Aktualitatea

Getxoko V. Euskera Sarirako hautagaiak aurkezteko epea zemendiaren 2ra arte egongo da zabalik

Euskerearen gizarte erabilerea babestu, sustatu edo zabaltzeko zereginetan nabarmendu diran erakunde, alkarte edo persona fisikoak nahiz juridikoak goraipatzea da ekimen honen helburua.

EHUk, Mondragon Unibersidadeak eta Deustuk bat egin dabe 'Ika Mizka' egitasmoaren hirugarren edizinoagaz

Igaz Euskal Herriko Unibersidadeak (EHU) eta Mondragon Unibersidadeak (MU) lankidetzan jardun baeben, aurten Deustuko Unibersidadea be sartu da alkarlanean. Gazteak euskerearen erabilerearen garrantziaz sentsibilizau nahi ditu Ika Mizka. Eta hik nola bizi dunk euskara egitasmoak. Era berean, jarrera aktiboagoak bultzatzeko ahalegina egiten dau.

Lasa eta Zabala

Biribila ez baina bai film duin eta on baten aurrean gagozala uste dot. Ez da kasualidadea Donostiako Zinemaldiko Sail Ofizialerako hautatu izana. Arrisku handia ekarren istorio hau pantailaratzeak eta arrisku edo zailtasun horreetako gehienak gainditu egin ditu. Jazoera horreen gehiegikeria, basatikeria eta bildur-ikarea islatzen dau, baina, aldi berean, arnasa hartzeko esparruak eskaintzen ditu.

Alberto Ladron Aranak 'Harrian mezua' nobela baltza aurkeztu dau

Negu gorrian, edurte handi baten ostean, mendi puntan gizon baten gorpua topau dabe, biluzik, eta saiek erdi janda. Lau urteko neskato bat be desagertu da, eta poliziak susmoa dauka jazoera biak ez ete dagozan lotuta. Leire Asiain Foruzaingoko inspektoreak dauka kasuaren ardurea. Horixe da Alberto Ladron Aranaren Harrian mezua (Elkar) nobela barriaren abiapuntua.

Ahozko euskerarako jarraibideak batu ditue liburu baten

Euskal Herriko Unibersidadeko EUDIA ikerketa taldeko bost partaidek idatzi dabe Ahoskera lantzeko argibideak eta jarduerak liburua. Bertan, euskera jasoaren ahoskera eta intonazinoa zelakoak diran aztertu eta eredu bat proponidu dabe.

Gustavo de Maezturen 'Euskal lurra, Lirikea eta Erlijinoa' lana Bilboko Arte Eder Museora ekarri dabe

Eusko Ikaskuntzaren hirugarren Kongresua zala-eta, egin eban Gustavo de Maeztuk Euskal lurra izeneko lana. 1922ko irailean, Gernikan, erakutsi zan lehenengoz. Euskal jardueren eta bizitzearen alegoria egin gura izan eban artista gasteiztarrak. Bilboko Arte Eder Museoan ikusgai izango da urtarrilaren 12ra arte, Obra Konbidaua programeari esker.

Android 5.0 Lollipop, euskeraz eskuragarri

Googlek jakinarazo dauenez, Android sistemearen hurrengo bersinoa 68 hizkuntzatan erabili izango da, horreen artean, lehenengo aldiz, baita euskeraz be. Sistema eragile berriaren izena Android 5.0 Lollipop izango da.

EIZIEK 'Idazlea itzultzaileen lantegian' itzulpen tailerra egingo dau urriaren 20tik 22ra Donostian

Hiru izango dira aurten helburu hizkuntzak, eta lau itzultzaile izango dira lanean. Edurne Alegriak frantsesera itzuliko dau testua, Esti Lizasok katalanera, eta gaztelania izango dabe helburu bai Miren Iriartek eta baita Danele Sarriugartek be, bakotxak bere bersinoa egingo dauelarik. Elizabete Manterolak koordinauko dau tailerra.

III. Gorbeia Suzien, inoiz baino gehiago

Zeanurin dana prest dago urteko jazoerarik garrantzitsuenerako. Urriak 18an izango da Gorbeia Suzien Banco Mediolanum Sari Nagusia, eta aurten lehiaketa honek beste pausu bat emon dau, nazinoarteko mendi-lasterketen federazinoko (ISFko) Skyrunner National Series zirkuitoan sartuz. Holan, Gorbeia Suzien 2014ko Skyrunner National Championship izango da.

Marta Cardenasek egin dau 49. Durangoko Azokako kartela

Artista donostiarrak eskuz pintautako lanak iragarriko dau aurtengo Durangoko Azokea. San Agustin Kulturgunean egin dabe aurkezpena goizean, eta bertan izan dira Marta Cardenas artistea bera, Nerea Mujika Gerediagako burua eta Txelu Angoitia argazkilaria. Durangoko Azokea abenduaren 5etik 8ra egingo da.

Arratierea ezagutarazoteko ikastaroa antolatu dabe Bedian

Arratiako lexikoa, idazteko gomendioak eta bertako etno-ipuin eta esaundak jorratuko ditue Bediako Liburutegian zemendian eta abenduan. Angel Larrea, Juantxu Rekalde, Juan Manuel Etxebarria eta Aitor Erdozia izango dira irakasleak. Tailerrean izena emoteko epea zabalik dago urriaren 24ra arte.

Hibridismo dialektala ardatz hartuta datoz aurten Mendebalde Kultura Alkartearen jardunaldiak

Mendebalde Kultura Alkarteak 2014ko urriaren 16 eta 17an Hibridismo dialektala XXI. mendean izenburuko XVIII. Jardunaldiak egingo ditu. Berbaldiak eta ganerakoak arratsaldez izango dira 17:00etatik aurrera. Azken urteotan legez, XVIII. Jardunaldiok Euskaltzaindiaren Bilboko egoitzan, Plaza Barria 15ean, izango dira.

Badator EH Sona 2014

Aurtengoa urriaren 24tik abenduaren 6ra bitartean egingo da eta betiko kartel indartsu eta erakargarriaz gan, proposamen barriak be badakarz: batetik, musika autogestino lantegia egingo da, Ainara LeGardon kantariagaz; eta, bestetik, txikiei eskainitako Txo! jarduera berezia egingo da.

Excalibur gogoan, txakurrek hanka egin gura dabe hemendik...

Nafarroa Oinez jai handia Zangozan, urriaren 19an

Milaka lagun batzea espero dabe Nafarroa Oinez jaiko arduradunek domekan, Zangozan. Esan izan goza Zangozan lemea aukeratu dau Zangozako Ikastoleak, euskerearen erabilpenaren garrantzia azpimarratzeko.

Egitarau aberatsa Bilborocken udagoienean

Barrikuntzarik nabarmena Sostenidodun alkarrizketak programea da; hilean behin, Euskal Herriko musikariak konbidauko ditue,  holan artistak eta gazteak alkarregaz egongo dira esperientziak trukatzeko eta musikearen ganean berba egiteko.  Besteak beste, Kepa Junkera, We Are standard, Doctor Deseo eta El Inquilino Comunista taldeetakoak egongo dira esperientzia konpartiduten.