Aktualitatea

Bagilak 29, Gernika Jai Alai Frontoiaren 50. urteurrena

Gernika Jai Alai Frontoiak Gernika-Lumoko historian ditu bere sustraiak. 2000 akzinodunek eskuzabaltasunez emondako diruagaz eregita, Gernikako eta Busturialdeko bizilagunek izandako desioa errealidade bihurtu eben, frontoi barri bat, izan be, aurrekoa bonbardaketan suntsituta geratu baitzan.

'Gerrak ez du izenik' albumak irabazi dau 2013ko Etxepare Saria

Aurten aurkeztutako 31 lanen artean, Maite Mutuberria ilustratzaile nafarrak eta Leire Bilbao idazle bizkaitarrak alkarlanean eginiko lan batek irabazi dau 2013ko Etxepare Saria: Gerrak ez du izenik lanak, hain zuzen be.

Arrate Egaña idazleak irabazi dau Gabriel Aresti XXX. Ipuin Lehiaketea

Gabriel Aresti XXX. Ipuin Lehiaketako epaimahaiak Arrate Egañak idatzitako Marquez ipuina saritu dau, eta Uxue Alberdik aurkeztutako All right-ek, ostera, akzesita jaso dau.

Jon Sistiaga kazetariak jasoko dau 2013ko Zilarrezko Gehitu saria

Gehitu Euskal Herriko Lesbiana, Gay, Transexual eta Bisexualen alkarteak Jon Sistiaga Escudero kazetari irundarrari emongo deutso 2013ko Zilarrezko Gehitu saria. Giza eskubideen alde egindako kazetaritza ibilbideagaitik eta, batez be, Ugandako LGTB kolektiboak bizi dauen errealidadea erakusten dauen La caza al homosexual erreportajearen inguruan eginiko lanagaitik saritu dabe.

Bilboko Alondigeak eta BEAZ-ek diseinua eta barrikuntzeagaz lotutako enpresa ekimen barriak bultzatuko ditue

Datorren zapatua, bagilak 29, Diseinuaren Nazinoarteko Eguna, Bilbon konturatu barik pasauko ez dan eguna izango da. Izan be, aste hau atxakitzat hartuta, BEAZ-en bitartez, Bilboko Udalak eta Bizkaiko Foru Aldundiak, ekonomiaren motorra diran diseinua eta industria sortzailearen aldeko erronkearen alde egin eta arlo honegaz lotutako zenbait ekimen programau ditue.

Badator Mikel Alviraren 'Cuarenta días de mayo film' laburraren estreinaldia

Bere nobelatik abiatuz, gidoia sortzeaz gan, produkzinoa antolatu dau eta pieza labur bezain bizia zuzendu dau, Jose Aldekoa argazki zuzendariaren laguntzaz. Arlo sortzailea Unai Garciaren esku geratu da eta Nerea Reta eta Alberto Morillo aktoreek emon deutsee bizia protagonistei. Emoitzea, film bizia eta iradokitzailea, Mikel Alviraren estilokoa.

Urduñako Udalak hainbat ekimen antolatu ditu armada frankistea urira sartu zala 76 urte beteko diran honetan

Urduñako Udalak, gudaroste frankistea Urduñan sartu zala 76 urte beteko dirala gogoratzeko, hainbat ekitaldi antolatu ditu hil honen 27, 28 eta 29rako, memoria historikoa berreskuratzeko asmotan.

Donostia eta Zuricheko zinema jaialdiek lankidetza hitzarmena sinatu dabe

Zuricheko zinema jaialdiak eta Donostia Zinemaldiak indarrak batuko ditue zinemaldi donostiarraren aurtengo edizinotik aurrera, eta, hartu-emonen lehenengo etapan, zinemaldi suitzarrak Espainiako gaur egungo zinemeari eskainitako atal bat estreinauko dau, San Sebastian Window izenburupean.

'Robot & Frank'

Sundance eta Sitges zinemaldietan sari bana lortu ostean, gure zinema-aretoetara heldu da Robot & Frank (gaztelaniaz, Un amigo para Frank), Jake Schreieren lehenengo film luzea. Lapurreta kontuekaz nahastetan dan momentuan pelikulea galtzen hasten da. Penea da ikustea zelan abiapuntu interesgarri eta dibertigarri daukan lan bat graziarik bakoa bihurtzen dan.

Eta Bermeon euskerea animalia balitz?

Euskerea, Bermeon, animalia balitz… Hausnarketa hori eta beste hainbeste egiteko aukerea izan da Bermeon, Geurien Be bai egitasmoaren barruan, udalerriko guraso-alkarteetako kideakaz, Elhuyar Aholkularitzeak bideratu dauen prozesuaren barruan.

Kolorerik ez dogu hartuko baina koadroetan udea, itsasoa eta eguzkia pintau eta horrexegaz eutsi beharko deutsagu...

Le Bus Rouge taldeak irabazi dau Zornotzako Haizetara VIII. Kale Musikarien Lehiaketako sari nagusia

Zornotzako kaleak musikaz bete dira astegoienean, Haizetara VIII. Kale Musikarien Lehiaketea dala eta. Frantziako Le Bus Rouge taldea izan da irabazlea, folka eta gaur egungo eritmoak nahasten dituan fanfarrea. 10.000 euroko saria jasoko dabe.

Aiko taldeak ikasturte amaierea ospatuko dau zapatuan, Plateruena kafe antzokian

Aiko musika eta eta jantza irakasle taldeak zapatuan, hilak 22, egingo dau aurtengo Jantzazale Eguna, Durangoko Plateruena kafe antzokian. Ikasturtea amaitzeko, antxinako erromerien antzeko jaia prestau dabe, bazkari eta bazkalostea.

Ken Zazpik eta EOSek zemendian aurkeztuko dabe alkarregaz egindako diskoa

Zemendiaren 8an aurkeztuko dabe Ken Zazpi taldeak eta Euskadiko Orkestra Sinfonikoak alkarregaz sortutako diskoa. Bost kontzertu emongo ditue, lehenengoa abenduaren 3an, Donostiako Kursaalen.

Itziar Laka eta Xabier Kaltzakorta bizkaitarrak Jose Luis Lizundia euskaltzainaren lekua hartzeko prest

Daborduko euskaltzain emeritu dan Jose Luis Lizundiaren ordezkoa aukeratuko dau laster Euskaltzaindiak. Hautagaiak aurkezteko epea datorren astean amaituko da, bagilaren 28an. Hautagai bi dagoz momentuz, Xabier Kaltzakorta eta Itziar Laka.