Bizkaie!

Extremoduroren disko barria irailaren 9an izango da kalean

Egitura berezia izango dau diskoak, izan be, kanta bakar bat baino ez dau izango. Halan da be, 'Pedra' kanta bateko euren 1995eko proiektuan ez bezela, oraingoan pistatan banatu dabe diskoa, entzunaldia errazte aldera.

Iraileko azterketak tarteko, EHUk hiru campusetan zabalduko ditu ikasteko gelak

Azterketa sasoia dala-eta, Euskal Herriko Unibersidadeak ikasteko gelak zabalduko ditu hiru campusetan. Araban abuztuaren 23tik dagoz zabalik, Bizkaian eta Gipuzkoan, barriz, bihar, abuztuak 30, zabalduko ditue.

Berri Txarrak taldearen inguruko 'Zertarako amestu' dokumentala Portobelloko Zine Jaialdian estreinauko da gaur

Berri Txarrak taldearen inguruan Ibon A. Totorika zuzendariak egindako 'Zertarako amestu' dokumentala Portobelloko Zine Jaialdian estreinauko da Londresen, 'Death of Alternative Music Venues' atalaren barruan.

Kimuak 2008ko film laburrak irailean aurkeztuko ditue Donostiako Zinemaldian

Euskal film laburrak sustatzea helburu dauen katalogo honetan parte hartzeko aukeratutako lanen artean, Gipuzkoan produzidutakoak nabarmendu dira aurten, izan be, aukeratutako zortzi lanetatik zazpi Gipuzkoan egindakoak dira eta bestea Bizkaian.

Amaitu bako lau film izango dira Zinemaldiko Zinema Mugimenduan

Zinema Mugimenduan ekimenaren bidez, Donostiako, Amiensko eta Friburgoko nazinoarteko zinema-jaialdiek, amaitu bako filmak gauzatzeko bide barriak aztertzen ditue, bai eta herrialde horreetako, Europako eta Hego Amerikako profesionalen, enpresen eta erakundeen artean zubi lana egiteko aukerak be.

AC/DC taldearen kantu barria Interneten

Kanta hau urriaren 21ean argitaratuko dan 'Black Ice' diskoaren barruan egongo da; disko horretako hamabost kantuetako bat izango da. Kanadako Vancouverren grabau dabe diskoa Brendan O'Brien produktoreagaz.

The Chieftains, Ismael Lo eta Eliades Ochoa irailaren 4tik 7ra arte egingo dan Getxoko Folk Jaialdian

Jaialdia irailaren 4an hasiko da Korrontzi trikitixa taldeagaz. Gainera, seikote bizkaitarrak zuzeneko disko bat grabauko dau kontzertu hau aprobetxauta. Lan horretarako, Jorge Arribas (La Musgaña), Faltriqueira, Susana Seivane, Jesus Cifuentes (Celtas Cortos) eta Mikel Urdangarin musikarien laguntzinoa izango dabe.

Igaz baino jente gehiago izan da Bilbon oro har, baina gitxiago kontzertuetan

Gitxi gorabehera, 416.000 izan dira aurtengo Bilboko Aste Nagusira hurreratu diranak (igaz baino 7.000 gehiago); halan da be, kontzertuetara 50.000 persona gitxiago joan dira. Jaioetako azken ekitaldiak, Marijaiari agur esateko ekitaldiak 25.000 persona erakarri zituan eta igaz, 3.500 inguru izan ziran.

Zabalik honezkero Euskadiko lehen apustu etxea

Euskal Kirol Apustuak (EKASA) enpresak Euskadiko Reta (apustuen sare telematikoa) apustuen lehenengo lokala zabaldu dau Bilboko Alde Zaharrean (Somera, 45), igaz Eusko Jaurlaritzeak holako negozioetarako lizentzia emon ondoren.

'Bonberenea Sutan' jaialdia Tolosan egingo da irailaren 12 eta 13an

Kontzertuak arratsaldeko 20:00etatik aurrera izango dira. Barikuan, Naiz roxa, Kerobia, Zea Mays, Sorkun & Vice Presidentes, Anestesia eta Makala izango dira. Zapatuan, barriz, Willis Drummond, Inoren Ero Ni, Lisäbo, Deabruak Teilatuetan, Delorean eta Bad Sound System taldeek joko dabe.

Woody Allen, Coen anaiak, Laurent Cantet eta Mike Leigh zuzendarien filmak, Zinemaldiko Zabaltegi-Perlak Sailean

Donostiako Zinemaldiaren hurrengo edizinoan, Woody Allen ('Vicky Cristina Barcelona'), Coen anaiak ('Burn After Reading'), Laurent Cantet ('Entre les murs') eta Mike Leigh ('Happy-Go-Lucky') zuzendarien filmak izango dira, Zabaltegi-Perlak sailean.

Bertsolaritzeak egungo gizartean egin leikezan ekarpenak aztergai Udako Ikastaroetan

Abuztuaren 28an eta 29an, Donostiako Miramar Jauregian izango dan hitzorduan, 'Denpora jakinean egin beharreko jentaurreko sormen lana: arrakastearen gakoak' izeneko ikastaroan bertsolaritzeak egungo gizartean egin leikezan ekarpenak azaldu eta eztabaidatuko dira.

IZAN SÉgaz badator Getxophoto

Aurten, komunikazinorako leiho dan GetxoPhotoren II. edizinoa irailaren 11tik urriaren 12ra izango da eta barrikuntzez ganezka dator.

Deba herria '7 Sois 7 Luas' jaialdiko partaide

Lehen aldia da euskal herri bat Europa eta Afrikako urigune desbardinetan antolatzen dan jaialdi honetan sartzen dala. Aurten, ganera, ekimen honen inguruan beste hainbat emonaldi be antolatuko dira Debako Alamedan, haize zabalean eta doban.

Bilboko Udaleko Euskera Sailak familiarteko hartu-emonetan euskerea sustatzeko kanpaineari ekin deutso

Bilboko Udaleko Euskara Sailak, 'Euskereagaz gure etxea eregiten' izenpean, 6.000 liburuxka inguru helarazoko deutsez 2006an eta 2007an jaiotako umeen gurasoei, familia giroan euskerea erabilteak dauen garrantziaz ohartarazoteko.

Euskal Zinearen VI. Erakustaldia Txileko Unibersidade Katolikoan

Euskal Zinearen Erakustaldiaren seigarren edizinoa martxan dago honezkero Txileko Unibersidade Katolikoan, Santiagon. Erakustaldia datorren irailaren 3an amaituko da.

Txillidaren obrak Alemaniako Köln urian ikusgai

Eduardo Txillidaren erakusketa bat zabaldu eben atzo Alemaniako Köln uriko Boisserée aretoan. Erakusketea urriaren 11 arte izango da ikusgai. Azken 40 urteotan Chillidak egindako ehundik gora lan grafiko batu ditue, hainbat estilotan landutakoak.

Bidasoa Folk jaialdia izango da asteburuan Irunen, Hondarribian eta Hendaian

Antolatzaileen esanetan, aurten sekula baino artista eta ekitaldi gehiago izango dira Txingudiko Badian. Jaialdiaren leloa 'Hiru hiri, hiru historia, kultura bat' da. La Banda del Surdo taldeko kataluniarra edota Herbeheretatik etorritako Muyayos de Raiz taldea izango dira, besteak beste.

'Los Tigres del Norte' mexikarrek Donostian eta Bilbon joko dabe

Egunotan salgai jarritako '25 joyas' bere disko-bilduma barria aurkezteko birearen barruan, taldea Donostian izango da hilaren 21ean eta Bilbon 22an.

Kontzertuok uri bakotxeko Rockstar aretoetan izango dira eta sarrerak eskuragai dagoz Tick Tack Ticket, BBK eta Kutxa guneetan, 22 euroan.