. Saria 2011': oinarriak

Lezamako Udalak eta Elkar argitaletxeak, umeentzako irakurgai barriak sortu eta idazleen lana bultzatzeko asmoz, haur literaturako Mikel Zarate lehiaketea antolatzen dabe, euskal kulturaren alde lan itzela egindako lezamar idazlearen oroimenez, ondorengo oinarrien arabera:

2011ko Leioako Umore Azokan parte hartzeko proposamen artistikoak aurkezteko azken egunak dira

Urtarrilaren 21ean amaituko da 2011ko Umore Azokan parte hartzeko proposamen artistikoak aurkezteko epea. Maiatzaren 12, 13, 14 eta 15an egingo dan Umore Azoka - Leioako Kale Artisten Azokan euren lana aurkeztu nahi daben artista, konpainia edota alkarteei zuzendutako deialdi edegia da.

2011ko I. 'Eztabaidak Literatureagaz' Jose Fernandez de la Sota eta Fermin Etxegoien tarteko dirala

Eztabaidak Literatureagaz jentaurreko alkarrizketa eta eztabaidearen bitartez idazleakana hurreratzea proposatzen dauen Bilboko Udaleko Kultura eta Hezkuntza Sailaren ekimenak IV. denporaldia hasiko dau urtarrilarenk 18an, 2010ean Euskadi Literatur Sariak irabazi dituen bi idazleak, José Fernández de la Sota eta Fermín Etxegoien batuz.

Natalie Portman distiratsu Urrezko Globoetan

Los Angelesen (Kalifornia, AEB) banatu ziran bart 68. Urrezko Globoak. Sari-banatekan, The Social Network izan zan izar nagusia lau sari irabazita; Film Onena, Gidoi Onena, Zuzendari Onena eta Soinu Banda Onena sariak irabazita, hain zuzen be.

Musika sinfonikoa ikastetxeetara eroango dau SinfoKids proiektuak