Aktualitatea

Mundumira 2012 Leintz Gatzaga eta Eskoriatzan egingo da, maiatzaren 18tik 29ra

Mundumira munduko kulturen jaia Leintz Gatzaga eta Eskoriatzan egingo dabe aurten, maiatzaren 18tik 29ra, antolatzaileek jakinarazo dabenez. Musikea, kirola, turismoa, gastronomia, antzerkia eta beste hainbat jarduera izango dira aukeran Mundumiran.

Txapelketako protagonistak (III)

Hori bai, gero! Oraingoan bai. Txapelketako protagonistak (I) eta (II) alkarrizketakaz gangarra gora euki badot, oraingoan, gitxienez, paparra atarata nator. Pentsetan dot inoz esan deutsuedala bertsolariak eta bertsozaleak dirala Txapelketearen enkofratzaileak. Ba, hemen dozuez azken talde horretako bi: Ana Mari Zuluaga (Zeanuri, 1955) eta Jesus Mari Iturrioz (Igorre, 1954).

Soziolinguistika Klusterrak eta Euskaltzaindiak lankidetza-hitzarmena sinatu dabe

Soziolinguistika Klusterrak eta Euskaltzaindiak erakunde bien arteko hitzarmena sinatu dabe. Klusterraren izenean Jaime Altuna presidenteak sinatuko dau, eta Euskaltzaindiarenean Andres Urrutia euskaltzainburuak. Hitzarmenaren helburua erakundeen arteko alkarlana sortzea da, euskerearen normalizazinoari buruzko proiektu partekatuak gauzatzeko.

II. Eskutartie, Udabarriko Artisautza Azokea Bilbon, martiaren 30etik apirilaren 9ra

Eskutartiek lurralde guztietako ordezkariak izango ditu. Bizkaia izango da ordezkari gehien izango dituana, danetara, 14; Gipuzkoak 2; Nafarroak 2, Arabatik 3 etorriko jakuz eta Iparraldetik bat.

'Intouchables'

Igazko Donostiako Zinemaldia itxi eban filmak, sekulako arrakastea izan dau ordutik, batez be Frantzian. Baina, Intouchables beste komedia komertzial bat baino ez da. Originaltasun gitxi dauka filmak. Esandakoak esanda, filmak baditu gauza onak be. Entretenigarria da, ez dau ikuslea aspertzen, eta hori beti da eskertzeko modukoa.

Alvaro Gurrea irakasleak 'Kosallu' nobelea kaleratu barri dau

Alvaro Gurrea irakasleak Kosallu liburua kaleratu dau Ttarttalo argitaletxeagaz. Kosallu izen erreala da, existiduten da, etxe bateko izena. Nobelea irakurten dauenak igarriko dau zein herritako etxea dan, dino egileak. Gizon berezia izan zan Kosallu, José Allu zan bere benetakop izena, eta urrunetik etorri zan, inork ez ekian zergaitik eta zertara.

Belvedereko Apolo izango da 'Artelana bere testuinguruan' zikloaren protagonista Berreginen Museoan

Belvedereko Apolo izango da Bizkaiko Foru Aldundiaren eta Bilboko Udaleko Kultura eta Hezkuntza Sailaren esku dagoan Bilboko Berreginen Museoaren pieza garrantzitsuenak ezagutzera bideraturiko zikloaren protagonista, bariku honetan, martiaren 30ean.

Musikearen alderik ezkutuenak, Bilboko Alondigako 'The side show' programan

Soinuaren modu desbardinetara hurreratzeko aukerea izango da martiaren 29tik 31ra bitartean Bilboko Alondigan, The side show: Musika ezkutuan EX programearen bigarren monografikoaren egitarauaren barruan. Soinua biziteko eta esperimentetako kontzertuak, performanceak, instalazinoak, tailerrak eta beste makina bat jarduera atondu ditue. Egitarauko ekitaldi gehienak doban izango dira.

Bilbo Hiria irratiak 15 urte

Bilboko irrati euskaldunak 15 urte beteten ditu egunotan. Izan be, 1997ko martian jarri zan abian Bilbo Hiria irratia, Zenbat Gara alkarteak bultzatuta. Urteurrena ospatzeko, hainbat ekitaldi antolatu ditu Bilbo Hiriak martian eta apirilean.

Elorrioko bonbardaketea gogoratzeko ekitaldiak izango dira hilaren 30an eta 31n

Bizkaiko beste hainbat herritan lez, Elorrioko bonbardaketearen 75. urteurrena beteko da laster. Horren harira, Elorrioko Udalak, Gerediaga alkarteagaz alkarlanean, berbaldi bat eta ibilaldi bat antolatu ditu hilaren 30 eta 31n.

Eguraldi ona, bera da jake, bera da gona

UPV/EHUko Fantasiazko Ipuin Laburren Lehiaketeak 20 urte bete ditu

Sariak irabazteko hautagaiek gaztelaniaz edo euskeraz egindako jatorrizko ipuin argitaratu bakoa aurkeztu beharko dabe fantasiazko gai baten inguruan; gehienez be 10 orri izango dira, alde bakarrean, hutsarte bikotxagaz eta makinaz idatzita. Jatorrizkoak emoteko epea 2012ko maiatzaren 3an amaituko da.

Eduardo Hurtadoren 'Wandervögel', Guggenheim Bilbao Hormako lehenengo alea

Eduardo Hurtado artistearen Wandervögel lana, Guggenheim Bilbao Horma lehiaketako lehenengo proiektua, daborduko ikusgai dago Guggenheim Museoko 103B aretoan. Hurtadoren instalazinoa Europako gazte alkarte bat eta memoria gordetzearen eta berau kontetearen ganeko gogoetea da

Kameratoia Euskal Herriko VIII. Ikus-entzunezkoen Rallya Gernika-Lumon egingo da

Kameratoia Euskal Herriko VIII. Ikus-entzunezkoen Rallya maiatzaren 12tik 26ra bitartean egingo dala jakinarazo dau Topagunea euskera alkarteen federazinoak. Izena emoteko azkenengo eguna apirilaren 27a da.

Euskadiko Soinuak Marsellan

Babel Med Music ekimenaren 8. urtea bada be, Euskadiko Soinuak-entzako lehenengo aldia izango da. Euskal enpresa batzuek inoiz parte hartu izan daben arren, oraingoan Euskal Herriko musika sektorearen erakusleiho izango dan stand amankomuna be ezarriko da Marsellako Dock des Suds-en.