Merkaduan dagozan euskerazko produktuen barri emoten dauen katalogoa zabaldu dabe Getxon
2010-11-26 10:55 Euskerea berbagai
Getxoko Udala euskerazko produktuen katalogoa eta horren barri emoten dauen Imanol Landa alkatearen gutuna bialtzen hasi da udalerriko 0 eta 18 urte bitarteko 8.500 familiari, Gabonetara begira merkaduan dagozan euskerazko produktuen barri emoteko.
Europako azken kontzertua Getxon emongo dau Rafael Amorrek
2010-11-26 10:32 Musikea
Rafael Amorren kontzertuagaz abiatuko ditu bere 10. urteurreneko ospakizunak Koska Irratiak, Uribe Kostako irrati libreak. Datorren urteko zezeilera arte luzatuko dira bestelako ekimenak. 10 urte uhinetan. Eskerrik Koska lelopean, egitarau potoloa preparau dau Uribe Kostako Koska Irratiak
60.000tik gora lagunek bisitau dabe AlhóndigaBilbaoren mediatekea, ateak zabaldu zituanetik
2010-11-25 16:58 kulturbiz
Joandako urriaren 24tik egunero 1.500 persona baino gehiago igaro dira ekipamendu barritik. Zapatu eta domekatan izaten da jente gehien; astegoienetan, 3.000 persona be izan dira egun batzuetan.
'Aukeran' jantza-konpainiak zabalduko dau aurtengo Udagoieneko Ostera
2010-11-25 14:53 kulturbiz
Udagoieneko Ostera kultur zirkuituak hamaikagarren edizinoa beteko dau aurten eta asteburu honetatik abenduaren 30era Galdakao, Mungia, Muskiz, Bilbo, Durango eta Zalla herriak kultur jarduerez jantziko ditu. Danetara, hamabi emonaldi izango dira, musika eta antzerki arloetakoak, euskerearen erabilerea sustatzen lagunduko dabenak.
'Bilbao como has cambiao', urteen joanean Bilbo zelan aldatu dan ikusteko liburua
2010-11-25 14:36 Kulturea
Bilbao como has cambiao izeneko liburuan, Bizkaiko uriburuko argazki zaharrak eta barriak batera ikusi geinkez eta uriaren itxurea hamarkada gitxian zelan aldatu dan jakiteko lan aproposa da. Ehun irudi baino gehiago dakarz liburuak, Manu Cecilio, Begoña Zubero eta Vicente Paredes argazkilari ezagunek egindakoak.
Datorren zapatuan jokatuko da Irunen Euskal Herriko Hitz Gurutzatuen IV. Txapelketea
2010-11-25 13:48 Euskerea berbagai
LUMA aldizkariak antolatuta, Euskal Herriko Hitz Gurutzatuen IV. Txapelketea jokatuko da Irunen datorren zapatuan, zemendiak 27. Euskerazko berba joko, berba kurutzatu eta denpora-pasa jokoak eskaintzen ditu hilero LUMA aldizkariak (108 zenbaki kaleratu ditu honezkero) eta laugarren aldia da txapelketa hori antolatzen dauena.
18 minutos
2010-11-25 11:27 Zinema kritikak
Sei istorio kontetan ditu filmak, egun bateko armozua, bazkaria eta afaria ardatz dabela. Drama eta komedia artean dagoan film honetan, hainbat pertsonaien ibilbidea jarraitzen dogu egun batean zehar. Amodioa, ez-amodioa, adiskidetasuna, bakartasuna, bikoteren argiak eta gerizpeak, heriotzea...
Gastronomiako eta Sukaldeko Zientzien Gradua aurkeztu dau Basque Culinary Centerrek
2010-11-25 10:41 Jan edanak
Basque Culinary Centerrek San Sebastian Gastronomika jardunaldien barruan aurkeztu ditu Gastronomiako eta Sukaldeko Zientzien Espainiako lehenengo graduaren ezaugarriak. Ekintza historikoa da aintzatespen akademiko handiena lortu baitau lanbide eta sektore honek; izan be, ez dago gastronomia arloan unibersidadeko prestakuntza-eskaintza ofizialik.
Gazteak eta artea indarkeria matxistearen kontra buztarturik, Emakumeakanako Indarkeriaren Kontrako Nazinoarteko Egunean
2010-11-25 09:15
2005ean sortu zan Emakumeakanako Indarkeriaren Kontrako Euskadiko Udalen sarea, EUDELen eta Emakunderen bitartez. Aurten, bi horreei Eusko Jaurlaritzako Herrizaingo Saileko Genero-indarkeriaren Biktimen Zuzendaritzea gehitu jake. Egun 48 udalerrik osotzen dabe sarea, eta euskal biztanleen %70 ordezkatzen dau.
'Plazatik plazera, plaza plazer' hiru inprobisazino mota plazan batera
2010-11-24 16:32 Bertsolaritzea
Zemendiaren 29tik abenduaren 5era Gasteizen egingo dan kongresu baten harira, Uruguayko Payadoreak eta Cubako repentistak etorriko dira Euskal Herrira. Payadoreek eta Repentistek, bertsolarien antzeko jarduna egiten dabe.
Bilboko Artelan Berreginen Museoa eguenean hasiko da ospatzen bere 80. urteurrena
2010-11-24 14:00
Bizkaiko Foru Aldundiaren eta Bilboko Udaleko Kultura eta Hezkuntza Sailaren esku dagoan Artelan Berreginen Museoak 80. urteurrena eta bere egoitza Mariaren Bihotzaren Eleizan ezartzearen laugarren urteurrena ospatuko ditu, eta Berre-click artea erakusketea zabalduko dau eguenean.
Bizkaiko 17 udalerri, hiru mankomunidade eta Foru Aldundia alkarlanean, Euskararen Egunean
2010-11-24 13:51 Euskerea berbagai
Urtero legez, aurten be, abenduaren 3an ospatuko da Euskararen Eguna eta, Bizkaiko Foru Aldundiaren ekimenez, hainbat udalerrik bat egin dabe, 'danok batera jarduteak programazino osoagoa egiteko aukerea emoten dau', Josune Ariztondo kultura diputaduak azpimarratu dauenez.
Errautsak antzezlana BilBAKen udagoieneko programazinoan
2010-11-24 11:28 Kulturea
Artedrama (Bizkaia), Dejabu Panpin Laborategia (Gipuzkoa) eta Le Petit Theatre de Pain (Lapurdi) euskal taldeak proiektu baten inguruan batu dira: Errautsak taularatzea, hain zuzen, 70. hamarkadan jaio eta Itoiz edo Delirium Tremens-en rockagaz hazi zan belaunaldiaren erretratua.
Euskerea Internet bidez zabaltzeko kanpainea jarri dau martxan Etxepare Institutuak
2010-11-24 11:06 Euskerea berbagai
www.euskaramundiala.net webgunearen bidez, herritarrek hamarnaka esaldi izango ditue eskura, besteak beste, esaera zaharrak, eguneroko berbak eta aho-korapiloak. Bide horretan, webgunera sartzen danak aukerea izango dau esaldi bat aukeratu, entzun eta, esaldi bera ahoskatuz, webcam bidez grabetako.
Split 77 taldearen izaerea laburbiltzen dauen diskoa kalean da
2010-11-23 14:41 Musikea
Sei urte diskorik atara barik egon da Bilboko laukotea eta, lan barriagaz, 'heldutasunera heldu' dirala nabarmendu dabe. Hirugarren diskoa dabe eta izen berezirik be ez deutsie jarri, Split 77 baino ez, azken finean, taldearen esentzia batu dabe eta. 'Nahi izan dogun diskoa egin dogu, geure burua topau eta onartzeko prozesua burutu dogu', azaldu dabe taldekideek Bilboko Kafe Antzokian egindako aurkezpenean.
Deustuko Unibersidadeak Zuzenbide Zibilari buruzko hiztegi bat argitaratu dau
2010-11-23 14:30 Euskerea berbagai
Deustuko Unibersidadeak Vocabulario de Derecho Civil izenburuko hiztegia argitaratu dau, diziplina hori euskeraz ikastea errazteko asmoz. Hiztegian batzen diran berben euskerazko eta gaztelaniazko itzulpenek 'tresna praktiko eta zehatza' izan gura dabe beren jarduerea bi hizkuntzetan garatu gura daben Zuzenbide Zibilaren profesionalentzat.
Leioako 2011ko Umore Azokan parte hartzeko proposamen artistikoak aurkezteko epea zabalik dago
2010-11-23 13:08 Kulturea
2011ko maiatzaren 12, 13, 14 eta 15ean ospatuko dan Leioako Umore Azokan parte hartzeko proposamen artistikoak aurkezteko epea zabalik dago. Antolatzaileek 2011ko edizinoan parte hartu gura daben konpainia, artista eta alkarteek izena emoteko epea zabaldu dabe. Proposamenak aurkezteko epea 2011ko urtarrilaren 21ean amaituko da.
Karlos Argiñano omendu dabe Gastronomika jardunaldietan
2010-11-23 10:29 Jan edanak
Karlos Argiñanoren ibilbidea omendu dabe San Sebastian Gastronomika-Euskadiko Goza Ezazu Nazinoarteko Biltzarraren XII. edizinoan. Besteak beste, Hilario Arbelaitz, Juan Mari Arzak, Martin Berasategui, Andoni Luis Aduriz eta Pedro Subijana lankideek euren mirespena agertu deutse Zarautzeko sukaldariari.
Shakirak BECeko jarraitzaileak jantzan jarriko ditu gaur
2010-11-23 10:18 Musikea
Musikari kolonbiarrak pasa dan barikuan 18.000 ikusle batu zituan Madrileko Palacio de Los Deportes gunean eta gaur Barakaldoko BECen egon ondoren, bihar Bartzelonako Palau Sant Jordin kantauko dau.
Maialen Lujanbio eta Andoni Egaña bertsolariek bertsoz bertso kontauko dabe Deustuko historia
2010-11-22 14:52 Bertsolaritzea
Ekitaldia Bilboko Udaleko Kultura eta Hezkuntza Sailak Deustuko Berbaizu Euskera Alkarteagaz alkarlanean antolatutako 'Deustura udazkeneko kultura' ekimenaren barruan dago. Ekimena joan dan zemendiaren 12an hasi zan eta hilaren 30ean amaituko da.
Nabarmenak
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...