Aktualitatea

'Urdaibaiko Esentziak' proiektu gastronomikoa martxan da

Urremendi Busturialdeko Landa Garapenerako Elkarteak Urdaibaiko Esentziak proiektu gastronomikoa ipiniko dau martxan eguaztenean, hilak 23. Ekitaldia Morgako Katxi jatetxean egingo dabe, 20:00etan.

VI. Agurrik gabeak, burrukalari antifaxisten omenezko ekitaldia urriaren 24an

Aurten Agurrik gabeak ekitaldiaren 6. edizinoa izango da. Faxismoaren kontra burrukatu ziranen inguruko datuak ezagutzen hasi garenean eta oroimena zaindu ebenen ekarpena baloretan hasi danean, horreei guztiei esker onez oroitarria inaugurauko da aurten.

Mikel Markezek 'Indar bat dabil hor' diskoa plazaratu dau

Hamargarraen diskoa kaleratu dau Mikel Markezek, Indar bat dabil hor (Elkar). Hamabi kanta ditu lanak, danak barriak, bersino bi izan ezik. Abenduaren 1ean aurkeztuko dau jentaurrean, Donostiako Antzoki Zaharrean.

Kazetarien erronkak gaur: eleaniztasuna, konbergentzia eta lan aukerak

Astelehenean, urriak 21, goizeko 9:00etatik aurrera, UPV/EHUren Bizkaia Aretoan (Abandoibarra, 3. Bilbo) Kulturbasque 2013 Ikastaroen barruan, Kazetarien erronkak gaur: eleaniztasuna, konbergentzia eta lan aukerak jardunaldia egingo da.

IV. Zinexit zikloak zinemea eta alkarrizketak antolatu ditu Bilbon indarkeria eta biktimak ardatz hartuta

Laugarren urtez jarraian, heziketarako eta sozializazinorako tresna legez aldarrikatuko da zinemea ziklo honetan, eta era berean, euskal gizartean bakearen kulturea sustatu nahi da. Eusko Jaurlaritzako Biktima eta Giza Eskubideen Zuzendaritzeak antolatutako Zinexit zikloa, urriaren 21etik 24ra izango da Bilboko Golem Alondiga zinema aretoetan.

Berri Txarrak, Gatibu, Su Ta Gar, Gose, Bide Ertzean eta Kepa Junkera, EH Sona jaialdian

Badator Euskal Herria Sona jaialdiaren 16. edizinoa. Eta etorri be kartel ederragaz dator: Berri Txarrak, Gatibu, Su Ta Gar, Gose, Bide Ertzean, Kokein, Sexty Sexers, Korrontzi edo Kepa Junkera, besteak beste. Urriaren 25ean abiatuko da jaialdia, Euskal Herriko mugetatik kanpo egiten dan musika programazino handiena.

Kalean da 'Geure kolkotik 2013' diskoa

Saioa Lizarralde, Zabaleta, Ander Malbadi, Alaitz Telletxea eta Imuntzo soinujoleen pieza barriak batu ditu Euskal Herriko Trikitixa Elkarteak Geure kolkotik 2013 diskoan. Soinu txikia eta perkusinoekaz osotutako hiruna kanta sortu ditue trikitilariek.

Tuterako Argia ikastoleak dana prest dauka domekarako

Tuterako Argia Ikastolan dana prest dago domekarrako, Nafarroa Oinez jairako. Taupadaz bat egin lelopean, 100.000 lagun jasotea espero dabe antolatzaileek. Ikastolearean etorkizuna hilaren 20ko jaiaren arrakastearen araberakoa izango da neurri handi baten, ekimenaren arduradunek eurek adierazo dabenez.

Guggenheimera sartzea dobakoa izango da astegoienean eta lehen 3.000 bisitariek Puppyren zatitxu bat eroango dabe

Guggenheim Bilbao Museoaren hamaseigarren urteurrena beteko da zapatuan, urriaren 19an, eta beste urte batez, herritarrei babesa eta aintzatespena eskertu gura deutse, astegoienean dobako sarrerea eskainiz. Gainera, Jeff Koonsen Puppyren zatitxu bat jasoko dabe lehen 3.000 bisitariek opari moduan.

Arrate Illaro eta Jon Sarasua Sardinian

Paulu Zedda Sardiniako inprobisatzaileak antolatu dau Sardiniako topaketea eta bertan Sardiniako kantu inprobisatuari buruzko berbaldiak eta saioak antolatu ditue eta kanpoko konbidatu lez Euskal Herriko ordezkaritzea hautatu dabe.

Tradizinoa eta abangoardia lotu ditu Amaia Iturbidek 'Kartografien eta mikrobio narratiboen artean' lanean

Sei urtetan idatzitako narrazinoak batu ditu Amaia Iturbide idazle bilbotarrak Kartografien eta mikrobio narratiboen artean liburu barrian. 50 bat ipuin jaso ditu, hainbat gairen ganean, marjinalidadea, askatasun gogoa, zahartzaroa, manipulazinoa, mina eta porrota, besteak beste. Maiatz argitaletxeak kaleratu dau.

VI. Halloween Metal Fest jaialdia zemendiaren 2an izango da, Bermeoko Kafe Antzokian

Halloween Metal Fest jaialdiaren seigarren edizinoa zemendiaren 2an izango da, Bermeoko Kafe Antzokian. Skunk D.F. madrildarra da karteleko talde nagusia, eta haregaz batera joko dabe Somas Cure, Kudai eta Dark Code euskal taldeak.

hóPlay Lehiaketeak 12 herrialdetako 111 bideo joko batuko ditu Bilboko Alondigan

hóPLAY Bideo Joko Independenteen Nazinoarteko Lehiaketearen laugarren edizinoa egingo da Bilboko Alondigan. Aurten, 111 jokok parte hartuko dabe, aurreko edizinoan 71 izan ziran bitartean, 12 herrialdetatik helduta: Alemania, Argentina, Australia, Belgika, Kanada, Danimarka, Espainia, Ekuador, Holanda, Mexiko, Singapur eta AEB.

Durangoko Azokeak ikasleentzako eguna izango dau aurten

Aurtengo nobedadeetakoa izango da, Durangoko Azokeak Ikasleen Eguna izango dau aurten, 48. edizinoak. Azokako lehenengo egunean, abenduaren 5ean, izango dira protagonista ikasleak. Laneguna da, eta ikastetxeei azokara joateko konbitea luzatu deutsie antolatzaileek. Egitarau zabala atondu dabela aurreratu dabe, gune bakotxak eskaintza berezitua izango dau eta.

IV. Euskara Sarirako hautagaiak aurkezteko epea zemendiaren 1era arte zabalik

Getxoko Udalak Argia Ereiten Getxoko Euskara Sariaren laugarren edizinoa jarri dau martxan, euskerearen gizarte erabilerea babestu, sustatu edo zabaltzeko zereginetan nabarmendu diran erakunde, alkarte edo persona fisiko nahiz juridikoak goraipatzeko helburuagaz. Proposamenak aurkezteko epea datorren zemendiaren 1era arte egongo da zabalik.

Clara Sanchez idazle madrildarrak irabazi dau Planeta Saria, 'El cielo ha vuelto' lanagaitik

Espainiako Planeta Sari ezagunen irabazi dau Clara Sanchez idazle madrildarrak, El cielo ha vuelto lanagaitik. 601.000 euroko diru-saria jasoko dau 66. edizino honetako egilerik onenak. Angeles Gonzalez-Sinde Kultura ministroa izandakoa finalistea izan da.

Kalean eskean ibiltea galarazo egin gura dau Madrilek. Hurrengoa zer izango ete da?