Logoa

Zubipeko Swing taldea Plaza Barrian eskainiko dauen kontzertu bakarrerako batuko da barriro be

Bizkaie! 2008-07-22 14:04   Musikea

Zubipeko Swing izan zan 1983ko Aste Nagusi haretan abuztuaren 26ko gauean Unamuno Plazan kontzertua eskaini behar eben taldeetako bat, baina emonaldia bertan behera itxi behar izan eben.

Ahmad Jamal, Lucia Lacarra eta Donostiako Orfeoia 43. Heineken Jazzaldiko izar nagusienen artean

Bizkaie! 2008-07-21 11:04   Musikea

Donostiako 43. Jazzaldia garagarrilaren 22tik 27ra izango da eta aurtengo izarren artean, Ahmad Jamal pianojole ospetsuak 2008ko Donostiako Jazzaldia Saria eskuratuko dau.

The Chieftains, Ismaël Lo, Eliades Ochoa eta Korrontzi izango dira aurten Getxoko Nazinoarteko Folk Jaialdian

Bizkaie! 2008-07-17 18:48   Musikea

Jaialdiak irailaren 4tik 7ra ekarriko ditu barriro be Getxora mundu osoko musikak; hain zuzen be, Bizkaiko udalerriak alkarren artean sano desbardinak diran herrialdeek musikea joteko eta sentiduteko dituen ikuspegi diferenteak islatuko ditu, antolatzaileek nabarmendu dabenez.

Aste Nagusiko bertoko pop rocka leku bila Bailen kalean

Bizkaie! 2008-07-16 15:17   Musikea

2008ko edizino honen aukeraketa prozesuan parte-hartzaile gehiago izan dira aurreko urteagaz konparauta: 77 maketa aurkeztu dira aurten 2007an izandako 68 taldeen aurrean.

Guillermo Kleinek musikagintzearen 'gakoak' erakutsiko ditu Zarauzko IX. NaziNoarteko Jazz Mintegian

Bizkaie! 2008-07-16 14:53   Musikea

Tailer guztiz praktikoa izango da, jazz edota musika modernoaren musikagintzako alderdi tekniko desbardinak lantzera bideratua. Ikasleen gaitasuna garatzen ahaleginduko da, horreetako bakotxak bere sorketa-ibilbideak topau daizan.

Leire Martinez da La Oreja de Van Gogheko abeslari barria

Bizkaie! 2008-07-15 12:26   Musikea

Leire Martinez urduri baina ilusino handiz agertu da prentsaurrekoan eta, adierazo duenez, amesetan dago oraindino eta bai bera eta bai taldea oso pozik dagoz disko barriaren emoitzea ikusita. 'El último vals' diskoa irailaren 2an merkaturatuko dabe.

Bakioko XXII. Musika Astea

Bizkaie! 2008-07-14 14:10   Musikea

Bakioko Udalak aurten be Musika Astea antolatu dau garagarrilaren 14tik 20ra bitartean. Kontertuak Bakioko Andra Mari Eleizan izango dira, garagarrilaren 20koa izan ezik, hau Udal Kiroldegian izango baita. Kontzertuak doban izango dira.

EGOk bost kontzertu emongo ditu garagarrilean Ballet Biarritz Juniorregaz batera

Bizkaie! 2008-07-10 18:03   Musikea

EGOk eta BBJk bi saio eskainiko ditue Bizkaian, hilaren 20an Bakioko kiroldegian eta 23an Bilboko Euskaldunan; beste bi Gipuzkoan, 21ean Donostiako Kursaalean eta 24an Zarauzko kiroldegian; eta bat Araban, hilaren 22an, Gasteizko Principal antzokian.

Herbie Hancock, Wayne Shorter eta Cassandra Wilson Gasteizko Jazzaldiko kartel buru

Bizkaie! 2008-07-10 11:21   Musikea

Garagarrilaren 13tik 19ra egingo dan Gasteizko Jazzaldian goi mailako sortzaileak izango dira, kartel buru diran aitatutakoez gan, baita Sonny Rollins saxofoi jotzailea, Chucho eta Bebo Valdes eta jazz elektronikoa jorratzen dauen Parov Stelar be.

Ahmad Jamal eta Erik Truffaz Quartet Baionako Jazzaldian

Bizkaie! 2008-07-08 11:23   Musikea

Igazko datua (11.000 ikus-entzule) txiki itxi guran, aurten, La Ruee au Jazz Baionako jazzaldiaren antolatzaileek jazza ahalik eta gehien zabaltzeko asmoagaz, eremu gehiagotara zabalduko ditue musika emonaldiak, garagarrilaren 11tik 13ra.

The Manhattan Transfer taldeak zabalduko dau Getxoko XXXII. Nazinoarteko Jazzaldia

Bizkaie! 2008-07-03 15:45   Musikea

Euskal Herriko jazz jaialdien denporaldiari hasierea emonaz, Getxoko XXXII. Nazinoarteko Jazzaldia garagarrilaren 7tik 12ra izango da eta aurtengo kontzertu nagusiak John McLaughlin, Arturo Sandoval, Archie Shepp, Avishai Cohen eta Iñaki Salvador musikari handiek eskainiko ditue.

Jazz, blues eta musika baltza Bergaran, garagarrileko barikuetan

Bizkaie! 2008-07-03 11:01   Musikea

Bergarako Udalak antolatuta eta bertako Zuhaizti tabernearen laguntzinoagaz, jazz, blues eta musika baltzaren inguruko proposamen musikalak antolatu ditue garagarrileko bariku guztietan Bergarako Espoloi plazan, aire librean eta doban. Kontzertuok 22:30etan hasiko dira.

'Aurtengo Gorakada' Nafarroatik

Gotzon Uribe 2008-07-02 12:19   Musikea

Gor diskoetxe nafarrak aspalditik martxan daukan ekimenaren lagin barri bat aurkeztu deusku. Euskal Herriko 'belaunaldi barriko' zazpi taldek eta Valentzia aldeko beste batek osotzen dabe Gor-ek, udako ziteari begira, argitaratu barri dauen 'Aurtengo Gorakada' disko-bildumea. Hamargarrena.

Ondarroako Historia Zaleak alkarteak Jose Mari Etxaburuk batutako kantak argitaratu ditu

Bizkaie! 2008-06-30 15:49   Musikea

Ondarroako Historia Zaleak taldeak Jose Maria Etxaburu idazle eta euskaltzaleak batutako 182 kanta tradizional argitaratu ditu. Hildako idazle ondarrutarrak orain urte batzuk egindako lana era leialean agertzen dau liburuak, bere nota, partitura eta pentagramakaz.

Agur bero bat Idauze-Mendi!

Bizkaie! 2008-06-30 12:42   Musikea

Leku aldaketea baino, formula aldaketea egin gura dabe EHZko kideek hurrengo urteari begira. Herrigune batean itsatsiko da hurrengo urteko EHZ. Festibala jendearengana hurreratzeko apustua, eta gaueko jai giroa eguneko libertimenduarekin lotzeko helburua.

»» Ikusi argazki guztiak (2)

Trikiziok euskerazko eta katalanezko kanten bersinoak aurkeztu ditu

Bizkaie! 2008-06-27 14:15   Musikea

Trikizio taldeak 'EusCat' izeneko diskoa aurkeztu dau gaur Donostian. 'Diskoagaz kultura bi senidetu gura dira, Euskal Herria eta Katalunia, eta, horretarako, lurralde bi horreetako kanta, artista eta talderik ospetsuenetarikoak batu ditugu', azaldu dabe taldekideek.

»» Ikusi argazki guztiak (2)

'Udako Jaialdiak' ekimenak musikaz alaituko ditu Bizkaiko 8 herri

Bizkaie! 2008-06-27 14:11   Musikea

Bizkaiko Foru Aldundiko Kultura Sailak urtero sustatzen dauen 'Udako Jaialdiak' egitaraua gaur, bagilak 27, hasiko da eta ekimenaren barruan eta, uda osoan, estilo askotako 70 kontzertu eta ekitaldi egingo dira Bizkaiko 8 udalerritan: Gernika, Elorrio, Gorliz, Bakio, Karrantza, Bermeo, Plentzia eta Lekeitio. Ekimenari esker, Kepa Junkera, Ken Zazpi edota Ruper Ordorika lakoak entzuteko aukerea izango da.

'Faborez 02', neskak jantzara atarateko trikiti-errepertorioa

Bizkaie! 2008-06-27 10:56   Musikea

'FABOREZ 02' izenburupean, belaunaldi barriko jotzaile gazteak eta errepertorio tradizionala batu gura izan ditu Trikitixa Elkarteak. Diskorik kaleratu ez daben bikoteek parte hartu dabe lanean.

'Lasturbidean', sasoiko trikiti doinuak batzen dituan diskoa

Bizkaie! 2008-06-26 15:13   Musikea

Sasoi bateko trikitilariek modan egozan kantak entzun eta euren musika-tresnara egokitzen zituen. Jon Ostolazak eta Rakel Pujanak plazaratutako diskoan, fandangoak, arin-arinak, pasodobleak, kalejirak, trikitixak... grabau dira, beti be lehengo eran. Koplak, barriz, moldatu egin ditue. Halanda be, diskoari laguntzen deutson liburutxuan aldaketarik barik agiri dira.

‘Galdutako zubixak’ Kemen Lertxundiren lehen disko-liburua plazan

Bizkaie! 2008-06-25 15:26   Musikea

Musikaz jantzitako poesia ala poesiaz jantzitako musikea?

Kemen Lertxundi ondarrutar poeta eta musikari gazteak argitaratzen dauen lehen lana da Gaztelupeko Hotsak diskoetxearen eskutik, gaur Donostian aurkeztutako ‘Galdutako zubixak.