'Jakinduriek mundue erreko dau': Zientziak eta bertsoek bat egingo dabe zapatuan Bilbon

Bizkaie! 2015-09-23 13:04   Bertsolaritzea

Hiru bertsolari eta bost zientzialari batuko ditue saio barritzaile horretan, Bilboko Bizkaia Aretoan, zapatu arratsaldean. Zientziaren alorreko azalpen laburrak entzun ahal izango ditue bertaratzen diranek eta, ondoren, azaldutakoaren inguruko bertsoak kantauko ditue bertsolariek. Zientziaren garrantzia modu atsegin eta originalean gizarteratzea da ekimenaren helburuetako bat.

Jon Maiak irabazi dau Gipuzkoako txapelketako lehen final zortzirena

Bizkaie! 2015-09-21 10:20   Bertsolaritzea

Jon Maiak irabazi dau Beasainen jokatu dan Gipuzkoako Bertsolari Txapelketako lehen saioa. Beraz, Maia zuzenean sailkatu da urriaren 31n Zestoan jokatuko dan final laurenetako saiorako, Alaia Martin eta oraindino erabakiteko dagozan beste lau bertsolarigaz. Maiaren atzetik, Ane Labaka eta Iñigo Mantzizidor Mantxi sailkatu dira.

»» Ikusi argazki guztiak (2)

Euskal bertsolariak Leonen izango dira, kantu inprobisaduari buruzko topaketetan

Bizkaie! 2015-09-18 14:06   Bertsolaritzea

Irailaren 25 eta 26an egingo dira Leon uriburuan eta probintzia haretako Cerezales del Condado herrian, kantu inprobisaduari buruzko topaketak. Euskal Herritik Maialen Lujanbio, Ane Labaka, Itxaso Paia eta Karlos Aizpurua joango dira. Kanariar Uharteetako eta Galiziako ordezkariakaz hartu-emona egin ahal izango dabe han. Mintzola Fundazinoaren Europa bat-batean egitasmoaren lehenengo pausua da honako hau. Bertso-emonaldiak eta dokumentalak egongo dira.

Reala - Athletic partiduaren harian, VI. Bertso Derbia Donostian

Bizkaie! 2015-09-16 14:46   Bertsolaritzea

Datorren irailaren 27an Anoetan jokatuko dan Realaren eta Athleticen arteko derbiaren harian, egun horretan bertan, eguerdiko 12:30ean, Donostiako Antzoki Zaharrean bertso saioa izango da.  Seigarren edizio honetan, Andoni Egaña, Amaia Agirre eta Amets Arzallusek hartuko dabe parte Realaren aldetik eta Jon Maia, Iratxe Ibarra eta Fredi Paiak Athleticen partetik.

»» Ikusi argazki guztiak (3)

Karmele Mitxelena oiartzuarrak irabazi dau XXIV. Lazkao Txiki Bertsopaper Lehiaketea

Bizkaie! 2015-09-15 10:37   Bertsolaritzea

Karmele Mitxelena oiartzuarrak irabazi dau Argi Berri alkarteak Ordizian antolatzen dauen Lazkao Txiki Bertsopaper lehiaketearen XXIV. edizinoko sari nagusia. Itsasoko bakardade lanari esker izan da saritua Mitxelena, eta 500 euro eroan ditu saritzat. Bigarrena, eta haren 400 euroak, Amasa-Villabonako Amaia Agirrek eskuratu dau EMEndakinak lanagaitik; eta hirugarrena (300 euro) Aitor Albistur errenteriarrarentzat izan da % 3 lanari esker.

Irailaren 20an hasiko da Gipuzkoako bertsolari txapelketea, 43 parte-hartzailegaz

Bizkaie! 2015-09-14 09:59   Bertsolaritzea

Beasainen jokatuko dan saioagaz ekingo deutsie lehiaketeari, final zortzirenetako fasean. Final laurenak eta finalaurrekoak jokatu eta gero, abenduaren 20ko finalean erabagiko da aurtengo Gipuzkoako txapelduna. Aitor Sarriegi aurreko edizinoko irabazleak ez dau parte hartuko eta, beraz, 43 parte-hartzaileetako bat be ez da finalera zuzenean helduko.

2015eko Xalbador Egunak 'Zubikoa' eta 'Errezil' bertsolariak be omenduko ditu

Bizkaie! 2015-09-04 15:31   Bertsolaritzea

Xalbador Eguna urriaren 10ean eta 11n egingo da Urepelen (Nafarroa Beherea) eta Fernando Aire Xalbador bertsolari zanagaz batera, Ximun Ibarra Zubikoa eta Juan Joxe Eizmendi Errezil bertsolariak gogoratuko ditu.

Bertsolari gazteen Lizardi saria hasiko da eguenean

Bizkaie! 2015-08-26 11:06   Bertsolaritzea

Ibilbide luzeko txapelketea da Zarauzko Lizardi eta bertsolari gazteen alorrean erreferentzia bihurtu da. Aurten, 39. edizinoa jokatuko da, eguenean, abuztuak 27, hasita. Finala irailaren 4an izango da. Basarri bertsopaper lehiaketako sari-banaketea be saio horretan egingo da. Lizardin, zortzi bertsolarik parte hartuko dabe aurten. Igaz, Ane Labaka izan zan txapeldun.

Mintzolak hiru diru laguntzino emongo ditu, bertsolaritzearen inguruko ikerkuntzea bultzatzeko

Bizkaie! 2015-07-21 16:58   Bertsolaritzea

Mikel Laboa katedreagaz batera egin dau deialdia Mintzola Fundazinoak. Unibertsidadeko edozein jakintza alorretatik abiauta, bertsolaritzearen inguruko ikerkuntzea bultzatzea da helburu nagusia. Hautagaien lanaren kalidadea aintzat hartuta, hiru proiektu lagunduko dira diruz. Master amaierako lanei lehentasuna emongo jake.

 

Bertso maratoia antolatu dau Algortako Bertso Eskoleak, hilaren 31rako

Bizkaie! 2015-07-21 13:39   Bertsolaritzea

Eguerdian hasi eta iluntzeraino, Algortako txokoak bertsoz beteko ditu ALBEk San Inazio egunean. Jone Uria, Imanol Uria, Beñat Gaztelumendi eta Andoni Egaña izango dira bertso maratoiko protagonistak. Bazkaria eta poteoa be egongo dira, bertsoz horniduak.

'Bertsoa Unibersidadean' eskolea, asteon Donostian

Bizkaie! 2015-07-06 10:40   Bertsolaritzea

Euskal Herriko Unibersidadearen (EHU) Uda Ikastaroakaz alkarlanean, Bertsoa Unibersidadean eskolea egiten dan bigarren aldia izango da aurten, eta, esandako moduan, bi ikastarok osotuko dabe programea: batetik, Bertsolaritzea eta Ahozkotasuna Hezkuntza Arautuan, eta, bestetik, Bertsolaritzearen Bidegurutzeak.

Hemen dira bertso-udalekuak

Bizkaie! 2015-07-03 13:06   Bertsolaritzea

Hemen dira bertso-udalekuak; gaur, garagarrilak 3, zabalduko ditu ateak Orioko Itxaspe baserriak lehen taldea hartzeko. Garagarrilaren 3an hasi eta 12ra, bertsolaritzaz eta ahozkotasunaz gozetako aukerea izango dabe 12 eta 14 urte bitarteko gazteek.

'Poza da gure iparra eta horren arabera kudeatzen doguz emozinoak'

Bizkaie! 2015-07-02 05:46   Bertsolaritzea

Esangura horretan, desikasi egin behar dogula esan dau: gure emozinoen lagun egin behar gara, ez erakutsi jakun moduan horreen kontra burrukan egin. Adierazo egin behar dogu sentiduten doguna eta sentimendu horreek zeharkatu. Emozino horreek norabide zehatz bati begira erabiliko doguz: poza da gure iparra eta horren arabera kudeatuko doguz emozinoak.

Eskolarteko finalean Paul Iruretagoiena Rezola ataundarrak eroan dau txapela

Bizkaie! 2015-06-29 10:19   Bertsolaritzea

Ikusle ugari hurreratu zan Orioko pilotalekura XXVII. Eskolarteko finalean ziranen jarduna ikusi eta bertsolaritzaz gozetan. Euskal Herri osoko bederatzi ordezkari batu ditu Euskal Herriko Eskolarteko Txapelketearen finalak; Paul Iruretagoiena Rezola ataundarrak eroan dau txapela eta Azkaineko  Aitor Servier Etxexuri izan da txapeldunorde.

»» Ikusi argazki guztiak (2)

Eskolarteko Bertsolari Txapelketea heldu da azken geltokira

Bizkaie! 2015-06-10 10:30   Bertsolaritzea

Herrialde bakotxean Eskolartekoaren saioak ospatuta, Euskal Herri mailakoari egingo jako tartea orain. Bagilaren 27an izango da hitzordua Orion eta egun osoko jaiak hartuko dau herria, XXVII. edizino hau biribiltzeko.

Aitor Servier txapeldun Xibero, Lapurdi, eta Baxenabarreko Gazteen Xapelgoan

Bizkaie! 2015-06-08 14:14   Bertsolaritzea

Arratsaldean jokatu zan Xapelgoan, Aitor Sevier azkaindarrak jantzi eban txapela, Ortzi Idoaten eskutik. Aitorregaz batean finalean izan ziran: Kerman Diaz, Hodei Renteria, Nahia Sasco, Ainhoa Sarasua, Julen Bellan, Leire Laskarai, eta Ibai Capot. Lapurditik, Aitor Servieregaz batera, Nahia Sasco be, Euskal Herriko finalean izango da Orion, bagilaren 27an.

»» Ikusi argazki guztiak (3)

Unai Mendizabal eta Iñaki Gurrutxagarentzat Gipuzkoa Bertsotaneko azken bi saioak

Bizkaie! 2015-06-08 10:39   Bertsolaritzea

Gipuzkoako Bertsolari Txapelketarako sailkapen faseko azken bi saioak jokatu dira joandako zapatuan Ataunen. Goizean Unai Mendizabal nagusitu da eta arratsaldekoan, barriz, Iñaki Gurrutxaga. Bi saio horreekaz amaitu da Gipuzkoa Bertsotan eta dagoeneko badakiguz irailean hasiko dan Gipuzkoako Bertsolari Txapelketarako sailkatu diran 30 bertsolarien izenak.

Txaber Altubek jantzi dau aurtengo Bizkaiko Eskolartekoko txapela

Bizkaie! 2015-06-08 10:19   Bertsolaritzea

Buruz burukoa Lurdes Ondaro Malleak eta Txaber Altube Sarrionandiak jokatu dabe, eta azkenean, Txaber Altubek jantzi dau aurtengo Bizkaiko Eskolartekoko txapela. Lurdesek eta Txaberrek bagilaren 27an Orion jokatuko dan Euskal Herriko finalean kantauko dabe.

»» Ikusi argazki guztiak (3)

Emozinoak eta umorea aztergai, garagarrilaren 1etik 3ra, Ahoa Bete Hots jardunaldietan

Bizkaie! 2015-06-04 11:15   Bertsolaritzea

Garagarrilaren 1etik 3ra bitartean izango dira jardunaldiak Gaztelumendik azaldu dauen moduan eta egitaraua eta izena emoteko informazinoa dagoeneko ikusgai da Mintzolaren webgunean. Bagilaren 4an ekingo jako izen-emoteari eta 22ra arte egongo da zabalik.

»» Ikusi argazki guztiak (3)

Datorren zapatuko Ataungo bi saioakaz amaituko da Gipuzkoa Bertsotan

Bizkaie! 2015-06-04 10:24   Bertsolaritzea

Gipuzkoa Bertsotan azken txanpara heldu da. Zapatuan, Gipuzkoako Bertsolari Txapelketarako sailkapen faseko azken bi saioak jokatuko dira Ataunen, herri antzokian. Horreen ostean jakingo da irailerako sailkatu diran 30 bertsolarien izenak.

»» Ikusi argazki guztiak (2)