Gainsbourg musikari frantziarraren omenezko lana kaleratu dabe

| Ikusi handiago | Argazki originala

Orain dala urte bi Serge Gainsbourg-en heriotzearen hamabosgarren urteurrena bete zanean, Juan Carlos Landa —Jocano- kantari donostiarrak gainsbourzaleak batu gura izan zituan kontzertu-omenaldia preparetako. Ez zan denpora nahikorik izan egiteko, baina egitasmoa baztertu barik, proiektua handituz joan zan. 'Gainsbourg-en bersinoak entzunda nituan ingelesez, italieraz, gitxi batzuk gaztelaniaz... beraz, bagenduan euskeraz egiterik'.

Urte emonkorra izan zan igazkoa, itzulpen, egokitzapen eta grabazino prozesuetan pasautakoa. Juan Zulaika, injineru eta produktorearen aginduetara, hamabost kanta grabau zituan lagun koadrila ederrak: Gari, Mikel Agirre (La Buena Vida), Diego Vasallo, Estanis (Natural Project), Saioa, Amaia Intxausti, Rafa Berrio, Txuma Murugarren, Urko Menaio, Enrique Mingo, Sanchís, Giorgio Bassmatti, Jone Gabarain… Ondorengo musikari honeek be parte hartu dabe: Aitor Unanue, David Soriazu, Iñaki Huarte, Txeli, Agus, Joserra Senperena eta Javier Sun.

Apirilean argitaratuko da 'Gainsbourg Gainbegiratuz' lana, bakarlari frantziarraren 15 kantaren egokitzapena jasoten dauen diskoa. Lan horretaz zuzenean gozetako aukerea be izango da:

- Aurre estreinaldia: Elgetako Espaloia Kafe Antzokian, apirilaren 18an.
- Estreinaldia: Donostiako Victoria Eugenian, maiatzaren 7an.
- Post estreinaldia: Azkoitiako Baztartxo antzokian, maiatzaren 10ean.