Dire Straits taldeko lider izandako Mark Knopfler-ek kontzertua eskaniko dau Bilbon
2009-09-15 12:37 Musikea
Bilboko zezen-plazan joko dau Mark Knopfler-ek datorren urteko garagarrilaren 30ean, eta Get Lucky disko barriko 11 kantak aurkezteaz gan, bakarka osotutako aurreko lanetako abestiak be joko ditu musikari eta abeslari eskoziarrak -lan barri horrek gaur bertan ikusiko dau argia-. Sarrerak urriaren 7an jarriko ditue salgai ohiko saltokietan, www.ticketmaster.com webgunean eta 902 15 00 25 telefono zenbakian.
Patrick Swayze aktore estadubatuarra hil da
2009-09-15 11:49 Barriak
'Patrick Swayze bakean hil da, familia alboan ebala, azken 20 hilabeteetan gaixotasunari aurre egin eta gero', adierazo dau aktorearen ordezkari Annett Wolf-ek. Dirty Dancing (1987), Ghost (1990) eta beste hainbat film ospetsuren protagonistea Los Angelesen (AEB) hil da 57 urte zituala.
Guggenheim Bilbao Museoak Sydney Pollack-en Frank Gehry-ren esketxak dokumentala emongo dau
2009-09-15 10:59 Barriak
Gaur, irailak 15, Guggenheim Bilbao Museoan Sydney Pollacken Frank Gehry-ren esketxak dokumentalaren emonaldia hasiko da. Dokumentala egunero eskainiko dabe da urriaren 20ra arte, goizeko 11:00etatik 20:00etara.
'Munduko Jendeak' jaialdiak euskaldunak eta etorkinak batuko ditu Bilbon
2009-09-14 15:50 jardunaldiak
Hirugarren urtez, Munduko Jendeak Jaialdiak euskal gizartearen eta Bizkaian bizi diran etorkinen arteko alkarkidetzea sustatuko dau gaurtik irailaren 20ra bitartean. Danetara, 30 ekitaldi baino gehiago antolatu ditue eta, tartean, hainbat herrialdetako produktu tipikoen eta turistikoen erakusketak be izango dira Arenalean jarritako hogeta hamar stand baino gehiagotan.
'Patxi Ros Saria', Sopelanako Lasterketa Nudistea irailaren 19an, Barinatxen
2009-09-14 15:39
Euskal Naturista Alkarteak Sopelanako Udalaren babesagaz beste urte batez antolatu dau Sopelako Lasterketa Nudistea 'Patxi Ros Saria'. Datorren domekan, irailaren 19an korriduko da lasterketea, eguerdiko 12:00etatik aurrera, Barinatxe Hondartzan.
Bernardo Atxaga idazlea eta Daniel Innerarity filosofoa 'Eztabaidak Literatureagaz' zikloan
2009-09-14 14:47 Kulturea
Iñaki Esteban kazetariaren gidaritzapean, nobelagilea eta saiogilea protagonista izango dira 'Ulertu, susmatu, kritikatu' lemapeko jentaurreko topaketan. Bihar, hilak 15, Bilboko Bidebarrietako Liburutegia Bernardo Atxaga eta Daniel Innerarity idazleen arteko beste topaketa baten eszenatoki bihurtuko da.
Azken astea 'Cai Guo-Qiang: Sinetsi nahi dut' erakusketea Guggenheim Bilbao Museoan ikusteko
2009-09-14 13:58 Kulturea
Irailaren 20an erakusketeak ateak zarratuko ditu baina Guggenheim Bilbao Museoak beste erakusketa interesgarri bat abiarazoko dau; aldi baterako erakusketa honi 'Frank Lloyd Wright' izenburua jarri deutsie eta bertan AEBko izen handiko arkitekto horren ibilbideari omenaldia egingo jako.
Berri Txarrak taldeak zuzenean aurkeztuko dau gaur 'Payola' disko barria Donostian
2009-09-14 11:14 Musikea
Bien bitartean, 'Payola' diskoa ondoko helbidean entzun daiteke: www.myspace.com/berritxarrak. Edozelan be, gaurtik aurrera, irailaren 14tik aurrera, salgai egongo da Roadrunner Records diskoetxearen eskutik.
Pakea Bizkaia Kontxako uretan egongo da domekan
2009-09-11 14:02
'Oso pozik nago, Kontxan animetan eta Euskadiko itsas kirolean garrantzitsuenetariko bat dan egun honetan egon ahal izanagaitik, baita Getaria barriro be bisiteteagaitik, nire bizitzaren zati bat dalako' adierazo dau Unai Basurkok.
'S.T.O.P. Okupautako Lurralde Palestinarretan bizirauten', sufrimentu gordinaren argazki-erakusketea Gernika-Lumon
2009-09-11 12:05 Kulturea
Luis Valtueña Argazkigintza Humanitarioko XI. Nazinoarteko Sariaren irabazle den Giovanni Marrozzinik ataratakoak argazkiek Lurralde Palestinarretan populazinoak bizi dauen egoera larriaren barri emoten dabe. Erakusketea 2010eko urtarrilaren 31ra bitartean egongo dira ikusgai Gernika-Lumoko Bakearen Museoan.
Uxue Apaolaza XII. Igartza Sariaren irabazlea
2009-09-11 12:04 sariak-autortzak
Uxue Apaolazaren 'Hiltzailea' nobela-proiektuak, egilearen berbetan, bilaketa intimo bat izan nahi dau thriller etxureagaz, kulpa sentimenduaren eta onartua izatearen beharraren inguruan.
Bilboko Udal Musika Bandeak 4 kontzertu eskainiko ditu udako programazinoa zarratzeko
2009-09-11 11:55 Musikea
Barikuetan, hilak 11 eta 18, 19:00etan, bilbotar guztiakazko hitzorduari zintzo-zintzo erantzunez, Bandeak kontzertua eskainiko dau Arenaleko kioskoan, Iñaki Urkizu Zuzendariorde Titularraren batutapean. Kontzertu horreetako ohitureari jarraituz, programak estilo desbardinak errepasauko ditu
Mikel Atxaga kazetari, itzultzaile eta euskaltzain urgazlea hil da
2009-09-11 11:05 kulturbiz
Idazle, kazetari eta itzultzaile, diktadura sasoian hainbat ezizen erabili zituan idazteko: Errialde, Mutiozabal, Irastortza, Iraola... 1971n, Zeruko Argia-n hasi zan lanean eta 1977tik orain dala urte bira arte Deia egunkariko kazetaria izan da. Horrezaz ganera, 'Deiadarrak', 'Gaztetxo', 'Ezkontza bidean' eta 'Xalbador' obrak idatzi ditu, azken hori Bidegileak bilduman.
Berbaro Elkarteak 20 urte bete ditu
2009-09-11 10:33 Euskerea berbagai
'Euskeraz bizi garenon eta euskerea bultzatzen dogunon bilgunea da Berbaro. Hizkuntzea eta kulturea osotasun baten bi adartzat hartu doguz beti, hizkuntzearen bidez kulturea indartzeko eta kulturearen bidez hizkuntzea indartzeko. Bide horretan aurrera eroan dogun lan egiteko modua euskaldunontzako baikorra eta erdaldunentzako erakargarria gertatu daiten saiatu gara eta saiatzen gara'.
'Xalbador Eguna' ospatuko dabe Urepelen urriaren 10ean eta 11n
2009-09-10 18:25 Bertsolaritzea
Musika, bertso edota herri kirolen bidez -besteak beste, Erramun Martikorena, Maialen Lujanbio, Andoni Egaña, Sebastian Lizaso eta Amets Arzallus izango dira- barriro be Xalbadorren irudiak euskerea eta euskal kulturearen aldarrikapena ekarriko ditu Urepelera.
Ruper Ordorikak zemendiaren 19an kaleratuko dau disko barria
2009-09-10 14:34 Musikea
Haizea Garizumakoa izenpean, diskoa New York urian grabau eban uda hasikeran Ben Monder, Kenny Wollesen eta Skuli Sverrison musikari bikainen laguntzinoagaz eta egunotan nahasketak egiten dabil Jean Phocas teknikaria ondoan dauela.
Emakumeek trikitixeagaz izandako loturea aztertuko dabe 'Inpernuko Poza' jardunaldien VII. edizinoan
2009-09-10 14:09 Musikea
Emakumea eta trikitixea. Edota trikitixa eta emakumea. Gaur egun, alkarrekin ondo ezkontzen diran berba bi horreek bata bestetik aparte bizi izan dira derrigorrez. Ez da hainbeste denpora emakumeak galarazpenetik plazarako bidea egin ebanetik. Euskal Herriko Trikitixa Elkarteak antolatuta, 'Inpernuko Poza' jardunaldiek ilunetik argirako bide hori erakutsi gura dabe gaur eta bihar Donostiako Udal Liburutegian.
'Una ría con duende' jaialdiak flamenkoa hurreratuko dau Bilbora
2009-09-10 10:40 kulturbiz
Barikuan, irailak 11, hasi eta urriaren 3ra bitartean, Una ría con duende topaketa flamenkoen jaialdia egingo da Bilbon, laugarrenez. Kontzertuak, kantak, jantzak, gitarrea eta perkusinoa lantzeko tailerrak, zinema-emonaldiak eta berbaldiak batzen dituan ekitaldi-programa zabala preparau dabe antolatzaileek.
XXIII. Habanera Jaialdiak itsas doinuak ekarriko ditu Getxora
2009-09-09 18:46 Musikea
Habanerak eta itsas doinuak izango dira protagonista nagusi Getxon barikutik, irailak 11, domekara arte, Getxoko XXIII. Habanera Jaialdiaren eskutik. Hiru egunez, Portugaleteko Santa María abesbatza, Grup Berngantí kataluniarra eta Kubako Caracol taldea izango dira jaialdian.
Frankismoaren biktimei gorazarrea Berrizen irailaren 11n
2009-09-09 17:58
Arratsaldeko 18:00etan, 'Esklabutzea frankismoan: errepideak eta fortifikazinoak mendebaldeko pirinioan' erakusketea egongo da ikusgai kultur etxean; 20:00etan, Oroimenaren Bidearen ondoan, lore eskaintzea egingo da; 20:30etan, afari-merienda Erralderen eskutik, udaletxearen lorategian eta, azken buruan, 21:30etan, Durangoko Orfeoiaren emonaldia, udaletxearen lorategian.
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...