XI. 'Busti zaitez!' esklerosi anizkoitza dabenen alde
2008-07-09 14:44
'Mojate-Busti zaitez esklerosi anizkoitzaren alde' kanpainearen helburuak bi dira: alde batetik, osatzen ez dan eta gazteei eragiten deutsen gaixotasunaren aurrean, gizartea sentsibilizetea eta, bestetik, esklerosi anizkoitzak jotako lagunentzako errehabilitazino zerbitzuak pagetako dirua ataratea.
Hautaproben ezohiko azterketak hasiko ditue gaur Euskal Herriko Unibersidadean 1.171 ikaslek
2008-07-09 10:16
Danetara, 1.717 ikaslek hasiko ditue gaur, garagarrilak 9, hautaproben ezohiko azterketak Euskal Herriko Unibersidadean (EHU). Horreetariko 896k (% 52,18) egingo dabe proba euskeraz eta ganerako 821ek (% 47,18) gaztelaniaz. Azterketak hiru egunetan egingo ditue, barikura bitartean.
Tecnaliak 15.000 euro banatuko ditu bere IV. Kazetaritza Sarian
2008-07-08 15:54Sari honen bitartez pizgarri bat eskaini gura jake ikerketearen, barrikuntzearen eta teknologia-garapenaren ezagutzea sustatzen eta zabaltzen daben komunikabideetako profesionalei (prentsa, irratia, telebista eta internet).
Akitania-Euskadi Plataforma Logistikoak Atlantic Logistic Forum-aren webgune barria jarri dau abian
2008-07-08 15:43Atlantic Logistic Forum (ALF) Arku Atlantikoko garraioaren eta logistikearen mugaz gaindiko lehenengo foroa da eta eztabaidak garatzea, interesak alkar trukatzea, akordioak lortzea eta eragiketak eta negozioak bideratzea ditu helburu.
Bilboko Udal Liburutegi Sareak handitu egin dau dobako wi-fi konekzinoen eskaintzea
2008-07-08 15:01Zerbitzu hau Bidebarrietako Liburutegian baino ez zan eskaintzen orain arte, baina hemendik aurrera Deustu, Begoña, Zorrotza, San Frantzisko, Errekalde, Otxarkoaga eta Zurbaranbarriko liburutegietan be erabili ahal izango da. Udal zentro honeetan guztiotan, erabiltzaileek Interneten doban eta mugarik barik nabegetako aukerea izango dabe.
Ahmad Jamal eta Erik Truffaz Quartet Baionako Jazzaldian
2008-07-08 11:23 Musikea
Igazko datua (11.000 ikus-entzule) txiki itxi guran, aurten, La Ruee au Jazz Baionako jazzaldiaren antolatzaileek jazza ahalik eta gehien zabaltzeko asmoagaz, eremu gehiagotara zabalduko ditue musika emonaldiak, garagarrilaren 11tik 13ra.
Henrike Knörr zanak eta Amelia Baldeonek jasoko dabe Gasteizko Urrezko Domina
2008-07-08 11:21Oraintsu hildako Henrike Knörr euskaltzainak eta Amelia Baldeon Arabako Arkeologia Museoko zuzendariak jasoko dabe aurten Gasteizko Urrezko Domina, Udal gasteiztarreko Bozeramaileen Batzordeak aho batez adostu ondoren.
Altxerri, Ekain eta Santimamiñeko kobak gizateriaren ondare izentau ditu Unescok
2008-07-08 10:29
Santimamiñe, Ekain eta Altxerrikoakaz batera, Kantauri isurialdeko beste hamabi kobazulo ziran gizateriaren ondare izateko hautagai eta guztiek lortu dabe Unescoren izendapena.
Kontsumitzaileen dekretuak eskubideak zatitzen ditu
2008-07-07 15:42 Euskerea berbagai
Kontseiluak egindako bost azterketek, museoen nahiz zinemen analisiak, ardao botilen eta jogurt etiketen azterketeak eta gaur aurkeztutako ur-botilen etiketenak, Bartzelonako deklarazinoa ez dala beteten argi itxi dabe.
Plentziako Udal Ordenantzen 500. urteurrena, 1508-2008
2008-07-07 12:15
Plentziako uriko Udal Ordenantzen bosgarren mendeurrena dala eta, Udalak Eusko Ikaskuntzagaz batera, historia zabaltzeko Jardunaldiak antolatu ditu garagarrilaren 8tik 12ra. Uriko eta eskualdeko garai kultural garrantzitsuenetakoa nabarmenduko da bertan.
'Haizea alde baita' lemapean, 2009ko Herri Urrats logoaren bila
2008-07-07 11:20
Datorren urteko maiatzaren 10ean ospatuko da XXVI. Herri Urrats, Seaskako ikastolen aldeko jaia, eta honezkero, antolakuntza lanak hasita dagoz. Urteko leloa aukeratu ondoren, logoa sortzeko ordua da eta horregaitik lehiaketa berezia antolatu dau Seaskak 2009ko logoa asmetako.
Ia 280.000 puntu kendu ditue EAEn puntukako gidabaimena indarrean jarri zanetik
2008-07-07 10:57
Arau-hauste zigortuena eta puntu-galera handiena eragin dauena gehiegizko abiadurea izan da, azken bi urteotan gidariek arrazoi horregaitik 172.500 puntu baino gehiago galdu dituelako. Bigarren portaera zigortuena uhala, kaskoa eta segurtasun-elementuak ez erabiltea izan da.
Lekeitioko Udalak eta Bilboko Eleiz Artearen Museoak erakusketa bat inaugurau dabe Santa Maria eleizan
2008-07-04 15:35 KultureaSanta Maria eleizearen esparru osoagaz integraturik eta aldi berean isolaturik dagoan toki batean kokaturik dago erakusketea. 1250etik 1900era arte, garai erromantikotik garaikidera bitarteko Lekeitioko artearen historia batzen dituen 32 artelanek osotzen dabe erakusketea, eta abuztuaren 31ra bitartean izango da ikusgai.
Danetara, 500 gaztek baino gehiagok hartuko dabe parte auzolandegietan uda honetan
2008-07-04 14:40
Auzolandegien helburu nagusia, toki desbardinetatik heldu eta gizarte-maila desbardinetakoak diran gazteei alkarregaz biziteko eta alkar ezagutzeko aukerea emotea da, aurreretxiak gainditzeko lagungarria dan borondatezko esperientzia bateratu baten bidez.
Iker eta Ane dira izen erabilienak Euskal Autonomia Erkidegoan azken hiru urteetan
2008-07-04 14:29Ane da oraindino neska izena aukeratzeko orduan gurasoen kutunena azken hiru urteetan; bigarren Irati dator, hirugarren Naroa, eta gero June, Uxue, Leire eta Nahia. Ikerrek ere eutsi egin deutso gurasoen gustukoena izateari, eta ondoren, Jon, Unai, Ander, Mikel eta Oier, Eustatek gaur jakinarazo dauenez.
Iñaki Goenaga Fundazinoak 255 espezializazino-beka eskaini ditu
2008-07-04 14:14
Bekadunak ikerketa-proiektuan sartuko dira. Urriaren 20tik aurrera, Zientzia, Teknologia eta Berrikuntzako Euskal Sareko zentroren batean egin beharko dabe lan. Izena emoteko epea garagarrilaren 29ra arte egongo da.
'Metropolis' film klasikoaren argitaratu bako kopia bat topau dabe Buenos Airesen
2008-07-04 11:02 Barriak
Buenos Aireseko Pablo Ducrós Zinemaren Museoak Fritz Langek 1927an filmau eban 'Metropolis' klasikoaren kopia bat topau dau bere artxibategian. Kopia horrek badau berezitasun bat, argitaratu bako irudiak. Klasikoen arteko klasiko hau espresionismo alemanaren harribitxia da eta gizartearen ikuspegi apokaliptikoa emoten dau.
834 urte beharko dira euskerea unibersala izateko
2008-07-04 10:56 Euskerea berbagai
Datuen arabera, 15 urtez % 1,6ko hazkundea baino ez dogu izan. ‘Hamabost urteotan lortu ahal izan dan proiekzinoa etorkizunera egiten badogu jaubetuko gara erritmoa onartezina dala euskerearen normalizazinoa nahi badogu, 835 urte beharko geunkezalako ezagutza unibersalera heltzeko’.
The Manhattan Transfer taldeak zabalduko dau Getxoko XXXII. Nazinoarteko Jazzaldia
2008-07-03 15:45 Musikea
Euskal Herriko jazz jaialdien denporaldiari hasierea emonaz, Getxoko XXXII. Nazinoarteko Jazzaldia garagarrilaren 7tik 12ra izango da eta aurtengo kontzertu nagusiak John McLaughlin, Arturo Sandoval, Archie Shepp, Avishai Cohen eta Iñaki Salvador musikari handiek eskainiko ditue.
EHUk Lekuonaren 'Ibaiak basamortuan' poema-liburua plazaratu dau
2008-07-03 11:35 Kulturea
Obreak Juan Mari Lekuona (Oiartzun, 1927 - Donostia, 2005) hil zan momentuan lantzen egoan poemak batzen ditu eta ordutik kaleratzen dan lehenengo lana da.
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...