Aktualitatea

Bilbon, Paperezko Farolilloak sariak jaso ditue Harkaitz Canok, Ramiro Pinillak eta Felix G. Modroñok

Gaur, apirilak 23, Nazinoarteko Liburuaren Nazinoarteko Egunaren harian, Hego Euskal Herriko uriburuetan eta hainbat herritan liburu azokak izango dira eta bezperan, Libuaren Galearen barruan, Paperezko Farolilloak saria jaso eben Ramiro Pinilla, Felix G. Modroño eta Harkaitz Cano idazleek eta Bilbao 700 Fundazinoaren Bilbotar Berreskuratua bildumeak.

Udal Liburutegi Sareak eta Bidebarrieta Kulturguneak jarduera bereziak antolatu ditue Liburuaren Nazinoarteko Egunerako

Bilboko Liburutegi Sareak eta Bidebarrieta Kulturguneak zenbait jarduera berezi antolatu ditue apirilaren 23an, Bilbon ospatuko dan Liburuaren Nazinoarteko Egunaren harian. Programearen barruan hainbat jarduera egongo dira Deustu, Zurbaranbarri, San Frantzisko, Castaños, Zabala, Begoña eta Errekaldeko liburutegietan.

Bizkaia musika industriaren erdigunea izango da zemendian, Bizkaia International Music Experience topaketeari esker

Last Tour Internationalek antolatuta eta Bizkaiko Foru Aldundiak bultzatuta, zemendiaren 19tik 23ra egingo da topaketea BEC erakustazokan. Musikearen alorrean Bizkaia erreferente bihurtzea, bertoko musika industriari nazinoarteko atea zabaltzea eta ekonomiari bultzadea emotea dira helburu nagusiak.

Hamaika ikuskizun eskainiko ditu Nazinoarteko XVIII. Clown eta Pailazoen Arrigorriagako Jaialdiak

Arrigorriagan maiatzaren 10etik 12ra bitartean egingo dan Nazinoarteko XVIII. Clown eta Pailazoen Jaialdiak hamaika agerraldi iragarri ditu. Urtero legez, goi mailako programazino zabala eta joera askotakoa atondu dabe antolatzaileek, umorea oinarri izanik eta malabareak, magia eta antzerkian oinarritutako ikuskizunak be tartekatuz.

Euskal kulturearen inguruko jaialdia antolatu dabe Poznanen

Dni Baskijskie (Euskal Egunak) izenburupean, euskal kultureari eskainitako asterako makinatxu bat ekintza atondu ditue antolatzaileek, besteak beste, euskal jantza eta bertsolaritza tailerrak, euskal gastronomia, zinema eta eztabaida-saioak. Gainera, antolatzaileek on line lehiaketa bat martxan jarri dabe, eta parte hartzeko jaialdiaren Facebook helbidean sartzea besterik ez da behar.

'Enbata' aldizkariak webgunea estreinau dau

Enbata aldizkaria aurrerantzean Interneten be irakurgai izango da, www.enbata.info gunean. 50 urte bete barri dituan agerkaria aurrerantzean astekaria barik, hilabetekaria izango da.

Orain artekoak gitxi ez eta murrizketa gehiago ei dator...

'Nafarkaria' gehigarriaren zenbaki guztiak Euskaltzaindiaren webgunean dagoz eskura

Euskaltzaindiak bere webgunean jarri ditu, danon eskura, Nafarkaria gehigarriaren 547 zenbakiak, sistematizau eta digitalizau ondoren. 1991ko abenduaren 6an kaleratu zan lehenengoz Nafarkaria, Euskaldunon Egunkariaren Nafarroako gehigarria, eta ordutik barikuro ikusi eban argia, harik eta 2002ko garagarrilaren 26an, larritasun ekonomikoak itota, desagertu zan arte.

Duncan Dhu itzuliko dala iragarri dau Mikel Erentxunek

Mikel Erentxun musikari donostiarrak bere Twitter kontuan iragarri dau Duncan Dhu taldea itzuliko dala. Erentxunek berak Diego Vasallogaz eta Juan Ramon Vilesegaz batera 1984an sortu eban taldearen orain arteko azken lana Crepúsculo (2001) izan zan, bi diskotan 21 kanta batzen zituana.

Bilboko Zinema Fantastikoko jaialdiak Ohorezko Fant Saria emongo deutso Pablo Berger zinemagile bilbotarrari

Pablo Bergerrek, datorren maiatzaren 10ean, Kale nagusiko BBK Aretoan, egingo dan Fant 19ko amaiera ekitaldian jasoko dau saria. Ekitaldi berean, omenaldi xume baina beroa egingo jake orain denpora gitxi hil diran Jesús Franco eta Bigas Luna zinema zuzendariei eta Mariví Bilbao antzezleari.

Goran Paskaljevic zuzendari serbiarraren 'Kad svane dan' lanak zabalduko dau Donostiako Giza Eskubideen Jaialdia

Kad svane dan Goran Paskaljevic zinemagile serbiarraren pelikuleak edegiko dau Donostiako Giza Eskubideen Jaialdia gaur, 19:00etan, Viktoria Eugenia antzokian. 16 film luze eta 15 labur eskainiko ditue apirilaren 19tik 26ra bitartean.

VI. Dokumentazino Jardunaldiak Leioan: 'Informazinoaren komunikazinoa eta datu eta bilduma digitalerako sarbidea'

EHUko Gizarte eta Komunikazino Zientzien Fakultadeko Kazetaritza Sailak antolatuta, Informazinoaren komunikazinoa eta datu eta bilduma digitalerako sarbidea izenburupean antolatu dan seigarren edizinoa apirilaren 22 eta 23an izango da Leioan.

Maiatzaren 4a Amamaren Eguna izango da Bilbon

Bilboko Osasun eta Konsumo Sailak eta Slow Food Bilbao-Bizkaia alkarteak Amamaren II. Eguna antolatuko dabe maiatzaren 4an, uriko amama eta aititak omentzeko.

Aurten 24 herrik hartuko dabe parte 'Irakurri, gozatu eta oparitu' kanpainan

Topaguneak Irakurri, gozatu eta oparitu kanpainearen zazpigarren edizinoa aurkeztu barri dau. Liburuaren Nazinoarteko Egunean abiatuko dabe ekimena, apirilaren 23an, eta bagilaren 30ean amaituko da. Aurton, 24 herrik parte hartuko dabe, inozko gehien.

Mundu biren artean eregi dau Inma Roizek 'Manuela' bere lehenengo nobelea

Mundu biren artean, Espainia Barria (gaur egungo Mexiko) eta Gordexola artean, bizi dan Manuela emakume gaztea da Inma Roiz arabarraren lehenengo nobelearen protagonistea. Ttarttalo argitaletxeak kaleratu dau, Abra bilduman.