Aktualitatea

Zezeilaren 2an, Zalgizen, abiatuko dira aurtengo Maskaradak

Aurten, Iruri eta Zalgize-Doneztebeko gazteek eroango dabe Maskaradea herriz herri, zezeilaren 2tik aurrera. Danetara, hamalau saio egingo ditue Zuberoan zehar. Orain hamar urte lez, Iruriko Jean Etxegoien dabil prestaketa lanak zuzentzen.

Euskaltzaindiak 2012ko 'Euskera' aldizkariak kaleratu eta 'Bertze prediku batzuk' liburua sareratu ditu

Euskaltzaindiak 2012an argitaraturako Euskera agerkariaren hiru zenbakiak argitaratu ditu, eta Bertze prediku batzuk liburua webgunean irakurgai ipini barri dau. Hori lanori Euskaltzaindiaren Euskaltzainak bildumearen 16. zenbakia da, eta Gratien Adema Zaldubi-ren lana jaso da bertan.

Getxo 2014ko Europako Kirol Uri izentetan daben banderak jaso ditue udalerrian

2014ko jarduera-egitarauan, Getxo Kirolakek dobako jarduerak abiatuko ditu herriko sektore guztientzako eta, batez be, kirolaren udal erakundeak estrategikotzat joten dituan sektoreentzako (adinekoentzako, eskolumeentzako, gazteentzako eta emakumeentzako).

Zinegabonak ekimenak pelikulak euro batean eskainiko ditu urtarrilaren 4an eta 5ean

Euskadiko Filmategiak eta Zineuskadi alkarteak Zinegabonak egitaraua antolatu dabe Bilbo, Donostia, Gasteiz eta Iruñean, urtarrilaren 4an eta 5ean. Euro bakar baten truke ikusle gazteenek zinema pantaila handian ikusteko aukerea izango dabe.

'Avis eta Alba' gazteentzako trilogia, Aitor Aranaren proiektu barria

Aitor Aranak Avis eta Alba trilogia kaleratu barri dau Ibaizabal argitaletxeagaz. Irakurle gazteei zuzendutako misteriozko lana atondu dau idazle legazpiarrak, Ivan Mataren marrazkiak lagun dituala.

Joseba B. Lenoirrek lau kantako 'Tenpesta' diskoa kaleratu dau

Hirugarren diskoa aurkeztu dau oraintsu Joseba B. Lenoirrek, lau kantako Tenpesta (Gaztelupeko Hotsak). Oraingoan bere ahotsa entzun ahal izango dogu, izan be hirutan kantetan dau eta. Biniloan kaleratu dabe bakar-bakarrik.

'De tal padre, tal hijo'

Topiko arriskutsu bat topau dot pelikulan: Familia pobreak zoriontsuagoak dira. Zenbat aldiz ikusi dogu hori Hollywoodeko zineman? Moralaren ganeko ikasbidea emon gura ete deusku zuzendariak? Halanda be, Kore-Edak badaki leuntasunez filmetan. Eta badaki, ondo jakin be, umeen unibersoa islatzen, eta aktore txikiak zuzentzen.

HABEk eta Euskaltzaindiak lankidetza-hitzarmena sinatu barri dabe

Hezkuntza, Hizkuntza Politika eta Kultura sailburu Cristina Uriartek, HABEko presidente izanik, eta Euskaltzaindiko presidente Andres Urrutiak lankidetza-hitzarmena sinatu dabela jakinarazo dau Akademiak. Akordio honen bitartez, erakunde biek euskerearen ezagutzan, erabileran eta sensibilizazinoan eragingo dabe eta hainbat ikerketa bultzatuko ditue.

'A la Bizkaina' dokumentala Santa Barbarako Nazinoarteko Zinema Jaialdian aurkeztuko dabe

Igaz sortutako Screen Cuisine sukaldaritzeari eskainitako atal berezian aurkeztuko dabe Aritz Galarzak zuzendutako A la Bizkaina dokumentala. Santa Barbarako Nazinoarteko Zinema Jaialdiaren 29. edizinoa urtarrilaren 30ean hasi eta zezeilaren 9an amaituko da. Aktore ezagun-ezagunak sarituko ditue zinemaldi honetan, besteak beste Robert Redford, Cate Blanchett, Forest Whitaker eta Emma Thompson.

Euskaltzaindiak 'Euskal Herriko Udalen Izendegia' konsultagai jarri dau bere webgunean

Euskaltzaindiak Euskal Herriko Udalen Izendegia liburua sarean jarri dau, eta bere webgunean konsultau daiteke honezkero. Akademiaren Onomastika batzordeak landutako izendegia da, arau izaerea dau eta Izenak bilduma barriko 1. zenbakia da.

Donostiako Dock Of The Bay musika dokumentalen jaialdiak 18 film eskainiko ditu

Donostiako Dock Of The Bay musika dokumentalei buruzko jaialdiaren zazpigarren edizinoa urtarrilaren 6tik 12ra izango da, eta 14 film eskainiko ditu lehiaketan eta beste lau lehiaketatik kanpo, Trueba zinema aretoetan eta Antzoki Zaharrean. Filmak ez eze, kontzertuak eta erakusketa bat be izango dira, antolatzaileek prentsaurrekoan jakinarazo dabenez.

Urtebarri barri, daukanak ez daukanari. Nik ez daukat eta niri, bestela txarri-belarri

Joseba Mikel Ugalde idazle bermeotarrak 'Urertzeko mamarrua' liburua argitaratu dau

Antonio Agirre Urertze maisua izan zan igaz argitaratutako Hirurehun eta hamar segundo haiek liburuaren protagonistea, kaleratu barri dauen Urertzeko mamarrua lanean, barriz, haren ikasle bat da personaia nagusia. Koldo Lopategi Mamarru koaderno laranja batean idazten hasi da, irakurteaz, maitasunaz, heriotzeaz.

'Kresala' eta 'Piztiak eta piztitzarrak' Erroa argitaletxearen eskutik

Liburu biak egokitu dituan Xabier Monasteriok nabarmendu dau euskerazko irakurketan abiatzen diranei zuzenduta dagozala bi liburuok, Euskara errazean bildumea osotzen daben aurreko lau izenburuak bezela, batez be euskaltegietan eta A eta B ereduetako ikastetxeetan dabilzan ikasleei begira.

Euskal Herriko Gazte Orkestreak hasi barri ditu Neguko topaketak Eibarren

Abenduaren 27an, barikua, Euskal Herriko Gazte Orkestreak (EGO) ate edegien jardunaldia egingo dau, Eibarko egoitzan. Musikari gazteen lanaz gozetako aukerea izango dabe bertara doazenek, eta ikasle zein irakasleekaz berba egin ahal izango da ganera. EGOren neguko topaketak abenduaren 26an hasi eta urtarrilaren 5ean amaituko dira.

Durangoko Merinalde Eguna abenduaren 27an egingo dabe, Gerediagako Foru Zelaian

Arrastiko zazpiretan hasiko dira ospakizunak Abadiñon, hilaren 27an. Urtero lez, Gerediaga alkarteak antolatu dau Durangoko Merinalde Eguna. Valentin de Zubiaurre musikariaren ganeko berbaldia eta haren pieza bat joko ditue.