Shakirak BECeko jarraitzaileak jantzan jarriko ditu gaur

| Ikusi handiago | Argazki originala

Gaur, zemendiak 23, kontzertua eskainiko dau Shakirak Barakaldoko Bilbao Exibition Centren. Abeslari kolonbiarra ikusteko sarrerak honezkero agortuta dagoz.

Hilebete honetan bertan hasi dau Shakirak Live in Concert izeneko birea Europako hamar herrialdetan, eta besteak beste, Madrilen, Bilbon eta Bartzelonan egongo da.

Pasa dan barikuan 18.000 ikusle batu zituan Madrileko Palacio de Los Deportes gunean. Gaur Barakaldoko BECen egon ondoren, bihar Bartzelonako Palau Sant Jordin kantauko dau.

Antolatzaileen arabera, 'musikearen muga guztiak gainditzen dituan ikuskizun zirraragarria' eskainiko dau Shakirak. Horreri, ganera, abeslaria hain ezagun egin daben 'erritmo sensualak' gehitu behar jakoz, hareen esanetan.

Europako kontzertu-bira honetan, laster argitaratuko dauen Sale el sol lan barriaren abestiren bat edo beste entzun ahal izango da. Dana dala, ez dira faltauko bere kantarik arrakastatsuenak: La Tortura, Hips don't lie eta koka Waka, tartean.

Rock in Rio jaialdiko taula ganera igon eta 90.000 pertsonen aurrean eskaini eban kontzertua Shakirak udan. Musika ibilbide oparoa dau abeslari kolonbiarrak: 50 miloetik gora disko saldu eta 200dik gora izentapen lortu ditu mundu osoan zehar.