VII. Distrito Foto lehiaketeak Bilboko auzo guztietako 1.538 argazki jaso ditu aurten
2011-10-11 18:33 kulturbiz
Bilboko Udaleko Kultura eta Hezkuntza Sailak antolatu dauen Distrito Foto argazki lehiaketearen zazpigarren edizinoak gure uriko barruti guztietako 1.538 argazki jaso ditu, 2010ean baino 75 gehiago. 1.500 eta 1.000 euroko lehenengo bi sariak, Alejandro Bregadoren Túnel Vision eta Mikel Arrizabalagaren Hiri Alegoria #4 lanak jaso ditue.
Literatura Eskoleak zortzigarren ikasturteari ekingo deutso zapatuan, Bilbon
2011-10-11 17:47 Kulturea
Gabriel Arestiren Zuzenbide debekatua lanaren inguruko berbaldiagaz ekingo deutso aurtengo ikasturteari Literatura Eskolak. Karmelo Landa izango da hizlaria, eta hitzordua urriaren 15ean da, 10:00etan, Bilboko La Bolsa udaltegian. Zapatukoaren ostean, beste zazpi saio atondu ditue. Eskolan izena emoteko epea edegita dago.
Animalietan inspirautako poesia izango da XIII. BilbaoPoesia jaialdiaren gaia
2011-10-11 15:48 jardunaldiak
Poesiako lau Sari Nazional izango dira gure artean: Felipe Benítez Reyes, José Corredor-Matheos, Olvido García Valdés eta Joan Margarit. Eurekaz batera, maila handiko Valerie Mejer (Mexiko) Bob Holman (AEB) eta Jacques Roubaud (Frantzia), gure poeta azpimarragarrienetako batzuk ahaztu barik (Kirmen Uribe, Harkaitz Cano edo José Fernández de la Sota). Danak be, urriaren 13tik 23ra egingo dan BilbaoPoesiaren edizino barrian alkartuko dira.
Getxo, euskal antzerki produkzinoaren erakustoki
2011-10-11 13:47 Kulturea
Urriaren 14tik 23ra, Getxo euskal antzerki produkzinoaren erakustoki bilakatuko da 29. Antzerki Jardunaldien eskutik. Aurten genero guztietako eta publiko guztietarako 10 antzezlan eskainiko ditue beste horrenbeste euskal antzerki taldek. Ohikoa danez, ekitaldi horren helburu nagusia da urtez urte euskal antzerki konpainiek egiten daben ahalegina eta lana erakustea.
Literaturea eta zientziaren arteko loturea eztabaidagai, Mestizajeak topeketetan
2011-10-11 12:35 jardunaldiak
Zientzia eta literatureari buruzko Mestizajeak topaketak antolatu ditue hilaren 18an eta 19an Donostian. Hizlarien artean, idazleak nahiz zientzilariak izango dira, berbarako, Bernardo Atxaga, Alberto Rojo eta Luisa Etxenike. Jardunaldien antolatzaileak Donostia International Psysics Center (DIPC) , Materialen Fisika Zentroa (CFM), Jakiunde eta Kutxa dira.
'Hamaika 11n' lemapean, Nafarroako ikastolen jai handia egingo dabe Tafallan, hilaren 16an
2011-10-11 11:41 Euskerea berbagai
Tafallako Garces de los Fayos ikastolea da aurtengo Nafarroa Oinez jaiaren arduraduna, Hamaika 11n lemapean milaka euskaltzale batzeko asmoa dauke domekan, urriaren 16an. Bost kilometroko ibilbidea atondu dabe, bost gunetan banatuta. Jasotako diruagaz DBHko eraikin barria egin gura dabe, orain daukena lar txikia da-eta 400 ikasleentzat.
Cortada Jaialdiak bat-bateko film laburren lehiaketea dakar
2011-10-11 11:09 Barriak
Film laburrak Vitoria-Gasteiz Film Office webgunearen bitartez urriaren 24tik, astelehena, zemendiaren 11ra aurkeztu ahal izango dira. Zemendiaren 14ra arte, Cortada Jaialdiaren hasiereagaz egokituz, aitatu webgunean ikusi ahal izango dira bideoak.
Bilboko Udal Liburutegiak sareak 100 proposamen baino gehiago dakarz
2011-10-10 18:47 kulturbiz
Programea 2012ko maiatzean amaituko da baina ordura arte ehun proposamen baino gehiago izango dira, besteak beste, tailerrak, berbaldiak, erakusketak, ipuin-kontalari saioak eta jolasak; hori guztia irakurketea bultzatzeko, liburutegien alde ludikoenaz gozetako eta ezagutzaren arlo batzukaz lehenengo hartu-emonak izateko.
'Aitzol' eta Euskal Pizkundea aztertuko ditue hilaren 14an, Bilbon
2011-10-10 18:22 jardunaldiak
Jose Ariztimuño Aitzol idazle eta kultur eragilea eta Euskal Pizkundea omenduko ditue Bilbon, urriaren 14an, Aitzolen omenezko urte osoko ekitaldien barruan. Ekimena Euskaltzaindiak eta EHUk antolatu dabe. Urriaren 17an, 75 urte beteko dira idazle tolosarra Hernanin fusilau ebela.
Guggenheim Bilbao Museoak Mona Hatoumen, Doris Salcedoren, Liam Gillicken eta José Manuel Ballesteren lanak eskuratu ditu
2011-10-10 15:31 Kulturea
Mona Hatoumen Gure etxea (Home, 1999), eta Doris Salcedoren Titulurik gabea, 2008 lanak Guggenheim Bilbao Bildumea osotzeko eskuratze-ildo estrategiko barri baten adibide dira: eskuratzeen eremu geografikoa zabaldu nahi dau Museoak, AEBko eta Europako arteaz harago. Horreez gan, dohaintzan emondako lau lan gehitu jakoz Guggenheim Bilbao Bildumeari.
V. Mangamore Jaialdiak Japoniako kulturearen euskal erdigune bihurtuko dau Amorebieta-Etxano
2011-10-10 13:54 jardunaldiak
V. Mangamore Jaialdia udalerriko Zelaieta Zentroan egingo da eta programazino ludiko, ikusgarri eta dibertigarria aurkeztuko dau, bai zaletuei zein Manga eta Animea hurragotik ezagutu nahi daben guztiei, kulturearen arlo horreekaz lotutako hainbat jarduera eskainiz, tailerrak, musika- eta jantza-ekitaldiak, lehiaketak, berbaldiak, Cosplay erakustaldiak, etab.
Uxue Alberdik eta Alaia Martinek irabazi ditue G-puntua txapelketako azkenengo final zortzirenak
2011-10-10 13:07 Bertsolaritzea
Gipuzkoako Bertsolari Txapelketearen final zortzirenetako fasea astegoienean amaitu da. Zapatuan, Lasarte-Orian egin zan saioan Uxue Alberdi lortu zituan puntu gehien; eta, domekan, Irunen, Alaia Martin izan zan irabazlea.
'Hiri hartan izan zen' izenburukoa da Mikel Markezen lan barria
2011-10-07 16:45 Musikea
Hiri hartan izan zen, oso lan beroa eta atsegina da, kantariaren ofizioa duintzen dauen disko bikaina. Grabazinoan, besteak beste, Pello Ramirez eta Arkaitz Miner, Erramun Martikorena, Eñaut Elorrieta eta Uxue Alberdi izan ditu lagun.
Idatzizkoa eta ahozkoren arteko aldea aztertuko dabe Ahoa Bete Hots jardunaldietan, Villabonan
2011-10-07 12:50 jardunaldiak
Ahoa Bete Hots jardunaldien bigarren edizinoa aurkeztu dau Mintzola Fundazinoak. Idatziak ahotsa hartzen duenean izeburupean, zemendiaren 2tik 4ra, idatziaren eta ahozkoaren arteko aldea jorratuko dabe Villabonan. Mintzolak lau alkarteren laguntzinoa izan dau: Bertsozale alkartea, Euskal Herriko Antzerkizale alkartea, Ipuin Kontalarien taldea eta Euskal Kantuzaleen alkartea.
IbiPuntoZero lemapean, 2012ko maiatzaren 27an egingo da Ibilaldia
2011-10-06 18:48 Euskerea berbagai
IbiPuntoZero lemapean, 2012ko Ibilaldia, Bizkaiko ikastolen aldeko jaia Trapagarenen egingo da, eta Meatzaldean ikasle kopurua nabarmen hazi dala gogoan hartuta, beste ikastetxe bat eregiteko dirua batzea izango dau helburu.
Iban Barrenetxeak Bratislavako Biurtekoko Ohorezko Plakea jasoko dau
2011-10-06 18:02 sariak-autortzak
Galtzagorri Elkarteko lehendakari Aitziber Alonsoren eskutik jasoko dau Iban Barrenetxeak Bratislavako Biurtekoko ohorezko plakea datorren zapatuan, urriaren 8an, eguerdiko 12:00etan EIEPren (Euskal Irudigileen Elkarte Profesionala) Bilboko egoitzan (Santa Maria kalea 3, 1.B).
'Orbelak airez airez' gida didaktikoa eta kanta bildumea aurkeztu ditue Basaurin
2011-10-06 18:01 kulturbiz
Orbelak airez aire gida didaktikoa eta kanta bildumea aurkeztu dabe gaur Basauriko udaletxean. Ekitaldian Bizkaiko Foru Aldundiko Kultura Saileko Euskara zuzendari Miren Dobaran izan da, eta beragaz batera, Basauriko alkate Andoni Busquet, Labayru Ikastegiko Adolfo Arejita, Juan Carlos Irizar Galdakaoko Udal Bandako zuzendaria eta Bixente Zelaia informatzailea. Aurkeztutako materiala Zuztarretik ahora! proiketuaren barruan dago.
Tomas Tranströmer, 2011ko Literaturako Nobel Saria
2011-10-06 15:43 sariak-autortzak
Suediako Zientzien Errege Akademiak jakinarazo dauenez, Tomas Tranströmer (Stockholm, 1931) poeta, sikologo eta itzultzaile suediarrak irabazi dau 2011ko Literaturaren Nobel Saria. Hamahiru urtegaz hasi zan idazten eta 1954an argitaratu eban bere lehenengo poesia liburua: 17 dikter.
Brasil eta Arabiako erritmoak zein jazzagaz fusionautako popa eta tangoa VII. Poltsiko Musika ekimenean
2011-10-06 15:07 Musikea
Formato txikiko kontzertuen bitartez, ekimenaren helburua, ikus-entzule guztiei, hainbat herrialdetako musika jokerak erakustea da, bertoko taldeen edo gure urian bizi diran kanpoko musikarien eskutik.
Joxean Agirre kazetari eta idazle azpeitiarrak 'Zwei Frauen' nobelea argitaratu dau
2011-10-06 14:02 Kulturea
Joxean Agirrek Zwei Frauen (bi emakume) liburua aurkeztu barri dau Elkar etxeagaz. Augustin Zubikarai bekeari esker idatzi dau nobelea kazetari eta idazle azpeitiarrak. Fikzinoaren eta saiakerearen mugan dabilen testua da Zwei Frauen, lau atalatean banatuta, idazkera malgu eta irakurterrazean.
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...