Bizkaie!

Eguzki-izpiek urtero 60.000 lagun hilten dabez

Osasunerako Mundu Erakundeak (OME) aurkeztu dauen ‘Izpi ultramoreen ondorioz sortutako gaixotasunen arazo orokorra’ txostenaren arabera, eguzkipean luzaroan egoteagaitik munduan urtero gitxi gorabehera 60.000 persona hilten dira erradiazinoek sortarazoten dabezan melanoma eta beste minbizi mueta batzuk dirala eta.

'Ikusi' sistema elektronikoen enpreseak bulego bi zabaldu ditu Australian

Sistema elektronikoak diseinau, instalau eta gestionetan dituan ‘Ikusi’ enpreseak bulego barri bi zabaldu ditu Australian, bata Queensland-en eta bestea New South Wales-en. Horrela, hiru dira daborduko herrialde horretan dituan bulegoak, Victoria-n daukan egoitza nagusia kontuan hartuta.

Ana Toledo euskaltzain oso barriak gaur egingo dau sarrera-hitzaldia Antzuolan

Garagarrilaren 21ean, goizeko 10:30etan hasiko da ekitaldia, Antzuolako Udaletxean, Euskaltzaindiako iturriek jakinarazo dabenez.

Angela Arregui diseinatzaile bilbotarra hil da

Moda diseinatzaile bilbotarra gaixorik egoan eta 67 urtegaz, atzo hil zan Barakaldoko Gurutzetako ospitalean. Hileta eleizkizuna gaur, garagarrilak 21, izango da Bilboko Xabierko San Frantzizko parrokian.

Ameriketan euskaldunei buruz argitaratutako informazinoa digitalizauko da

Jasotako informazinoa EHUtik bialduko jake erakunde sinatzaileei eta eurak arduratuko dira zabalkundeaz eta ikerketaz.

Abizen bereko personen bilkurarik handienaren bila Galesen

Galesko telebista-kate batek abizen bereko personen bilkurarik handienaren marka gainditzea proposatu dau, eta Jones abizena daben ehunka herritar Blaenau Ffestiniog uri galestarrean batzea da asmoa.

Kontseiluak postontzien konpromisoa kaleratu dau, ‘Publizidadea euskeraz’ lemapean

‘Publizidadea euskeraz’ kanpainearen bidez, Kontseiluak herritar guztiei euskereagazko konpromisoa eskatu gura deutse, hau da, propagandea euskeraz jasoteko eska dagiela.

Tirri Tarra taldeak Bilbon aurkeztuko dau disko barria

Datorren garagarrilaren 22an, musikazaleek hitzordua dabe Bilbon. Gaueko 10:30etatik aurrera, Uribitarteko Pasealekuan, Tirri Tarra talde sinfonikoak ‘Argi Beltz’ disko barria aurkeztuko dau, Donostiako Orfeoia eta Et Incarnatus ganbera-orkestra musika taldeen laguntzinoagaz.

Lekeitioko Udalak lehiaketea deitu dau Euskara Zerbitzuaren logoa bilatzeko

Euskara Zerbitzuaren irudia izango dan logo baten bila dabil Lekeitioko Udala eta horretarako lehiaketea antolatu dau. Lanak aurkezteko epea abuztuaren 31ra arte egongo da zabalik, eta aukeratutako logoaren egileari 250 euroko saria emongo jako.

Aste Nagusia’06: 350 ekitaldi eta 2’5 miloe euroko aurrekontua

Abuztuaren 19tik 27ra bitartean, aurtengo Aste Nagusiaren egitarauak 350 ekitaldi izango ditu, 13 eszenatoki aurreikusi dabez eta, danetara, 26 txosna izango dira.

Euskarabidea-ren webgunea

Joan dan bagilaren 27an euskalgintzako 400 kidek publiko egin eben ‘euskarabidea’ izeneko adierazpenari jarraipena emoteko www.euskarabidea.euskalerria.org webgunea abian jarri da.

Eusko Ikaskuntzaren EuskoSarek Mikronarrazinoen Nazinoarteko Lehiaketea antolatu dau

Eusko Ikaskuntzaren EuskoSarek (Euskal Komunidade Globalaren zerbitzura dagoan sareak) Euskal Herriaz zein euskal gaiaren ganeko Mikronarrazinoen Nazinoarteko Lehiaketearen lehenengo edizinoa antolatu dau.

Eusko Jaurlaritzeak eta BFAk euskerearen aldeko hitzarmen bat barritu dabe Labayrugaz

Donostiako Fantasiazko eta Bildurrezko Zinemaren Asteak atzera begirakoa eskainiko deutso David Cronenbergi

Donostiako Fantasiazko eta Bildurrezko Zinemaren XVII. Astea urriaren 28tik zemendiaren 4ra izango da aurten eta atzera begirakoa eskainiko deutso David Cronenberg zinemagile kanadarrari. Gainera, ‘Elm Streeteko amesgaiztoa’ pelikuletan Freddy Kruegeren rola egin eban Robert Englund izango da jaialdiaren kartelaren protagonistea.

Otxandioko bonbardaketearen 70. urteurrena

Otxandioko Udalak garagarrilaren 22an herria bonbardeau ebela 70 urte beteten dirala gogoratzeko hainbat ekitaldi antolatu ditu asteon. Gerediaga Elkarteak ekitaldietan parte hartuko dau.

Getxoko Udalak euskeraz gai didaktikoak sortzeko ekimen bat abiarazo dau Labayrugaz

Oraintsu Getxoko Udalak eta Uribe Kostako Mankomunidadeak inguruko hizkuntz-ondarea berreskuratzeko eta zabaltzeko sinatutako hitzarmenaren barruan dago ikerketea.

Portugaleteko XXXII. Nazinoarteko Folklore Jaialdirako sarrerak salgai dagoz

Portugaleteko eta Euskal Herriko XXXII. Nazinoarteko Folklore Jaialdiak jarri ditu salgai daborduko garagarrilaren 21, 22 eta 23an herri bizkaitarreko Zubi Alde kiroldegian izango diran emanaldietarako sarrera eta bonuak.