Txillardegi politikari, hizkuntzalari eta idazlea joan jaku
2012-01-16 09:48 kulturbiz
Politikari, hizkuntzalari eta idazle donostiarra zapatu goizean hil zan. Jose Luis Alvarez Enparantza Txillardegi 1929an jaio zan, Antigua auzoan, eta azkenaldian osasunez makal ebilen. Ezker abertzaleak adierazo dauenez, urtarrilaren 29an omenaldia egingo deutse Kursaalen.
Uri-eraldaketeari buruzko dokumental zikloa antolatu dabe Zinebik eta hACERIAk
2012-01-13 14:20 Barriak
Zinebiren 52. edizinoan ikusi ziran filmeetako batzuk Hiria bada niretzat. Hiriko bizitza eta bere lekuak gaur egungo dokumentalean izenburupean batu ditue, eta urtarrilaren 17an eta 18an eskainiko ditue. Aukeraketa horretan, Hanburgon, Parisen eta Bratislavan egindako uri-eraldaketa esperientzietan oinarritutako film luze bat eta labur bi jaso ditue.
Snow Patrol, Vetusta Morla, The Gift eta Noah & The Whale, Bilbao BBK Liven
2012-01-13 13:11 Musikea
Aurtengo Bilbao BBK Live jaialdiko taldeen izenak jakinarazo ditue antolatzaileek: Snow Patrol, Vetusta Morla, The Gift, Noah & The Whale, Klaxons, Band Of Skulls eta Lori Meyers. Orain arte, Radiohead zan baieztatutako banda bakarra. Jaialdia Bilboko Kobetamendin egingo da, garagarrilaren 12tik 14ra.
Badator V. Huhezinema
2012-01-13 12:11 Barriak
Lehiaketa ofizialean parte hartzeko oinarriak webgunean (www.huhezinema.com) dagoz eskuragarri. Urtero legez, edozein adinetako egileen lanak onartuko dira, Euskal Herrian (EAE, Nafarroa eta Iparraldea) jaioak edota Euskal Herrian bizi diranak (erroldatuta dagozanak). Martiaren 23a da film laburrak bialtzeko azken eguna.
Oxfordeko Unibersidadeko Iberiar Ikasketen XV. Foroan parte hartzeko epea edegi dabe
2012-01-13 11:59 jardunaldiak
Oxfordeko Unibersidadeak Iberiar Ikasketen XV. Foroa antolatu dau bagilaren 20tik 22ra, eta euskereak lehengo aldiz hartuko dau parte topeketan, katalana, galegoa, portugesa eta gaztelaniagaz batera. Daborduko, berbaldietarako proposamenak edo ponentziak aurkezteko epea edegita dago, zezeilaren 3ra arte.
Lehenengorako sarrerak agortu ostean, Berri Txarrak taldeak bigarren kontzertu bat emongo dau Bilbon
2012-01-13 10:50 Musikea
Zezeilaren 4ko kontzerturako sarrerak salgai dagoz honezkero Musikaze eta Kulturalive webguneetan 13 euroko salneurrian (+ gastuak) eta txarteldegian 17 euroren truke erosi ahal izango dira.
Euskadiko Biodibersidade Zentroak 40.000tik gora bisitari izan ditu 2011n
2012-01-13 10:30
2011n izandako 40.075 bisitarietatik, % 41,8 helduak izan ziran, % 29,6 Eskola Programa Didaktikoan parte hartu eben EAEko ikastetxeetakoak, % 27,3 gaztetxuak eta % 2tik behera 65 urtetik gorakoak. Jatorriaren arabera, %80 inguru bizkaitarrak izan ziran, % 8 gipuzkoarrak, % 4 arabarrak, % 2 nafarrak, % 5 espainiarrak eta % 2 beste herrialde batzuetakoak.
Edu Zelaietaren 'Baztan-Bidasoako hizkeren azterketa dialektologikoa' sarean ipini dau Euskaltzaindiak
2012-01-13 09:57
Euskaltzaindiak Baztan-Bidasoako hizkeren azterketa dialektologikoa liburua ipini dau Akademiaren webgunean. Liburua Euskaltzaindiak eta Nafarroako Gobernuak argitaratzen daben Mendaur bildumearen zazpigarren zenbakia da.
Markeliñe taldeak familientzako ikuskizun barria estreinauko dau Amorebieta-Etxanoko Zornotza Aretoan
2012-01-12 17:30 kulturbiz
Hilaren 20an eta 21ean, Cuentos de arena-Hareazko Ipuinak, Markeliñe antzerki konpainiaren familientzako ikuskizun barriaren estreinaldia izango da Amorebieta-Etxanoko Zornotza Aretoan hurrengo hileetarako atondu dan programazinoaren barruan.
Arrokiagako biztanleak 'Joxe Mendiaga' pastorala preparetan hasi barri dira
2012-01-12 14:48 Kulturea
Arrokiaga herria Joxe Mendiaga pastorala preparetan hasi barri dira, agorrilaren 29an eta abuztuaren 5ean herrian bertan aurkezteko asmoz. Arrokiagako Jean Bordaxar kantari ezagunak idatzi dau Argentina, Txile eta Uruguain bizi izandako poetearen bizitzeari buruzko pastorala.
Donostiako 47. Heineken Jazzaldian joko daben tokiko taldeak hautatzeko kontzertuak gaur hasiko dira
2012-01-12 14:27 Musikea
Donostiako 47. Heineken Jazzaldian joko daben tokiko taldeak aukeratzeko hautaketa prozesua aurrera doa, eta gaur hasiko da behin betiko zerrendea osotzeko baliogarriak diran jentaurreko kontzertuak, Kike Mora Quartet taldearen saioagaz.
Bilboko Udal Musika Eskoleak bost prestakuntza tailer eskainiko ditu urteari hasierea emoteko
2012-01-12 13:23 Musikea
Eskolan emoten diran edukien prestakuntzea hobetzeko eta publiko guztiarentzat zabalik dagozan ikastaroek, oraingo honetan, bost ikasgai eskainiko ditue, bateriaren perfekzinoa landuko dan master class batetik hasi eta txalaparta, biola eta pianoa izango dira ikasgaiak. Eta jantza mintegian, Errenazimendu eta Barrokoko jantzearen garapena aztertuko da.
Bilboko Kontsuladuaren bost mendeko historia jaso dabe Ondare aretoan
2012-01-12 10:43 Kulturea
Bilboko Kontsuladuaren 500. urteurrena gogoratzeko erakusketea edegi dau Bizkaiko Foru Aldundiak Ondare aretoan, zezeilaren 28ra arte. Erakundearen historia azaltzeko makina bat agiria, marrazkia, plano eta objektu ipini ditue ikusgai.
7 Katu Gaztetxeak 5 urte
2012-01-12 10:41
Asteon, urtarrilaren 13an, barikuan, Bilboko 7 Katu Gaztetxeak 5 urte beteko ditu eta urteurrena ospatzera Porrotx pailazoa be etorriko da. Hitzordua arratsaldeko 17:00etan jarri dabe Plaza Barrian eta ondoren, kalejira-entzierroa egingo da gaztetxera eta bertan txokolatadea, umeentzako jolasak eta bestelako jarduerak izango dira, tartean kantuaren bideokliparen grabazinoa.
BizBAK-ek telebistaren eta artearen arteko loturea aztertuko dau 'Artists killed media starts' mintegian
2012-01-11 13:01 jardunaldiak
Artists killed media starts mintegian telebistaren, zinemaren, bideoaren eta artearen arteko hartu-emon konplexu eta aldakorrak jorratuko dira. Ekimena ElectroClass proiektuaren barruan sartzen da. Proiektua María Ruido artistak zuzentzen dau, 80ko hamarkadatik aurrera telebista autonomikoa oinarri hartuta eregitako lanaren iruditeriaren inguruan.
Donejakue bidea kultur ondasun izentau dau Eusko Jaurlkaritzeak
2012-01-11 11:36 kulturbiz
Araba, Bizkaia eta Gipuzkoatik pasetan dan Donejakue bidearen zatia Kultur Ondasun Sailkatua izentetako dekretua onartu dau Eusko Jaurlaritzeak. Donejakue bidea moltso historiko-artistikoa izentau eben 1962an, eta kultura-ondasun, 2000. urtean, monumentu-moltso kategoriagaz. Dekretuak bideari lotutako 700 elementu babesten ditu.
Pedro Almodovar eta Enrique Urbizuren pelikulak, 2012ko Goya sarietako faboritoak
2012-01-11 10:19 Barriak
Pedro Almodovarren La piel que habito eta Enrique Urbizu bilbotarraren No habrá paz para los malvados pelikulek ditue izendapen gehien 2012ko Goya sarietan; hain zuzen be, lehenengoak 16 eta bigarrenak, 14. Zezeilaren 19an egingo dabe sarien banaketea, Madrilen. Mateo Gilen Blackthorn eta Benito Zambranoren La voz dormida be film onenaren eta zuzendari onenaren sarietarako hautagai dira.
Eibarko Usartza txistu taldeak 75. urteurrenea ospatuko dau Bilbon emongo dauen kontzertuagaz
2012-01-11 10:12 Musikea
75. urteurreneko ospakizunetan sartuta, taldea osotzen daben hamar musikarik, errepertorio tradizional bat eskainiko deutsie bilbotar publikoari. Hitzordua gaur, eguaztena, hilak 11, 20:00etan, Euskalduna Jauregiko A3 aretoan. Sarrerea librea da edukierea bete arte. Usartza Txistu Taldea, Bilboko Udal Txistularien neguko denporaldiko kontzertuen egitarauan, urteko lehen talde konbidatua da, BilbaoMusikak antolatuta.
'Euskaraz seguru' gidaliburua kaleratu dau EHUk
2012-01-10 17:36
Euskaraz seguru gidaliburua kaleratu barri dau EHUko Euskera eta Eleaniztasuneko Errektoreordetzeak. Liburua sarean konsultagai dago, hemen. Liburua ezinbesteko lagungarria izango da idazkaritzetako, sailetako, dekanotzako eta bestelako bulegoetan lanean dabilzan administrazino eta zerbitzuetako langileentzat, saileko iturriek adierazo dabenez.
Bilboko Aratusteak 2012 iragarteko sei kartel finalistak aurkeztu ditue
2012-01-10 16:50
Sei kartel finalistak Zabalgune Eraikinean, Udalaren webgunean eta komunikabide laguntzaileetan jarriko dira ikusgai urtarrilaren 16tik 20ra bitartean. Denporaldi horretan herritarrek botoa emoteko aukerea izango dabe.
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...