Makina bat ekitaldi arrastian, Durangoko Azokan
2011-12-04 15:44 Kulturea
Durangoko 46. Liburu eta Disko Azokeak egin dau lehenengo goiza. Ekitaldi ugari izan dira goiz partean, baina ez dira gitxi arrastian eta iluntzean antolatu dituenak. Hitzordu guztien artean nabarmentzekoa da Argizaiola Sarien ekitaldia, 20:30an, San Agustinen. Iñaki Beobide Agirrezabalaga (Zumaia, 1934) jasoko dau omen-saria.
Gartxot Eguna ospatzen dabilz Durangoko Plateruenan
2011-12-04 14:56 Kulturea
Zemendiarn 18an estreinau eben Gartxot, konkista aitzineko konkista euskerazko animazinozko film luzea. Asteotan 9000 lagun izan dira zinema-aretoetan Asisko Urmeneta eta Juanjo Elordiren lana ikusten, Euskal Herriko hainbat tokitan. Oraindiko be ikusgai dago zinemetan.
'Galizia Euskadi da!' esanez inaugurau dau Anton Reixak Durangoko 46. Azokea
2011-12-04 14:09 Kulturea
Galiziako kulturea da aurtengo Durangoko Liburu eta Disko Azokearen konbidadua, eta euron izenean Anton Reixak Galizia denok gara berbaldia egin dau, 46. Azokearen inaugurazino ofizialean. Ekitaldian izan dira Blanca Urgell Kultura sailburua, Josune Ariztondo Kultura diputadua, Aitziber Irigoras Durangoko alkatea, Juan Carlos Fernandez Fasero Galiziako Agadic-eko zuzendaria eta Nerea Mujika Gerediagako presidentea.
Ahotsenea abian da, egitarau bete-beteagaz
2011-12-04 12:34 Kulturea
Ahotsenea sortzaileen gunearen aurkezpena izna da gaurko egitarauko lehenengo hitzordua. Edorta Jimenezek lau berbagaz aurkeztu dau Ahotsenea, euskerazko literaturea eta musikearen espazioa: ausardia, askatasuna, atsegina eta auzolana. Aurten laugarren aldiz antolatu dabe Ahotsenea.
Durangoko 46. Liburu eta Disko Azokeak ateak edegi barri ditu
2011-12-04 11:10 Kulturea
Durangoko 46. Liburu eta Disko Azokeak ateak edegi barri ditu. Gaur,abenduak 4, hasi eta hilaren 8ra arte euskal literaturea, musikea eta ikus-entzunezko produkzinoaren erakusleihoa izango da Durango. Aurton, ganera, hainbat nobedade dakarz Azokeak, izan be hiru gune barri estreinauko ditue: Irudienea, Szenatokia eta Kabi@.
XVI. Euskal Dendeak abenduaren 3an edegiko ditu ateak, Durangoko merkatu-plazan
2011-12-02 15:45 Kulturea
XVI. Euskal Dendeak zapatuan, abenduaren 3an, edegiko ditu ateak, eta hilaren 8ra egongo da zabalik. Durangoko merkatu-plazeak 66 erakustoki hartuko ditu, Arbasoak alkarteak antolatuta. Euskal Dendearen aurtengo protagonistetako bat Galizia da, izan be antolatzaileen asmoa da galiaziarren artisautzea ezagurazotea; holan, Finisterreko artisauek antxinako lanbideak ulertzeko modua erakutsiko dabe.
Abenduak 3, Euskerearen Eguna: ospakizun eguna izateaz gan, gure hizkuntzeagazko dogun konpromisoa berresteko eguna be bada
2011-12-02 15:31 Euskerea berbagai
1949an, Eusko Ikaskuntza Erakundeak eta Euskaltzaleen Biltzarrak abenduaren 3a Euskerearen Nazinoarteko Eguna izentau eben egun haretatik, guztiontzako ospakizun eguna izateaz gan, gure hizkuntzeagazko dogun konpromisoa berresteko eguna be bada.
'Linguae Vasconum Primitiae' liburuaren argitalpen faksimilea aurkeztu dabe Eusko Legebiltzarrak eta Euskaltzaindiak
2011-12-02 14:48 Euskerea berbagai
Bernard Etxepareren 1545eko Linguae Vasconum Primitiae liburuaren argitalpen faksimilea aurkeztu dabe Eusko Legebiltzarrean. Jatorrizko testuaz gan, oraingo ortografiarako egokitutako euskerazko bersinoa be badauka edizino barriak, gaztelaniazko, frantsesezko, ingelesezko, alemanezko eta italierazko itzulpenak bere bai. Legebiltzarrak eta Euskaltzaindiak emon dabe argitara.
Antartika izango da BBKren Mendi Asteko protagonistea aurten
2011-12-02 14:48
Ehun urte dira gizakia Hego Polora heldu zala eta sasoi haretako espedizinoak zein gaur eguneko abenturak batu ditue gaurtik aurrera ikusgai dagoan erakusketa baten, Bilboko BBK Aretoan. Ganera, urtero legez, mendiari lotutako berbaldiak eta proiekzinoak egongo dira, abenduaren 12tik 16ra. Mendi Astea biribiltzeko, Pagasarri Martxa antolatu dabe, hilaren 18rako.
'Rapherria', lehen Euskal Rap Bildumea plazaratu dau infozazpi irratiak
2011-12-02 14:30 Musikea
Euskeraz egiten dan rap musikeari oihartzuna emon eta euskal kulturearen bilakaereari ekarpena egiteko asmoz sortu dau bilduma hau infozazpi irratiak. Euskal Herriko herrialde guztietako 17 taldek parte hartu dabe bilduma honetan. Guztiek euskerazko rap musikea egiten dabe
Asel Luzarragak Txilen bizitakoak jaso ditu 'Gezurra odoletan' nobelan
2011-12-02 14:23 Kulturea
Asel Luzarraga idalze eta itzultzaile bilbotarrak Gezurra odoletan (Txalaparta) nobelea aurkeztu dau Bilboko Gatazka gunean. Txilen, kartzelan zala, ekin eutson idazteari. Galtzaileak dira nobelearen protagonistak, baina ez ei dago erabateko galtzailerik ezta erabateko irabazlerik.
Tolosa, Ordizia, Arrasate, Andoain, Leioa, Barakaldo, Elorrio eta Amorebietako Udalek Europa Cinemas-Media sareagaz bat egin dabe
2011-12-02 13:48 Barriak
Aitatutako zortzi aretok lehenengo euskal sare txiki bat eratu dabe. Akordioa 2012ko urtarrilaren 1an martxan jarriko da modu ofizialean eta zinema europarraren eskaintzea nabarmen handituko dau gure lurraldean. Zinema aretoek 18.000 euroko laguntza ekonomikoa be jasoko dabe.
Atoan! argitaletxea aurkeztu dau Zenbat Gara alkarteak
2011-12-02 13:18 kulturbiz
Euskera ikasleari literatura ulerterraza, atsegina eta erakargarria eskaintzeko asmoz eta euskaldunen arteko komunikazinoa ardatz, euskera erraz, garbi eta ulergarria erabiliko dauen Atoan! izeneko argitaletxea (www.atoan.com) aurkeztu dau Zenbat Gara kultur alkarteak.
Igor Otxoak agur esan deutso Oreka Tx proiektuari Quebecen
2011-12-02 11:30 Musikea
Harkaitz Martinez de San Vicente eta Igor Otxoa Oreka Tx-eko kideak Quebecen dagoz egunotan txalapartea eta euskal kulturea bertan ezagutarazoteko asmoz. Bertan emon dau Igor Otxoak Oreka Tx-gaz egingo dauen azkenengo kontzertua.
Bruce Springsteenen Donostiako kontzertuko sarrerak salgai
2011-12-02 10:36 Musikea
Bruce Springsteenek 2012ko bagilaren 2an joko dau Donostian, eta gaur, goizeko hamarretan ipiniko ditue salgai sarrerak. Kontzertua Anoetako estadioan izango da. Sarrerak erosteko hainbat bide dagoz: www.ticketmaster.com gunean, 902 150 025 telefonoan, edo Fnac eta Carrefour dendetan.
Hemen dago Buber sarien uzta barria
2011-12-02 10:13
Daborduko jakinarazo ditue aurtengo Buber sarien proiektu irabazleak. Ekitaldia EITBren Bilboko egoitzan izan zan. Kulturize Androiderako aplikazinoa izan da euskerazko proiektu teknologikorik onena; lehiakide zituan, Banden Lehia 2011 eta Mundu Magikoa egitasmoak.
Euskerazko hedabideek erakundeen konpromisoa behar dabe
2011-12-02 10:03
Euskerazko hedabideen sektoreak ez dau erakunde publikoen 2012ko aurrekontu proposamenetan behar eta merezidu duaen tratamendua jasoko, ustez danen begietara sektore ezinbesteko eta estrategikoa izan arren. Horregaitik, erakundeei jentaurrean eskatzen deutsegu gaiaren garrantzia kontuan hartzeko eta aurrekontuak ahalik eta gehien egokitzeko, partidak handituz.
Kaotikok kalean dauka Bilboko Aste Nagusian grabautako 'X' zuzeneko lana
2011-12-01 17:38 Musikea
Kaotiko taldeak zazpigarren diskoa plazaratu dau, X zuzeneko lana, Baga-biga diskoetxeagaz. Aurtengo Bilboko Aste Nagusian grabau eben diskoa, abuztuaren 24an. Orain arte argitaratutako disko guztietatik abesti esanguratsuenak batu ditue, 28 kanta danetara.
Justuri irrati egitasmo barria aurkeztu dau Uribe Kostako euskalgintzeak
2011-12-01 17:37
Irrati barria multimedia, parte-hartzailea, euskaldun eta tokikoa izango da, komunidadeari zerbitzu publikoa emon eta Euskal Herriko beste irratiakaz alkarlanean ibiliko dana. Oraingoz honako eragileek osotu dabe talde sustatzailea: Berbalamiñe Leioako euskara alkartea, Betiko ikastolea, Bizarra Lepoan Getxoko euskera alkartea, Erandion Euskaraz Berbots!, Koska irratia, UK aldizkaria eta Ukberri.net.
Oihan Vegak 'Olentzero&Co' aurkeztu dau Bilbon, euskerazko lehenengo musikal originala
2011-12-01 17:03 Musikea
Musikal moderno eta apurtzailea da Broadway estiloan, oso bizia eta rock-pop doinuakaz. Familia osoarentzako ikuskizuna. Igaz jasotako arrakastearen ostean, (5.000 personatik gora ikusi eben) aurten Bilbon eta Iruñean izango da. Abenduaren 8an, Bilboko Arteria Campos Eliseos antzokian eta abenduaren 27an, barriz, Iruñeako Baluarte auditorioan.
Nabarmenak
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...