Aktualitatea

Unibersidadeko euskerazko on-line eskaintzea aztertuko dau UEUk hilaren 10ean

Donostiako Koldo Mitxelena Kulturunean egingo dabe jardunaldia. Mundu zabalean unibersidadeko ikasketak on-line egiteko gero eta aukera gehiago dagoz eta euskerea arlo horretan ze egoeratan dagoan eta aurrera begira ze erronka egongo diran aztertuko dau UEUk.

Dantza Eskolara, Eskolak Dantzara eta Familiak Dantzara ekimenetarako proposamenak jasoteko epea zabalik

Jantzearen arloan publiko barriak sortzea eta sensibilizazinoa lantzea dira hiru programa horreen helburu nagusiak. Dantzabiz erakundeak azaldu dauenez, konpainiek, sortzaileek zein beste eragile batzuek aurkeztu leikeez proposamenak, bagilaren 18a baino lehen.

Hitzarmena Lemoan, enpresa eta komertzioetan euskerearen erabilerea sustatzeko

Bai Euskarari Ziurtagiria eskuratzen daben herriko eragileei diru-laguntzinoa emongo deutse Lemoako Udalak.

Goi mailako lau emonaldi bagilean, Ziortzako Kontzertuak zikloan

Bertoko zein kanpoko artistek parte hartuko dabe Ziortzako Kontzertuak zikloaren 28. edizinoan. Bagilaren 4an, 5ean, 11n eta 12an izango dira emonaldiak, Ziortzako kolegiatan. 

Domeinu publikoko 1.100 liburu erabiltzaileen eskura ipini ditu eLiburutegiak

Jaurlaritzeak bultzatutako liburutegi digitalak, eLiburutegiak, aukera barri bat gehitu deutso bere eskaintzeari: Egile eskubideetatik libre dagozan liburu klasikoak deskargetako aukerea emongo dau aurrerantzean. Euskerazko, gaztelaniazko eta ingelesezko 1.100 obra baino gehiago hartu leitekez, doban. Ganera, eLiburutegiaren zerbitzua diasporako euskaldunei zabaldu deutsie.

Laudio, Sodupe eta Santurtzi irabazle II. Kultura Ondarea sarietan

Lehiaketa honen helburua da Derrigorrezko Bigarren Hezkuntzako 3. eta 4. mailetako, Batxilergoko lehen mailako eta erdi-mailako heziketa zikloetako lehen mailako ikasleek EAEko kultura-ondarea ezagutarazoteko egindako bideo onenak saritzea.

Bertsolarien eta musikarien bat-bateko saioa, Donostiako Jazzaldian

Garagarrilaren 24an egingo dabe Bertsojazz emonaldiaren bigarren edizinoa. Lehenengoa, 2008an, arrakastatsua izan zala dino Donostiako Jazzaldiak eta, beraz, formulea errepetiduko dabe: Bertsolari eta musikari ezagunak oholtzan batuko ditue eta saio inprobisadua egingo dabe. Izan be, bertsolaritzea eta jazza, biak oinarritzen dira bat-batekotasunean.

Euskal kulturearen inguruko ekitaldiak, Washingtongo Smithsonian Folklife jaialdian

Urtero Estadu Batuetako uriburuan egiten dan jaialdi handia da Smithsonian Folklife eta, aurten, euskal kulturea izango da gonbidatu nagusia. Bagilaren 29tik garagarrilaren 10era, Euskal Herriko ohiturak, bizimodua eta ezaugarriak erakusteko jarduera ugari antolatu dira.

Mugak eta ateak zabaldu ala dana zarratu eta hormak altzau???

Ondalan konparsearen 20. urteurrenean, 69 erraldoi batuko dira Bilbon

Bagilaren 4an, San Inazion ospatuko dau 20. urteurrena Ondalan erraldoien konparseak. Kalejiran, Euskal Herriko hainbat lekutatik etorritako 69 erraldoik parte hartuko dabe eta, beraz, era horretako figuren inozko bilkurarik handiena izango da Bizkaian. Ganera, egitarau zabala preparau dabe egun horretarako.

Deustuko zubian interbentzino artistikoak egiteko deialdia zabaldu dau EHUk

Zubia altzetako makinaria gordeten dan etxolan, proiektu artistikoak proponidu ahal izango ditue EHUko Arte Eder Fakultadeko ikasleek eta doktoregaiek. Bagilaren 12ra arteko epea daukie lehiaketara aurkezteko eta proposamenik onenak hilebetez egongo dira ikusgai.

Lau proiektu aukeratu ditue 'VIII. Artistak Egoitzan' programan

Olatz Gorrotxategiren 43º13’44’’N; Marta Álvarezen, Jon Koldo Vázquezen eta Atxarte López de Munainen (MAuMA) KT83 jantza-site specific proiektua; Parasite Kolektiboaren Hot Water; eta, azkenik, Esku Harriak: Oteizaren (h)aria jantza piezea (euskeraz) Mugmus Laborategia konpainiaren lehenengo lana.

Badator 'Bilbao BBK Live Bereziak', bagilean izango diran dobako kontzertuen zikloa

Bagilaren 3an, Freedonia taldeak emongo deutso hasierea zikloari Astrabuduako Sonora aretoan. Hirurogeiko hamarkadako soul erritmoan, Freedonia taldea da, duda barik, estaduko funk eta soul eszenaren erreferentzia.

ACTk, Lan Laburren Antzerkialdiak, 70 artista batuko ditu bagilaren 1etik 4ra

Bilbon eta Barakaldon ikusi ahal izango dira ACT jaialdiaren 13. edizinoko antzezlanak. Bertoko eta kanpoko 70 artista inguruk formatu laburreko 15 pieza eskainiko ditue eta, ganera, berbaldiak, topaketak eta tailerrak egongo dira.

Munduko Txotxongilo Jaialdia Donostian eta Tolosan, maiatzaren 28tik bagilaren 5era

World Puppet Festival jaialdiak munduko txotxongilo-ikuskizunik onenetako batzuk erakutsiko ditu, DSS2016Eu eta Tolosako TOPICen arteko alkarlanari esker. Danetara, mundu osoko 30 konpainia baino gehiago izango dira gurean.

Ignazio Omaetxebarriaren liburu bat aurkeztu dau Euskaltzaindiak Gernikan

Osoko bilkurea egin dau Euskaltzaindiak Gernika-Lumoko Kultura Etxean gaur eta, horren ondoren, Ignazio Omaetxebarria zanaren Euskara barrutik, estudios de lingüistica vasca liburuaren jentaurreko aurkezpena egin dau Akademiak Elai Alai aretoan. Paulo Agirrebaltzategik preparau dau edizinoa.

Bizantziar Inperioko zenbait persona izen arautu ditu Euskaltzaindiak

Antxinateko zenbait antroponimoren eta mitonimoren euskerazko grafiak finkatu ondoren, Erdi Aroko persona ospetsuren euskerazko izenak lantzeari ekin deutso Euskaltzaindiak. Lehen emoitzea argitaratu da orain: 179. araua (Bizantziar Inperioko persona-izenak), hain zuzen be.