Aktualitatea

Jaurlaritzeak rapa nui hizkuntzea suspertzeko akordioa sinatu dau

Patxi Baztarrika Eusko Jaurlaritzako Hizkuntza Politikarako sailburuordeak eta Wilson Reyes Txileko Gobernuko Garapen Indigenaren Korporazino Nazionaleko (CONADI) zuzendari nagusiak rapa nui hizkuntzea suspertzeko eta hizkuntz politikearen arloko euskal esperientzia Pascua Ugartean apliketea aztertzeko akordioa sinatu dabe.

Guggenheimek programa berezia aurkeztu dau Aste Nagusirako

Musika, jantzea eta gazteentzako tailerrak batzen dituan jai-programea Angel Corellaren jantza-errepertorioak zabalduko dau abuztuaren 17an. Ostean, jazza, perkusino-tailerrak eta beste hainbat ekimen izango dira.

Euskera Kultur Alkargoak, Topaguneak eta ONCEk diru-laguntzinoa jasoko dabe euskerea sustatzen segiduteko

Euskera Kultur Alkargoak 60.000 euro jasoko ditu Nafarroako Foru Erkidegoan egiten dauen jardunari ekiteko; Topagunearen zeregina 'Mintza praktika' programea indartzea izango da eta horretarako 72.776 euro izango ditu; azkenik, Espainiako Itsuen Alkarte Nazionalak (ONCE) 70.000 euro jasoko ditu liburuak irakurketa-sistema egokituetara itzultzeko.

Vier minuten

Pelikula hau itzel gustauko jatzu edo guztiz bildurtuko zaitu. Egia esan, hain da iluna, ze, kalera urten ostean be, tarte bat behar da zinema aretoan sortutako ezinegona desagertu daiten.

Bizia emoten deuskuna erre ezkero, geu be erreko gara

Urdaibai Euskadiko txapeldun

Euskadiko arraun txapelketea Donibane Loitzuneko uretan jokatu da eta, lehenengoz, traineru bizkaitar batek eroan dau txapela.

Gurina eta margarinea

Komunikabideek zabaltzen dituen publizidade-mezuak dirala eta, jente askok dudea izaten dau gurina ala margarinea aukeratzeko. Antzeko ezaugarri asko ditue gurinak eta margarineak, baina baita desbardinak diren beste asko be. Azken horreek komentauko doguz.

SPRIk eta EHUk ‘Barrikuntza eta Jakintzaren Kudeaketa’ masterra eskainiko dabe

‘Barrikuntza eta Jakintzaren Kudeaketa’ masterra bere ezaugarriak dituan lehenengoa da EHUk eskaintzen dituanen artean, eta eraginkortasunez buztartuko ditu enpresearen mundua eta unibersidadearen mundua.

Lobo Eléctrico eta Macarrada Kabiarock'07 musika jaialdian

Ekimena Kabia kultur alkarguneak antolatu dau, auzoan rock and rolla zabaltzeko asmoagaz. Igaz egin zan lehenengo edizinoa La leñera eta Maz Mon Kis taldeakaz. Aurten, barriz, Lobo Eléctrico eta Macarrada taldek parte hartuko dabe Bilboko San Inazion.

Hartzidura alkoholikoa zaintzeko tresna barria

Montpelliereko Unibersidadean sortu daben hartzidura alkoholikorako simuladorearen bidez hartzidurearen zinetika deskribidu daiteke zehaztasun handiz eta hartzidurearen iraupena be aurreikusi daiteke % 90 inguruko zehaztasunagaz.

Ur azpiko Wi-Fi sistemea

Urpekarien arteko komunikazinoa ahalbidetzeko asmoz, gaurko teknologia aprobetxauta Britainia Handiko hiru enpresa batu dira erronkeari aurre egiteko: bi urte barru edo, ur azpian irrati komunikazino sistema bat garatzea da asmoa, lehorrean Wi-Fi sistemea erabilten dan antzera.

Uek, Txuma, Petti eta Joserra Senperenaren diskoak atarako ditu laster Gaztelupeko Hotsak diskoetxeak

Bluesa (Harp Attack, Special 20, Gaby Jogeix) eta rocka (Roy Loney & Señor No, Sexty Sexers) izan badira nagusi aurten Gaztelupeko Hotsak diskoetxearen produkzinoetan, udan bi bakarlari esanguratsu eta bi hirukote berezi dira aitagarri, izan be, euren disko barriak preparetan dabilz.

XIX. mendeko 100 gatzagari buruzko azterketa sakona kalean

Lan sakon horrek garai batean ‘urre zuria’ deituriko produktua produziduteko penintsulan erabilitako sistemei buruzko ikuspegi orokorra eskaintzen dau, eta XIX. mendearen erdialdean (koroak gatzaren monopolioa ezeztatu eta jabegoak egiazko jabeei itzuli aurretik) martxan egozan ehun gatzaga baino gehiago zehetasun osoz deskribiduten ditu.

EHUk argitaratzen dau Espainiako zientzia-aldizkari aitatuena

Philadelphiako (AEB) Institute for Scientific Information (ISI) erakundeak egindako neurketa baten arabera, Euskal Herriko Unibersidadeak argitaratzen dauen ‘The International Journal of Developmental Biology’ aldizkaria, garapenaren biologia alorrekoa, Espainian argitaratzen diranetatik gehien aitatzen dana da, ezagutza zientifiko, tekniko nahiz medikoaren alorreko beste guztiak kontuan hartuta.

Hegaluze Astea Lekeition garagarrilaren 25etik 29ra

Lea-Artibaiko Amankomunazgoak antolatuta, Hegaluze Astearen laugarren edizinoan, bost produktore izango dira datorren zapatuko (garagarrilak 28) azokan eta 700 kilo hegaluze banatuko dira erreta zein pintxotan.

Fermin Muguruza Japonian zuzenean

Japoniako kontzertuen ostean, Amsterdamen, Alemanian, Belgikan eta Irlandan joko dau Muguruzak. Ondoren, Gasteizko jaietan izango da abuztuaren 9an. Gipuzkoako uriburuan be entzun ahal izango dogu irundarraren musikea, abuztuaren 16an izango da hori, Donostiako jaien barruan.

Bilboko Udalak 12.300 euro banatuko ditu Gabriel Aresti XXV. Ipuin Lehiaketako sarietan

Bilboko Udaleko Kultura eta Hezkuntza Sailak Gabriel Aresti XXV. Ipuin Lehiaketarako jatorrizko lanak hartzeko epea zabaldu dau. Edozein nazionalidadeko egileek gai libre, argitarabako eta gehienez 15 orriko luzerako ipuinakaz parte hartzeko aukerea izango dabe. Epea 2007ko urriaren 31an amaituko da.

El Juevesek zuzenketea egin eta ale berezia atarako dau epai-bahiketaz

Ale berezia abuztuaren 1ean argitaratuko dabe El Jueveseko editorea dan Jose Luis Martinek jakinarazo dauenez. Gainera, webgunea barriro zabaldu dabe ‘Zuzenketea egin dogu’ izenburupean, polemikea eragin dauen portadearen alternatibea erakutsiz. Azal barrian, Asturiaseko Printzea erle mozorroagaz agiri da Letizia and.aren arpegia dauen lore baten gainean hegaz.