Munduan galtzeko arriskuan dagozan hizkuntzen artean dago euskerea
2009-02-20 10:28 Euskerea berbagai
Ama Hizkuntzaren Nazinoarteko Egunaren bezperan (Zezeilak 21) aurkeztu dau Unescok munduan galtzeko arriskuan dagozan hizkuntzen atlasa eta ondorio nagusienen artean, bost kontinenteetan 2500 hizkuntza dagoz galtzeko arriskuan, baita euskerea be.
Elebiden kexa, kontsulta eta iradokizunen kopurua % 25 igon da 2008an
2009-02-19 17:58 Euskerea berbagai
Elebide, Hizkuntza Eskubideak bermatzeko zerbitzuan jasotako intzidentziak 2008an % 25 igon ziran aurreko urteagaz alderatuta. Jasotako kexa guztien artean, % 87 esparru publikoan gertatu zan. Hizkuntz urraketakaz lotutako kexak (% 97 euskeraz ez egiteagaitik) EAEren administrazino publikoan % 66tik 2007an % 45ra jatsi ziran 2008an.
Microsoft Local Language Program Award saria jaso dau Eusko Jaurlaritzeak
2009-02-19 10:29 Euskerea berbagai
Sari honegaz, Microsoftek bere esker ona adierazo deutso Eusko Jaurlaritzeari, Hizkuntza Politikarako Sailburuordetzearen bidez, Estaduko eleaniztasuna teknologia barrietara eta Internetera zabaltzeko pausu sendoa emon dauelako.
Jaurlaritzeak 'ontzat' emon dau euskera gaietarako Euskerearen Erakunde Publikoagaz daukan hitzarmena
2009-02-17 17:08 Euskerea berbagaiEusko Jaurlaritzako Gobernu Batzordeak ontzat emon dau gaur euskerearen ganeko hizkuntza-politikako gaietan mugaz bestaldeko lankidetzea garatzeko eta erakunde mailako hartu-emon iraunkorrak ezartzeko eta garatzeko Ipar Euskal Herriko Euskerearen Erakunde Publikoaren 2009. urteari jagokon alkarlanerako hitzarmena.
Euskerazko Tesien Koldo Mitxelena sariak bost jakintza-arlotako tesiak saritu ditu
2009-02-13 15:40 Euskerea berbagai
Euskaltzaindiak eta Euskal Herriko Unibersidadeak euskerazko ikerketea bultzatzeko eta sustatzeko asmoz sortu barri daben saria bi urterik behin deituko da eta bost jakintza-arlo nagusi hartzen ditu. Aurtengo saridunak, bakotxa jagokon jakintza arloan, honako honeek izan dira: Francisco de la Hoz Mendez, Ekaitz Agirregoitia Marcos, Oroitz Jauregi Nazabal eta Ane Larrinaga Renteria.
Eusko Jaurlaritzeak eta ONCEk euskerazko 85 obra gehiago jarri ditue braillez eta Daisy sisteman
2009-02-11 09:59 Euskerea berbagai
Amaitu barri dan urtean beste 85 obra gehitu dira bildumara, besteak beste, Mariasun Landaren 'Festa aldameneko gelan', Iban Zalduaren 'Traizioak', Joxe Austin Arrietaren 'Terra sigillata' edo Anjel Lertxundiren 'Ihes betea'.
Euskara 21 ekimenaren txostena itun berritu batera ailegetako aurrerapausua
2009-02-09 11:27 Euskerea berbagai
Euskararen Aholku Batzordearen osoko bilkuran Euskara 21 ekimenaren txostena izan dabe aztergai. Besteak beste, txosten hori 'itun barritu batera ailegetako aurrerapausoa' dala ondorioztatu dabe, batzordeko iturriek jakinarazo dabenez.
Euskerazko software-produktu eta Internet eduki barriak eskuragarri
2009-02-06 13:08 Euskerea berbagai
Sarean, www.euskara.euskadi.net helbidean dagoz tresna horreek doban deskargetako edota kontsultetako.
Umeak euskerazko hezkuntza ereduetan matrikuletako kanpainea hasi dabe Bizkaiko 46 herrik
2009-02-04 14:04 Euskerea berbagai
Bizkaiko 46 udalerrik martxan jarri dabe euskerazko ereduetanmatrikuletako sentiberatze-kanpainea. 2-3 urteko umeak dituen gurasoei zuzenduta dago kanpainea eta seme-alabak lehenengoz matrikulauko dituen familiei gure hezkuntza sistemea osotzen daben ereduen ganeko informazinoa emongo jake.
'Eta Kitto!' aldizkariak eta Euskaltelen kable optikoko kanpaineak jaso ditue Ukan 2008 sariak
2009-02-03 10:23 Euskerea berbagai
Eibarko 'Eta Kitto!' aldizkariak jaso dau 2008ko Ukan saria Barrikuntzearen arloan eta Dimension agentziak sorturiko Euskaltelen kable optikoko kanpainak Publizidadearen arloan. Ganera, Dermitek klinika dermatologikoaren euskerazko publizidadeak aitamen berezia jaso dau.
'Euskara 21', hizkuntza politikak garatzeko gida izan gura dauen gogoetea plazan dago
2009-01-30 11:59 Euskerea berbagai
Aurelia Arkotxa, Patxi Baztarrika, Lore Erriondo, Alberto Lopez Basaguren, Pello Salaburu, Eneko Oregi eta Erramun Osa, Euskara 21 gogoeta prozesua oinarritzen dauen batzorde iraunkorreko kideek Euskara 21, itun barritu baterantz txostena idatzi dabe.
Zabalik da Getxoko 'Dendaketan' eta 'AISA' euskera ikastaroetan izena emoteko epea
2009-01-29 13:58 Euskerea berbagaiGetxoko Udaleko Euskara Zerbitzuak bultzatutako Dendaketan eta AISA euskera ikastaro barrietarako izen-emoteak datorren zezeilaren 16ra arte egongo dira zabalik, urrian hasi ziranen inguruko balantzea oso positiboa izan ondoren.
Batxilergoko eta Lanbide Heziketako ikasketak euskaraz egitea sustatzeko kanpainea abaiarazoko dabe gazte bizkaitarren artean
2009-01-28 17:26 Euskerea berbagaiDBHko laugarren mailako 5.500 gazte baino gehiago dira sentiberatze-kanpaina honen hartzaileak. Kanpainearen helburu nagusia gazte horreek guztiek Lanbide Heziketan eta Batxilergoan euskeraz ikasten segidutea da, aurreko ikasketetan moduan. Alkarbide Bizkaiko euskera zerbitzuen bilguneak koordinau dau 38 udalerritan martxan jarriko dan kanpaina hau.
Bermeon 2007an jaiotako umeei eskainitako bertsoen liburua argitaratu dabe
2009-01-28 13:54 Euskerea berbagai
Liburuan, ume bakotxaren izen-abizenak, jaiotza-datea, bertso-papera eta umearen argazkia jasoten dira. Bertsoaren azpian, bertsoa idatzi dauen bertsolariaren izena eta bertsoa kantetako doinua aitatzen dira.
Euskerearen erabilera planetarako aplikazino barria aurkeztu dabe
2009-01-27 14:41 Euskerea berbagai
Herri-administrazinoetako euskera teknikarientzako lan jardunaldiak antolatu ditu Eusko Jaurlaritzako Hizkuntza Politikarako Sailburuordetzeak 'Erabilera planak herri-administrazinoetan' goiburupean, eta Bilboko Euskalduna Jauregian egingo dira gaur eta bihar. Bertan aurkeztu dabe IRATI, euskerearen erabilera planetarako aplikazino barria.
Jaurlaritzeak eta Nafarroako Gobernuak euskerea alkarlanean sustatzeko akordioa sinatu dabe
2009-01-27 10:05 Euskerea berbagai
Hizkuntz politikearen ardurea daben Eusko Jaurlaritzako eta Nafarroako Gobernuko sailek euskerea sustatzeko alkarlana adostu dabe. Eusko Jaurlaritzako Kultura Sailak eta Nafarroako Hezkuntza Kontseilaritzeak, euskerea kultura-loturatzat hartuta eta ondarea sustatzeko eta bultzatzeko bakotxak dituan eskumenak erabiliz, Asmoen Adierazpena izenpetu dabe Iruñean, Nafarroako Jauregian.
Getxoko Udalak hezkuntza elebidunaren aldeko hainbat ekimen egingo ditu datozan egunotan
2009-01-22 17:20 Euskerea berbagai
Aurten zezeilaren 2tik 13ra bitartean izango dan ikastetxeetako aurrematrikulazino kanpainari begira, Udal getxoztarrak 'Ume elebidunen gurasoentzako eskuliburua' bialduko dau 2 eta 3 urte arteko umeen etxeetara. Elebakartasunaren aldean, elebitasunaren abantailak azaltzen ditu gideak, euskeraz eta gaztelaniaz.
Euskal prentsa eta euskalkiei buruzkoak dira 'Euskerea Mintzagai' liburu bildumearen bi ale barriak
2009-01-22 16:34 Euskerea berbagai'Euskerea Mintzagai' bildumeak euskerea dau mintzagai eta aztergai, eta helburu hori dauka bildumeak, hau da, euskerearen azken mendeetako bilakaera historikoa aztertu eta modu dibulgatiboan eskaintzea.
Euskaltzaindiak eta Nafarroako Unibersidade Publikoak hitzarmena sinatu dabe
2009-01-21 16:40 Euskerea berbagai
Gaur sinatutako hitzarmenak dinoanez, Nafarroako Unibersidade Publikoak, euskereari dagokionean, erakunde aholku-emoile ofizialtzat hartzen dau Euskaltzaindia eta, era berean, bi erakundeek ikerketarako goi mailako zentrotzat hartzen dabe alkar. Esangura horretan, bi aldeek lankidetza aktiboa adostu dabe, hainbat arlotan islatuko dana.
Berbalagunen bizkaiera taldea Getxon
2009-01-21 10:17 Euskerea berbagai
'Getxon be hameko berbe ikisi gure dogu'
Taldean jente asko animau da (28 berbalagun taldeetan, handiena da hau), harrerea uste genduana baino hobea izan da eta pentsetan dogu hori seinale ona dala: jenteak bizkaierea ikasi eta erabili nahi dau.
Nabarmenak
Sinatu edozer egin leiteke, baina neurriak... Prentsaburu erdalduna izentau barri dabe. País!
»» San Mamesen be 'Lehenengo berbea ...