Martxan dira UEUren Baionako udako ikastaroak
2011-07-05 14:41 jardunaldiak
Baionak txandea hartuko deutso Eibarreri, izan be hasita dagoz UEUko 39. udako ikastaroak Baionako IUT Unibersidadean. Udako ikastaroak murgildu lemapean, hilaren 6ra arte zazpi ikastaro eskainiko ditue. Ikastaroen harira, saio osagarria atondu dabe, Zer behar du Iparraldek Hegoaldetik? izenburukoa, 17:00etan.
2011ko Ferixa nausikoak iragarriko dituan kartela Libe Mimenzak egin dau
2011-07-05 14:30
Aurtengo kartel lehiaketearen irabazlea Libe Mimenza izan da, Errezeta onena izeneko proposamenagaz. Irudian barazkiak dira protagonista, jaiei izena emoten deutson feria gogora ekarriz.
Uxoa Anduaga eta Koldo Diaz: 'Euskal identidadea ikuspuntu oso existentzialistatik aztertu da'
2011-07-05 12:42 Barriketan
Uxoa Anduaga eta Koldo Diaz Bizkarguenaga, soziologoak
Abian da lehenengo aldiz UPV/EHUren Udako I. Campus Zientifikoa
2011-07-05 12:01 jardunaldiak
Danetara 60 ikaslek hartuko dabe parte UPV/EHUk Udako I. Campus Zientifikoan garagarrilean, Zientzia eta Teknologia Fakultadean, Leioan. Ekimena Espainiako Hezkuntza Ministerioaren eta Zientzia eta Barrikuntza Ministerioarena da, eta DBHko 4. mailako eta Batxilergoko 1. mailako ikasleengan zientziarako interesa biztea dau helburu.
Bertso-udalekuak Bidarrai herrian hasiko dira, hilaren 3an
2011-07-01 15:45 Bertsolaritzea
Domekan, garagarrilaren 3an, hasiko dira Nafarroa Beherako Bidarrai herrian aurtengo bertso-udalekuak, Bertsozale alkarteak antolatuta. Hamabi eta hamalau urte bitarteko 43 gaztetxu izango dira lehenengo txanda honetan. Danetara 205 gaztek hartuko dabe parte aurtengo udalekuetan, bost txandatan banatuta.
'Zabaldu euskararen atea' kanpainearen bigarren edizinoa jarri dau martxan Getxoko Udalak
2011-07-01 14:27 Euskerea berbagai
Getxoko Udalak Zabaldu euskararen atea lelopeko kanpainearen bigarren edizinoa abiarazo dau egunotan, euskerearen erabilerea bizibarritzeko GEHI, Getxo Euskalduntzeko hitzarmenaren barruan kokatuta.
Goran Bregovic handia, Euskal Herria Zuzenean jaialdiako lehenengo kartelburua
2011-07-01 13:07 Musikea
Hiru egunez gustu guztietako musikazaleentzako hitzordu izango da Euskal Herria Zuzenean jaialdia. Kanpoko zein Euskal Herriko taldeek joko dabe Heletan, besteak beste, Anari, Ken Zazpi, Split 77, Xutik!, Goran Bregovic, Tiken Jan Fakoly, Iam, Le Prince Miiaou eta The Rodeo Idiot Engine bertan izango dira. Hiru egunetako sarrerea 55 euroan salduko dabe, Heletan bertan.
Unibersidadeen Gida eguneratu dau Eroski Consumerrek eta informazinoa dakar 76 unibersidadeei buruz
2011-07-01 12:22
Espainiako unibersidade-sistemea aintzat hartuta, euskal unibersidadeak dira masifikazino gitxien daukienetakoak. Irakasle bakotxari zenbat ikasle jagokozan kalkulatuz jakiten da zenbateko masifikazinoa dagoan ikasgeletan, eta euskal unibersidadeetan, batez beste, 8,9 ikasle dagoz irakasle bakotxeko; Estaduko batez besteko orokorra, barriz, 12,4koa da.
Think Big sariak banatuko ditue Bizkaia Aretoan
2011-07-01 11:27
Hezkuntza Ministerioa eta UPV/EHUren arteko alkarlanaren ondorioz sortutako Think Big sariketa honen helburu nagusia ikasle ekintzaileen sustapena da. 2500 euroko hiru sari banatuko dira, Campus bakotxean bat.
Berreginen Museoa zabalik egongo da astelehenean, garagarrilaren 4an, Balendin Berriotxoa Santuaren Egunean
2011-07-01 10:52 Kulturea
Bizkaiko Foru Aldundiaren eta Bilboko Udalaren Kultura eta Hezkuntza Sailaren esku dagoan Arte Berreginen Museoak ordutegi berezia izango dau hurrengo domekan eta astelehenean, Balendin Berriotxoa Santuaren jaiagaz bat etorriz. Bi egun horreetan goizeko 10:00etatik 13:30etara eta arratsaldeko 16:00etatik 20:00etara bitarteko ordutegia izango da.
Bilboko Garabat galeriak jai-erakusketa bategaz itxiko ditu ateak
2011-06-30 15:39 Kulturea
Bilboko Garabat galeriak Maiatzaren 2a kaleko lokala zapatuan, garagarrilaren 2an, itxiko dau, eta aurrerantzean Interneten segiduko dau jarduna. Hori dala eta, artista eta lagun talde batek erakusketa-jaia antolatu dau barikuan, garagarrilaren 1ean.
Dantza Plazetan egitarauak 4 euskal jantza erakustaldi handi eskainiko ditu garagarrilean Arriaga plazan
2011-06-30 13:09 Kulturea
Bilboko Udaleko Kultura eta Hezkuntza Sailaren programearen helburuak gure folkloreari eustea eta Bilbo eta bere inguruneko tradizinozko jantza taldeen lana erakustea.
Skate eskolea antolatu dabe Bermeon, garagarrilaren 8an eta 9an
2011-06-30 12:36
Bermeoko Gazteentzako Informazino Zerbitzuak (GIZ) skate ikastaroa antolatu dau aurten be herriko Skateruek alkartearen laguntzinoagaz. Skate eskolak garagarrilaren 8an eta 9an izango dira, Hermanutako skate pistan. Aurtengoa bosgarren eskate eskolea da.
Aki Takase piano-jotzailea eta New Blues Project Getxoko XXXV. Jazzaldiari hasierea emoteko
2011-06-30 11:48 Musikea
Lehenengo egunean, Aki Takase (Biotz Alai plaza, 22:00etan) piano-jotzailea eta bere taldea, New Blues Project izango dira protagonista nagusiak. Horrezaz gan Ornetillos laukoteak joko dau Talde Lehiaketan (Biotz Alai plaza, 21:00etan) eta Quartetto Mínimo Hirugarren Milurtekoa sailean (Algortako Geltokia plaza, 19:00etan).
Abadiñoko toponimia-mapeak 800 izenetik gora batu ditu
2011-06-29 18:19 Euskerea berbagai
Abadiñoko udalak herriko toponimia mapa baten batu dau, eta 800 toponimotik jaso ditu. Gaiagaz lotuta, antzinako herriko ordenamendua, gizarte antolaketea, ekonomia jarduerak eta beste hainbat zehaztasun eta gehigarri dokumentalez liburua osotu dabe. Jose Luis Navarro alkateak adierazo dauen lez, gure herriaren historia hobeto ulertzen lagunduko deusku.
Isabel Allendek irabazi dau Hans Christian Andersen literatura saria
2011-06-29 17:48 sariak-autortzak
Isabel Allende (Lima, Peru, 1942ko abuztuaren 2an) idazle txiletarrari emon deutsie Hans Christian Andersen literatura saria. Holan erabagi dau idazle danimarkarraren izena dauen fundazinoak. Sari hau Andersenen obreagaz zeozelan lotutako idazleen lana autortzeko emoten da eta nazinoarte mailako errekonozimenduaz gan, 500.000 koroa danimarkar (66.500 euro) jasoko ditu Allendek.
'Valeria descalza' filma estreinau dau Ernesto del Ríok
2011-06-29 15:50 Barriak
Valeria descalza pelikulea estreinau eban Ernesto del Riok pasa dan barikuan. Gabriela Griffith, Aitor Mazo, Maiken Beitia, Ruben Breña eta Giselda Calero aktoreek parte hartu dabe filman. Gidoia Luis Eguiraun y Xenia Riveryk idatzi dabe. Sendeja Films / Icaic-en produkzinoa da, eta Euskal Telebistaren partaidetzea eta Eusko Jaurlaritzearen laguntzinoa euki ditu.
'Getxoberpiztu!' proiektua da Wanted 2011 Ideia Lehiaketearen irabazlea
2011-06-29 15:11
Getxoberpiztu!, Ane Abarrategi Zaitegi, Ion Etxabe Gutierrez eta Lur Moragues Saituak bultzaturiko proiektuak irabazi dau hirugarren Wanted ideia lehiaketea. Getxoko Udaleko Gazteria Zerbitzuak bultzatutako lehiaketea da, 18 eta 30 urte arteko gazteen egitasmoak sustatzeko asmoz.
Gerra Zibila eta memoria historikoa literaturan aztertuko ditue garagarrilaren 13an, Donostian
2011-06-29 14:26 jardunaldiak
Gerra Zibila eta memoria historikoa Iberiar Penintsulako literaturan mintegia aurkeztu dabe Eusko Ikaskuntzak eta Etxepare Euskal Institutuak. Alkarlanean atondu dabe ikastaroa, eta garagarrilaren 13an egingo da, Donostiako Bakearen Giza Eskubideen Etxean.
Bilboko Udalak 'Udako Liburutegiak' ekimena jarriko dau martxan Txurdinagako eta Fangoko ugerlekuetan
2011-06-29 13:05 kulturbiz
Bilboko Udal Liburutegi Sareak Udako Liburutegiak programearen hamaikagarren edizinoa jarriko dau martxan datorren barikuan, garagarrilaren 1ean, Txurdinagako eta Fangoko ugerlekuetan. Ekimen horren bitartez, liburuak eta aldizkariak jarriko dira guztien esku, eta irakurketea sustatzeko jarduerak egongo dira umeei zuzenduta.
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...