'The King's speech' filmak 12 izentapen jaso ditu Oscarretarako

| Ikusi handiago | Argazki originala

Oscar sarien 83. edizinoaren sari banaketea zezeilaren 27an egingo dabe Los Angeleseko Kodak antzokian. James Franco eta Anne Hathaway izango dira aurkezleak eta 200 herrialdetan baino gehiagotan eskainiko dabe zuzenean telebista bidez.

Hautagaien zerrendearen irakurketan, The King´s speech filmak jaso ditu izentapen gehien, danetara 12. Coen anaien True Grit filmak hamar izentapen lortu ditu. Inception eta The social network filmek, bestalde, zortzi lortu ditue. Javier Bardem Aktore Onenaren Saria irabazteko izentau dabe, eta Biutiful filma Atzerriko Film Onenaren sailean. También la lluvia lana, barriz, lehiatik kanpo geratu da.

The social network eta The king´s speech pelikula onenaren sailean izentauta dagoz, Black swan, The fighter eta Toy Story 3 lanakaz batera.

David Fincher eta Tom Hooper Zuzendari Onenaren Oscar sarirako izentau ditue The social network eta The King´s speech filmetan egindako lanagaitik. Atal horretan, Darren Aronosfky (Black swan), Joel eta Ethan Coen (True Gilt) eta David O. Russell (The Fighter) be lehiatuko dira.

Javier Bardem (Biutiful) Aktore Onenaren sailean izentau dabe. Orain dala gitxi Urrezko Globoa irabazi dauen Colin Firth (The King´s speech) izango dau lehiakide nagusi. Baina Jesse Eisenberg (The social network), James Franco (127 hours) eta Jedd Bridges (True Gilt) be Oscar saria irabazteko burruka berean izango dira.

Emakumezko aktore onenaren atalean, Annette Benning eta Natalie Portman dira faborito nagusiak. Eurekaz batera Jennifer Lawrence (Winter's Bone), Michelle Williams (Blue Valentine) eta Nicole Kidman (Rabbit Hole) izentau ditue.

Atzerriko film onenaren zerrendan, Alejandro Gonzalez Iñarrituren Biutiful dago. Lan hori Hors la Loi (Algeria), In A Better World (Danimarka), Canino (Grezia) eta Incendies (Canada) filmakaz leihatuko da.