Bilbo, xakearen uriburu
2009-09-02 11:13
Xake Grand Slameko Maisuen Finala Bilbon jokatuko da irailaren 6tik 12ra bitartean, 2008ko Finala jokatu zan leku berean, hau da, Plaza Barrian jarritako kristalezko gela handian. Honeek izango dira aurtengo finala jokatuko daben jokalariak: Sergei Karjakin, Alexander Grischuk, Alexei Shirov eta Levon Aronian.
Bilboko Udaltegiak 'Expodistrito'-ren eszenatoki bihurtuko dira
2009-09-01 18:07 Kulturea
Gaur, irailak 1, hasi eta abenduaren 31ra arte, ekimen honegaz bat egin daben zazpi Udaltegietako edozeinetara hurreratzen diran bilbotarrek lau erakusketa desbardinez gozetako aukerea izango dabe: lau pintura-erakusketa, hiru argazki-erakusketa eta hogei urte bete dituan Hortzmuga antzerki-talde bilbotarraren ibilbideari eskainitako beste erakusketa bat.
35.000 lagun erakarri ditu Getxoko 'Letren Terrazak' ekimenak
2009-09-01 15:42
Erabiltzaileen % 65 umeak izan dira
Garagarrilaren 1etik abuztuaren 28ra, Letren Terrazak hogeita bosgarren urtez jarraian atara ditue liburuak kalera, helduen eta txikien gozamenerako. Aurten, gainera, txikientzako ekitaldi barriak antolatu dira. Umeek ezin hobeto hartu ditue 'Antxinako jokoak', 'Baretze eta alkartasun jokoak' eta eskulan tailerrak, besteak beste.
Walt Disneyk Marvel erosi dau
2009-09-01 11:51 Barriak
The Walt Disney Companyk Marvel Entertainment erosi egin dau 2.800 miloe euroren truke. Fikzinoko 5000 pertsonaia baino gehiago izango dira orain Disney inperioren barruan, tartean Spider Man, Lau Fantastikoak, X Patrulla, Hulk, Iron Man edo Amerika Kapitaina.
Lain Villabonatarrak lehenengo diskoa grabetan hasi dira
2009-09-01 11:40 Musikea
Lain Villabonako musika-talde gaztea Elkar estudioan dago egunotan euren lehenengo diskorako kantak grabetan. Taldea orain dala urtebete egin zan ezagun Lor taldearen Zure doinua kantearen bertsinoari esker.
Bideorik ikusienak sarituko ditu Youtubek
2009-08-27 15:51
You Tuberen asmo honegaz, bideo batek arrakasta handia lortzen badau, sortzaileak posta elektroniko bidez mezu bat jasoko dau eta bertan, publizidadeari esker jasoko dauen diru kantidadea jakinarazoko jako.
Fitoren 'Antes de que cuente diez' diskoaren zuzeneko aurkezpena Santanderren zemendiaren 6an
2009-08-27 10:33 Musikea
Irailaren 15ean kaleratuko dau disko barria Fitok; danetara, 10 kantu barri batuko ditu azken lan honek eta lehen singlearen bideoklipa, 'Por la boca vive el pez' birako azken kontzertua eta beste zenbait nobedade jasoko ditu DVD batean.
Bonifazio Arandia, 'Fasio' trikitilariaren omenezko ekitaldiak Igorren, haren jaiotzearen mendeurrenean
2009-08-26 16:15 Kulturea
Udalak herriko ondarearen berreskurapenagaz lotzen ditu omenaldiko ekitaldiak; Oihane Goioaga Kultura zinegotziaren esanetan: 'Fasio trikitilari ezaguna zan, Arratian zein inguruetan urte luzetan alaitu zituan erromeriak bere akordeoi diatonikoagaz eta, esangura horretan, haren figurea berreskuratu nahiko geunke omenaldiagaz, jaiotzearen mendeurrena beteten dan urte honetan.
Kauta taldea 'Vans-The Album' bilduman
2009-08-26 11:12 Musikea
'Vans-The Album' bildumeak lehenengo aldiz batu ditu lan batean sona handiko talde internazionalak eta autoedizinoan nahiz diskoetxe independenteetan dabilzan taldeak, besteak beste, Kauta, Marvin eta Adrenalized euskal taldeak.
Bide Ertzeanen 'Leidor Sessions' irailean kalean
2009-08-26 10:55 Musikea
Joandako urtarrilaren 16ko kontzertu gogoangarria jasoten dauen zuzeneko CD-DVD honetan, taldearen disko guztietako kantuak dagoz eta baita kantu barri bat be. Raul Lopezek zuzendu dauen DVDan, barriz, taldeari buruzko dokumental bat be batu da.
Sete Sóis Sete Luas Jaialdia Deban irailaren 4, 5 eta 6an
2009-08-26 10:39 Musikea
Sete Sóis Sete Luas Jaialdiak gure garaiko herri musikeagaz eta arte plastikoagaz osotutako programazinoa eskaintzen dau, eta Mediterraneo aldeko eta portugaldar munduko artista handiek parte hartzen dabe.
2009ko Aste Nagusiaren balantze positiboa ekarri dabe parte hartzearen eta turismoaren igoerek
2009-08-25 14:56
Programa ofizialaren ekimen nagusienetan 430.000 lagun baino gehiagok parte hartu dabe (2008an baino % 10 gehiago), jai hasierako eta amaierako ekitaldiak kontuan hartu barik edo gastronomikora, kiroletara edo su artifizialetara joandakoak. Aurten Astondoa Pirotekniaren garaipenari esker Epahimahaiaren Sari Nagusia etxean geratu dala, ez dogu ahaztu behar.
Pablo Milanesek zabalduko dau Folk Getxo BBK Jaialdia
2009-08-25 12:37 Musikea
Aurten sarrerea pagau beharko da Folk Getxo BBK'09 Jaialdiko kontzertu nagusietan. Gauero, 21:30ean, izango dira emonaldiak Areetako Geltokiaren plazan eta 10 eta 15 euro bitarteko salneurria izango dabe sarrerek.
Webgune bat eta zenbait ekimen Montxo Armendarizen Tasio filmaren 25 urteak ospatzeko
2009-08-25 10:52 Barriak
Nafarroako Gobernuak, Nafarroako Ikus-entzunezko Arteen eta Zinematografiaren Institutuaren (NIAZIren) bitartez, webgune berezi bat (www.tasio25.com), erakusketa bat eta egitarau potoloa tarteko dala ospatuko da datorren irailean 'Tasio' filma errodau eta estreinau zaneko 25. urteurrena.
Atom Egoyan zuzendariaren 'Chloe' filmagaz hasiko da aurtengo Donostiako Zinemaldia
2009-08-24 11:47 Barriak
Atom Egoyan zuzendari kanadarraren 'Chloe' filmak inaugurauko du Donostia Zinemaldia. Zuzendaria, lehenengoz lehiatuko da Donostian. Chloe-ren protagonistak Liam Neeson, Julianne Moore eta Amanda Seyfried dira.
Angel Corella jantzariak 'La Bayadere' ballet klasikoa aurkeztuko dau Donostian
2009-08-20 15:04 Kulturea
Corellak gizonezko protagonista nagusia interpretauko dau, Solor gerlaria; Fernando Bufala eta Carmen Corella jantzari espainiarragaz, Kazuko Omori japoniarragaz, Adhiráis Almeida kubatarragaz eta Joseph Gatti eta Ashley Ellis estadubatuarrakaz batera.
Pforzheim-Gernika bizikletaz, bakearen alde
2009-08-20 10:55
'Frieden erfahren' izenburupean ('Bakea sentidu' edo, berba-jokoan, 'Bakea lortzeko bidea egin'), abuztuaren 22tik 31ra bitartean, Pforzheim (Alemania) eta Gernika-Lumo arteko ibilaldia egingo da bizikletaz. Horren bitartez, bi udalerrien arteko senidetzea gauzatzen dauen agiria sinatu zaneko 20. urteurrena ospatuko da.
Aitana Sanchez-Gijon eta Maribel Verdu Euskalduna Jauregian
2009-08-19 15:27 Kulturea
Aktoreek, Antonio Molero eta Pere Poncegaz batera, Yasmina Rezaren 'Un Dios salvaje' ('Le Dieu du Carnage') lana estreinauko dabe eguaztenean Bilboko Euskalduna Jauregian. Umore beltzez betetako komedia da Un Dios salvaje eta ikusmen handia biztu du lanak: honezkero, aurresalmentan, 12.000 sarrera saldu dira.
'Sin nombre' filmak zabalduko dau Donostiako Zinemaldiaren 'Horizontes Latinos' saila
2009-08-19 11:31 Barriak
Cary Joji Fukunaga estadubatuarrak zuzendutako AEBen eta Mexikoren arteko produkzino horrek oso harrera ona izan eban Sundance jaialdian. Zuzendari onenaren saria jaso eban Fukunagak, eta argazkilari onenarena Adriano Goldmanek. Hondurasetik AEBetara Mexikon barrena emigretan dauen Sayra gaztea da filmeko protagonistea.
Tina Turner abeslariak zuzeneko diskoa eta DVDa plazaratuko ditu irailean
2009-08-19 11:18 Musikea
Abeslari estadubatuarrak musikearen munduan 50 urte bete zituan igaz eta, hori ospatzeko, 90 kontzertuko birea egin dau azken sei hilebeteetan, Europan eta AEBetan. 'Tina Live' izeneko lan barrian, Arnhem herrian (Herbehereak) emondako kontzertua agiri da.
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...