Ken Loach zuzendariak jaso dau Canneseko zinemaldiko Urrezko Palmea
2016-05-23 13:29 Zinemea
Krisi ekonomikoaren eraginez sufriduten dagozanak gogoan hartu ditu Ken Loachek Frantzian, Canneseko zinema jaialdi entzutetsuko sari nagusia jasoteko ekitaldian. I, Daniel Blake filmari esker irabazi dau Urrezko Palmea.
Txaber Altubek jantzi dau txapela Bizkaiko Eskolarteko Txapelketan
2016-05-23 08:51 Bertsolaritzea
Txaber Altubek jantzi dau txapela, Unai Mendiburugaz buruz burukoa jokatuta. Txaber Altube txapeldunari Iratxe Ibarra Foruria bertsolariak jantzi deutso Txapela. Urte askoan izan da Ibarra bertso eskolako irakasle, eta eskolartekoan be behar handia egindakoa da.
Bertsolaritzea ardatz hartuta ikerketa kontratu bi izango dira aurten
2016-05-26 08:45 Bertsolaritzea
Ikerketa kontratuen deialdiak zein proiektu sarienak bertsolaritzeari buruzko ikerketa zientifikoa bultzatzeko asmoa dabe. Batera zein bestera eskariak egiteko epea irailaren 12an amaituko da.
Malen Amenabar irabazle, Bizkaiko Bertsolari Txapelketako Udabarriko Faseko azken saioan
2016-05-23 08:21 Bertsolaritzea
Getxoko Fadura kiroldegian jokatu da Udabarriko Faseko azken kanporaketea eta, giro ederrean jokatutako saioan, Malen Amenabar larrabetzuarrak lortu ditu punturik gehien. Bizkaiko Bertsolari Txapelketako Udagoieneko Fasean parte hartuko daben 30 bertsolariak nortzuk diran erabagita dago.
Aitor Salegik eta Antton Aranburuk irabazi dabe Plazatik Gaztetxera bertso sariketea
2016-05-23 09:28 Bertsolaritzea
Mutrikuko gaztetxean jokatu da Plazatik Gaztetxera txapelketako finala. Antton Aranburuk eta Aitor Salegik osotutako bikoteak jantzi dau txapela. Beste hiru bikotek be kantau dabe finalean eta sariketan, guztira, 64 bertsolarik parte hartu dabe.
Aroa Arrizubieta eta Peru Amorrortu izango dira Ereñotzun Arabako ordezkari
2016-05-23 08:26 Bertsolaritzea
Aroa Arrizubieta gasteiztarrak jaso dau arabako erreleboa; astegoienean 14-18 urte bitartekoen XIX. Bertsolarien Eskolarteko finala irabazi eta igaz irabazle subertau zan Peru Abarrategik berak pasau deutso erreleboa.
Astegoien honetan, maiatzaren 21ean eta 22an egingo da Portugaleteko XI. Folklore Azokea
2016-05-20 14:33 Kulturea
Aurtengo ekitaldi deigarrienetakoa, datorren domekan egingo dan Portugaleteko ezpata-jantzearen estreinaldia izango da. Portugaleten, XVII. mendean, Corpus Christi ospakizunean ezpata-jantzea izaten zala erakusten dabe agiriek eta testigantza horreek oinarri hartuta dator ezpata-jantzea.
Balio handiko Paleolitoko pinturak topau ditue Atxurrako kobazuloan
2016-05-24 12:59 Kulturea_content.JPG)
Orain dala 14.000 urteko 70 marrazki inguru topau ditue orain arte eta, alde horretatik, Euskal Herriko kobazulorik aberatsenetako bat da Atxurra, Berriatuko udalerrian. Irudi batzuek balio arkeologiko itzela daukie eta, horregaitik, Diego Garate arkeologoak adierazo dau, Santimamiñe topau zanetik ez dala antzeko aurkikuntzarik egin Bizkaian. Margolanak ezin izango dira bisitau, hango ondarea babesteko.
Radio Euskadiren historia liburu baten batu dau Leyre Arrietak
2016-05-20 12:38 Kulturea
La historia de Radio Euskadi lanean, 1936tik gaur egun arte euskal irrati publikoak euki dituan gorabeherak eta zailtasunak aztertu ditu Leyre Arrieta Deustuko Unibersidadeko irakasleak. Gerra denporan hasita, ondoren Ipar Euskal Herritik eta Venezuelatik emitidu eta gaur egungo egoitza modernora heldu arteko sasoiak ezagutu leitekez liburuan.
Hizkuntza Aniztasuna Sustatzeko Sare Europarra Bilbon egiten dabil batzarra
2016-05-26 12:51 Euskerea berbagai
Europar Batasuneko 16 hizkuntza txiki eta gitxituk parte hartzen dabe NPLD sarean, 35 gobernutako ordezkarien bidez. Urteroko batzar nagusietako bat Bilbon egin dabe. Lurralde bakotxeko hizkuntza politiken barri izateko eta Valentziako Erkidego Autonomoa sarean onartzeko aprobetxau dabe hitzordua. Ganera, mintegia antolatu dabe, Komunikabideak, sare sozialak eta IKTak euskaraz izenburupean.
Bart banatu ditue Bilbon XXVIII. Rafael Mikoleta Ipuin Lehiaketako sariak
2016-05-20 09:20 Kulturea
Bilboko Udaleko Euskera eta Hezkuntza sailak antolatutako lehiaketeak, lehenengo euskal gramatikea idatzi eban Rafael Mikoletaren izena daroa eta urtero egiten da 1989tik. Helburua, gaztetxuek euskal literaturea eta euskerea jorratzea da.
Basque Culinary World Prize sariak 20 finalistak iragarri ditu
2016-05-27 09:16 Jan edanak
Basque Culinary Center-ek (BCC) eta Eusko Jaurlaritzeak antolatu eta emoten dabe saria, Euskadi-Basque Country estrategiaren barruan. Euskadi-Basque Country euskal erakunde guztien babesa eta partaidetzea dauen herrialde-markea da.
UPV/EHUk 410 doktore barri izentauko ditu
2016-05-20 08:51 Kulturea
Danetara, igaz 222 emakumek (% 54) eta 188 gizonek (% 46) irakurri eben tesia UPV/EHUn. 2015an, beraz, 410 tesi egin zituen. Era berean, 2012/13ko doktoregoko 40 sari bereziak be emongo dira ekitaldi honetan.
350 erabiltzaile ditu Mintzanet plataformeak, % 20 atzerrian
2016-05-20 08:33 Euskerea berbagai
Mintzalagun edo berbalagunaren Internet bidezko bersinoa da Mintzanet. Egitasmoaren helburua, euskeraz jarduteko aukerarik ez daben lagunei etxetik urten barik, euskerea praktiketako modua emotea da.
Antzerkirako pentsautako zazpi testu batu ditu Oier Guillanek 'Mr. Señora' liburuan
2016-05-20 08:23 Kulturea
Gaiaren eta idazteko erearen aldetik independenteak diran zazpi idazlan dakarz Mr. Señora liburuak (Txalaparta). Galderak sortzen dituen istorioak dira, Oier Guillanen esanetan, eta egokitu jakenagaz konforme ez dagozan personaiak dira ardatza. Oholtza ganerako pentsautako testuak diran ezkero, Zarauzko Literaturian antzeztuko dabe Mr. Señora, hilaren 21ean.
Zineuskadik eta EZAEk hitzarmena sinatu dabe, aretoetan euskal film gehiago emoteko
2016-05-19 15:34 Zinemea
Hitzarmena sinatu dabe Zineuskadi erakundeak eta EZAE Euskadiko Zinema Aretoen Alkarteak. Alkarlanean sakonduta, Europako eta Euskal Herriko pelikula gehiago erakustea adostu dabe eta, holan, bertoko zinemeak azkenaldion euki dauen gorakadeari eutsi nahi deutsie.
Ernest Hemingwayren ibilbidea gogoratu dabe Bilbon
2016-05-19 12:40 Kulturea
John Hemingway, nobel saridunaren lobea, haren aititak Euskal Herrian gehien ibilitako lekuak bisitetan dabil egunotan, Eusko Jaurlaritzeak, EAEko hiru uriburuetako udalek eta Urdaibai eskualdeko Landa Garapenerako Urremendi Alkarteak konbidauta. Gidari lanak Edorta Jimenez idazleak egin ditu.
'Familia artean' egindako diskoa dakar Joseba B. Lenoirrek
2016-05-19 12:34 Musikea
Autoprodukzinoa da Eguzkiari begietara so, Joseba B. Lenoirren bakarkako laugarren diskoa. Askotariko doinuak batu ditu oraingoan beratarrak bederatzi kantako lanean. Ingurukoen laguntzinoagaz egindako diskoa danez, familia artean sortutakoa dala nabarmendu dau.
Literaturea plazer-iturri dala erakusteko hamaikatxu aukera Zarautzen, maiatzaren 19tik 23ra
2016-05-19 08:33 Kulturea
Ekitaldiz bete-betea dator aurten be maiatzaren 20ko astegoienean Zarautzen ospatuko dan euskal letren azokea, Literaturia. Larrua gaitzat hartuta hainbat idazlek eta musikarik hartuko dabe parte, Plazer hutsa lelopean.
Erabateko 21 estreinaldi dakarz Leioako Umore Azokeak aurten
2016-04-27 14:03 Kulturea
Maiatzaren 19tik 22ra egingo da Leioako kale eta plazetan Umore Azokearen 17. edizinoa. Antolatzaileek nabarmendu dabenez, 54 ikuskizun egongo dira aukeran, horreetatik 21, erabateko estreinaldiak. Ganera, bertoko artistei lekua egingo jake eta sektoreko profesionalen topaketea egongo da. Leioa kaleko arteen uriburu bihurtuko dogu, dino Ana Lopez programatzaileak.
Nabarmenak
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...