Bizkaie!

Iron Maiden, Sex Pistols, REM eta Alanis Morissette izango dira Hungariako Sziget Jaialdian

Abuztuaren 12tik 18ra bitartean Obuda ugartean (Budapest, Hungaria) egingo dan jaialdian, musika izarrez gan, aisialdi- eta kirol-jarduera bitxiak be izango dira: oge elastikoak, txokolatezko ugerlekuak, lokatzezko burrukak...

Jaurlaritzeak munduko euskal etxe danak batuko dituan webgunea sortuko dau

EuskalEtxeak.net webgune barrian, euskal etxe bakoitzak bere atala izango dau eta antolatzen dituen ekimen guztien barri emateko aukerea izango dabe, baita irudiak jarteko be.

Wall-E, Pixar estudioen protagonista barria

Umorez, sentimentuz eta ironiaz beteriko Wall-E filma sortu dabe Pixar estudioek, elementu gitxigaz eta irudimenagaz egindako animazinozko filma. Gure zinema aretoetan estreinau barri dan filmak robot zahar eta zikin baten istorioa kontetan dau.

Euskal Autonomia Erkidegoko (EAE) herritarren % 65ak frutea jaten dau egunero

Halanda be, barazkien kasuan portzentaje hori % 30ekoa baino ez da, 2007. urteari jagokozan Eusko Jaurlaritzako Osasun Saileko datuen arabera.

Kimuak programako hamaikagarren edizinoak honezkero baditu protagonistak

Euskal film laburrak sustatzea helburu dauen katalogo honetan parte hartzeko aukeratutako lanen artean, zortzi lanetatik zazpi Gipuzkoan egindakoak dira. Katalogoan sartutako zortzigarren lana Bizkaian egindakoa da.

Azken bost urteotako irabazleak, nor baino nor, Bilboko Aste Nagusiako su artifizialen lehiaketan

Bilboko Aste Nagusiak folklore, gastronomia eta kirol arloetako 50 jarduera baino gehiago eskainiko ditu

Ekintza guztien artean, Bilboko 24 erraldoien bilketa nabarmendu dabe Bilboko Udaletik; abuztuaren 17an izango da, 12:30ean, Arriaga Plazan. Ganera, txiki eta helduen gozamenerako, Bilboko erraldoiak Euskal Museoaren klaustroan izango dira ikusgai Aste Nagusian osoan.

Gazteizko Artium Museoak izaera oso desbardineko bost erakusketa antolatu ditu aldi berean abuzturako

Abuztua izango da 'Objeto de réplica' izeneko erakusketea ikusteko azken aukerea. Gainontzeko lau erakusketak 'Power Food', '¡Viva el color!', 'Entornos próximos' eta Artium Museoaren azken erosketak dira.

'Ahots aniztasunean - A più Voci' topaketea egingo da abuztuaren 5etik 20ra Gernika-Lumon

'Ahots aniztasunean - A più Voci' Gernika eta Gazoldo degli Ippoliti urien arteko kultur topaketea da. Espresinobide desbardinen bitartez (pinturea, musikea, bideoa eta zinemea, argazkiak, zeramikea, poesia…) eta adierazpide artistiko eta gizatiarrak tarteko, topaketearen helburua alkar ezagutzea eta aberastea da.

Gitxienez 12 mendizale hil dira K2 mendian izandako edur-jauzi baten ondorioz

Hildakoen eta desagertutakoen artean ez dago euskaldunik, baina istripua izan eta ordu batzuk lehenago, Alberto Zerain mendizale arabarra bertatik pasau da. Gailurrera ailegau diranen artean, arabarra da kanpamentura bizirik ailegau dan bakarra.

EAEk eta Vermont estaduak (AEB) nekazaritzearen garapen iraunkorraren ganeko lankidetza-hitzarmena sinatu dabe

Topaketea Vermonteko uriburuan egin da, Montpelier-en. Nekazaritza eroangarriaren inguruan Vermont erreferentzia garrantzitsua da nazinoarte mailan.

Gaur hasiko da 69. Musika Hamabostaldia Donostian

Pablo Sarasate eta Olivier Messiaen musikagileen eta Ataulfo Argenta orkestra-zuzendariaren urteurrenak ospatuko eta Stockhausen musikagile alemaniarra eta Jorge Oteiza eskultorea omenduko ditue.

Enkarterriko Gazteria Zerbitzuak webgune barria aurkeztu dau

www.kuxkuxean.org da Enkarterri eskualdeko Gazteria Zerbitzuak martxan jarri dauen web-orrialde barria. Teknologia barrien aldeko apustua eginez eta gazteek Internet gero eta gehiago darabilela ikusita, eskualdea osotzen daben 11 udalek aisialdia, etxebizitzea, osasuna, prestakuntzea, hezkuntzea eta enplegua lantzen dituan danetariko webgunea sortu dabe.

Bilbainaden XX. Lehiaketako irabazleek abuztuaren 22an jasoko ditue sariak

Carmen Marquesen 'Con galones' eta Xabier Zamudioren 'Berton Bilbao' lanek irabazi ditue, hurrenez hurren, gaztelaniazko eta euskerazko sariak, hau da, 850na euro. Zortzi akzesitek 400 euroko saria eta plaka oroigarria jasoko ditue.

Eusko Jaurlaritzeak eraikin bat erosiko dau Bogotan, Kolonbian eta Venezuelan ordezkaritza izateko

Eusko Jaurlaritzako Gobernu Kontseiluak baimena emon dau Bogotan eraikin bat eta hiru aparkaleku erosteko, 958.800.000 pesoko (330.000 euro) prezioan. Erosiko dan egoitzak 198 koadro ditu eta, bertan, lau lagunek egingo dabe lan.

Filgi Claverie eta Jose Luis Lizundia Etxepare Euskal Institutuaren Zuzendaritza Batzordeko kide izentau ditue

Kultura sailburuaren proposamenaren harira Eusko Jaurlaritzako Gobernu Batzordeak hartutako erabagia da Claverie eta Lizundia Etxepare Euskal Institutuaren Zuzendaritza Batzordeko kide izentau izana.

Grises Sueños, Plastic eta Trainsalpine Boys in Iceland dira XVII. Donostia Hiria Pop Rock Lehiaketako finalistak

Hiru bandek abuztuaren 9an, 20:30ean, Haizearen Orrazian Aste Nagusiaren barruan jarriko dan eszenatokian 20 minutuko saio bana eskainiko dabe eta han erabagiko da zein talde izango dan lehiaketearen irabazlea.

Kimuak-ek 68 film batzen dituan bildumea aurkeztu dau

Film labur horreen artean nazinoarteko jaialdietan sari garrantzitsuak lortutako harribitxi asko dagoz. Gainera, batzuk Oscar sarietara be izentau izan ditue; horreen artean dagoz Nacho Vigalondoren 7:30 de la mañana eta Borja Cobeagaren Eramos pocos.

Donostiako 43. Heineken Jazzaldiak 150.000 ikusle inguru izan ditu

Garagarrilaren 22tik 27ra bitartean eskaini diran ia 100 kontzertuen artean, Zurriolako hondartzako Agertoki Berdekoak izan dira arrakastatsuenak, jaialdiko zuzendari Miguel Martinek jakinarazo dauen legez.