Aktualitatea

Eusko Ikaskuntzak 'Euskerea irudikatu' lemapeko kanpaina atondu dau Euskerearen Nazinoarteko Egunerako

Eusko Ikaskuntzako iturriek adierazo dabenez, aurtengo kanpaineak euskereari ikusgarritasuna emon nahi deutso, bisuala eta modernoa bilakatuz, jentea erakarteko modukoa; esangura horretan, irudia oinarri hartuta, Euskerea irudikatu kanpaineagaz azaleratuko da.

Japonian ezusteko arrakastea izan dauen Yuimino+ taldea ekarriko dau Zornotzara VIII. Mangamore Jaialdiak

Zornotzara dator atzera be Mangamore, Japoniako kulturaz eta manganimez gozetako eta gehiago jakiteko jardueraz beterik. Programa originalenetako, ludikoenetako eta dibertigarrienetako bat da jaialdi hau, eta milaka bisitari erakarten ditu urtero. Aurten, urriaren 10etik 12ra izango da. Danetara, 90 jardueratik gora programau ditue.

Bilbao Mendi Film Festivalek film labur amateurren lehiaketea antolatu dau

Mendi eta Abentura Kirolen Nazinoarteko Zinemaldiak atal barri bat izango dau aurten, zazpigarren edizinoan, Mendi Short 2014, film labur amateurren sariketea. Profesionalak ez diren bideo-sortzaileen lana bultzatu gura dabe jaialdiaren arduradunek. Lanak bialtzeko azkenengo eguna zemendiaren 15a da.

Ekialde Ertaineko soinuak, folka, pop-rocka eta musika garaikidea izango dira 'Poltsiko Musika' programan

X. Poltsiko Musika programea barikuan, urriaren 10ean hasiko da. Ekimenaren helburua, ikus-entzule guztiei hainbat herrialdetako musika joerak erakustea da, bertako taldeen edo gure urian bizi diran kanpoko musikarien eskutik, formatu txikiko kontzertuen bitartez.

Atzerriko hizkuntzetako alkarrizketa laguntzaileei harrerea egin deutse

Egin jaken harrerearen ondoren, alkarrizketa laguntzaileek ikastaroak egingo ditue Barakaldoko Hizkuntza Eskola Ofizialean, urriaren 9an eta 10ean. Bi egunez, euren alkarrizketa eskolak prestau eta planifiketako orientabideak jasoko ditue, eta euren lana arrakastaz egin ahal izateko oinarrizko ezagutza metodologikoak be emongo jakez.

EHUko ikertzaile talde batek tresnak garatu ditu Internet euskerazko corpus lez erabilteko

Euskal Herriko Unibersidadeko (EHU) ikertzaile talde batek Internetera jo dau euskerazko corpusak sortzeko. Sarea iturri lez erabilteak bide emoten dau corpus handiak eskuz baino errazago lortzeko, baina, horretarako, tresna egokiak garatu behar dira, eta euskereak, orain, baditu, EHUko iturriek jakinarazo dabenez.

Kirmen Uriberen 'Bilbao-New York-Bilbao' ingelesez argitaratuko da

Kirmen Uriberen Bilbao-New York-Bilbao eleberria ingelesez argitaratuko da datorren urriaren 20an. Seren Books argitaletxeak kaleratuko dau liburua, eta Elizabeth Macklin New Yorkeko idazleak itzuli dau euskeratik ingelesera.

Latigo kolpez egindako lana dakarre Eskean Kristö arratiarrek

Azkue Fundazinoaren Banden Lehia musika lehiaketea irabazi barri, diskoa plazaratu dau Eskean Kristö taldeak, Azote Kaldüz izenburuagaz (Baga Biga). Rock&roll klasikoa eta letra gordinak buztartu ditue lan berezi honetan. Niko Etxarten doinuak dira arratiarren inspirazino iturri nagusietako bat eta Zuberoako kantariaren beraren ahotsa entzungo dogu abestietako baten.

Bernardo Atxagak jaso dau Euskadi Literatura Saria

Euskadi Literatura Saria Bernardo Atxagarentzat izan da Nevadako egunak liburuagatik. Iñigo Roque itzultzaileak jaso du itzulpen lanik onenarena eta Idoia Estornes idazleak gaztelaniazko literatur libururik onenarena. 18.000 euro jasoko ditu saritu bakotxak, eta 4.000 euroko laguntzinoa be jasoko dabe literatura sarituek liburua beste hizkuntza batera itzultzen bada.

Etxeparek 17 azoka profesionaletan hartuko dau parte urte amaiera arte

Hizkuntza azoka baten, zortzi liburu azokatan, arte eszenikoetako hirutan, musikako bitan eta ikus-entzunezko hirutan hartuko dau parte Etxepare Euskal Institutuak. Urriaren 17tik 19ra bitartean egingo dan The London Language Show izango da lehenengoa, hizkuntzen eta hizkuntza industrien zabalkunderako urtero Londresen egiten dan azokea.

Ebolari hesiak ezin ipinita...

'Geuria' Hego Uribe eskualdeko aldizkari barria kalean da

Basauriko Ibaigane kultur etxean aurkeztu dabe Geuria komunikabidea, papelean eta sarean. Basaurin, Galdakaon, Arrigorriagan, Etxebarrin eta Zaratamon banatuko dabe euskerazko hilabeteketaria, 10.000 ale, hilero.

'Herritarren bizipenetan oinarrituta emon deutsagu errealidadearen barri Adituen Batzordeari'

Erregio edo Gitxiengoen Hizkuntzen Europako Itunaren ebaluazinoa egiten dauen aditu taldea Bilbon izan da eta Kontseiluagaz eta Behatokiagaz batu da. Espainiako Estaduak Erregio edo gitxiengoen hizkuntzen Europako Itunaren beteteari buruzko laugarren txostena argitaratu ostean, honen azterketea (EAE eta Nafarroa) egin dabe bi erakundeek eta hori adituei aurkeztu deutse.

The Drop

Gidoiaren Zilarrezko Maskorra irabazi barri dau Donostiako Zinemaldian film honek, ondo mereziduta gainera. Shutter Island eta Mystic River eleberri ospetsuen egilea dan Dennis Lehane Animal Rescue bere ipuinean oinarritu da thriller honen gidoia idazteko. Bertan, kontetan ez dana kontetan dana baino garrantzitsuagoa da.

Basarrik 1931 eta 1943 urteen artean idatzi zituan kazetari lanak batu ditu Joxemari Iriondok

Joxemari Iriondo kazetari eta ohorezko euskaltzainak Basarri. Gerraurrean kazetari. 1931-1935 eta Basarri. Gerratean kazetari. 1936-1943 lanak kaleratu ditu. Liburuok Auspoa bildumearen barruan argitaratu dira.