Zientzien Errusiar Akademia eta UPV/EHU alkartu egingo dira Errusia-Espainia Biltzarra ospatzeko
2011-10-18 12:06 jardunaldiak
Urriaren 18an, Gasteizko UPV/EHUko Letren Fakultadean Herriak, Erregioak eta Estaduaren Batasuna: Espainia eta Errusia Aldebiko Nazinoarteko Biltzarra egingo da. Topaketa hau irailaren 29an Moskun, Zientzien Errusiar Akademiaren egoitzan egindako bilerearen jarraipena izango da, eta bi kulturak alkarri hurreratzea izango dau helburu.
Frankfurteko Azokatik pozik etorri da Etxepare Institutua
2011-10-18 11:00 Kulturea
Etxepare Euskal Institutuko arduradunak Frankfurteko Liburu Azokatik etorri barri dira, eta egotaldiaren ganeko balorazino ona egin dabe. Mari Jose Olaziregi Euskera Sustatzeko eta Hedatzeko zuzendariaren bitartez hainbat ekitalditan parte hartu eban Etxeparek, urriaren 12tik 16ra bitartean.
Gipuzkoako Bertsolari Txapelketeak Gpuntua Telebista abiarazo dau, Sareko ikus-entzunezkoen txokoa
2011-10-18 10:52 Bertsolaritzea
Telebista atala sortu barri dau 2011ko Gipuzkoako Bertsolari Txapelketako antolakuntzeak, eta txapelketearen harira sorturiko hainbat ikus-entzunezko eduki landuko ditu webgunean. Sareko telebista formatuan jaio da Gpuntua TB barria, eta txapelketea amaitu bitartean Gipuzkoako bertsogintzearen eta txapelketearen inguruko hainbat ikus-entzunezko sareratuko dira astez aste.
Nafarroako Filmotekeak bat egingo dau Home Movie Day egunagaz
2011-10-17 17:19 Barriak
Nafarroako Filmotekeak bat egingo dau bihar, martitzena, urriaren 18an, Home Movie Day egunagaz; esangura horretan, Nafarroako film-ondareko ale batzuk emongo ditu, danak azken hilebeteotan berreskuratutakoak. Zinemagile afizionatuek 1940tik 1980ra grabautako zatiak dira.
Euskal Herriko Hitz Gurutzatuen V. Txapelketea Irunen egingo da zemendiaren 26an
2011-10-17 15:45 kulturbiz
2011ko zemendiaren 23an amaituko da izena emoteko epea. Bertan, txapelketa egunean eta lekuan, pagauko dira izen-emoteari eta bazkariari jagokezan kuotak. Interesatuek lau modu nagusi izango ditue izena emoteko orria eskuratzeko, besteak beste, LUMA aldizkariaren bitartez zein Interneten www.xedera.com helbidean.
Historia Zinemaren bidez XIV jardunaldiak Gasteizen
2011-10-17 14:25 Barriak
Valentín de Foronda Gizarte Historiarako Institutuak antolatuta, urriaren 18an, 19:00etan, hasiko dira Historia Zinemaren bidez XIV. jardunaldiak Euskalerriaren Adiskideen Alkartean (General Alava, 5) Gasteizen. Edizino honetako ardatz nagusia Italia Faxistea izango da.
Kolonbia hurre-hurretik ezagutzeko aukerea, egunotan, Getxon
2011-10-17 12:24 jardunaldiak
Kolonbiari buruzko jardunaldiak egingo ditue Getxon, urriaren 17tik 29ra bitartean, Eusko Jaurlaritzako Liburutegi Zerbitzuaren Liburutegiak, topaleku programearen barruan. Ekimenaren helburu nagusia da hainbat udalerritan presentzia handia dauken etorkinen kulturea zabaltzea, eta bertoko liburutegi zerbitzuak eurei ezagutarazotea. Aurreko urteetan Bolivia eta Filipinak izan ziran protagonistak, eta aurten Kolonbia izango da ardatza.
Elhuyar Fundazinoak eskuko telefono bidez euskeraz ikasteko sistema bat aurkeztu dau
2011-10-17 10:53
Elhuyar Fundazinoak Moblang europar ikerketa-proiektuan parte hartu dau, Europako Batasuneko Hezkuntza eta Kultura Batzordeak babestuta eta Zipreko Neurozientzia eta Teknologia Institutuak gidatuta. Ikerketon ondorioz, hizkuntzak ikasten lagunduko dauen eskuko telefonoetarako aplikazinoa sortu dabe, eta Elhuyar euskerazko aplikazinoaren garapenaz arduratu da.
Alaitasuna eta itxaropena nagusi, Lain taldearen 'Leihoak' disko barrian
2011-10-14 15:38 Musikea
Lain taldeak bigarren diskoa argitaratu dau, Leihoak, Elkar diskoetxeagaz. Martian sartu zan bandea Elkarren estudioetan lan barria grabetako asmoz. Hamar kantako diskoa prestau dabe, eta alaitasuna itxaropena dira nagusi bai doinuetan bai berbetan. Aurreko lanaren aldean, personalagoa eta bereziagoa dala adierazo eben aurkezpenean.
Kalearen garrasia
2011-10-14 14:07 jardunaldiak
Kalearen garrasia da AlhóndigaBilbaok taldeko katarsi horri ekiteko duen proposamena. Konbidapen bat da, alde batetik, ekimena barriro izan daigun, eta, bestetik, aintzat hartu daigun 70eko eta 80ko hamarkada erabagigarrietan gure herrialdean egoan egoerea ikuspegi multidiziplinario batetik aztertzen dauen sormena, eta, orobat, horri jarraipena egin eta oraingo egoereagaz konparetako.
Manuel Lekuona saria, Jose Antonio Arana Martijarentzat
2011-10-14 13:07 sariak-autortzak
Sari-emotea barikuan, hilaren 14an egingo da, Bizkaiko Foru Aldundian. Saria Jose Antonio Arana Martijaren alargun Maiteder Bareñok jasoko dau. Mende erdian euskal kulturea garatzen egindako lan handiagaitik emon deutso saria Eusko Ikaskuntzak euskaltzain eta musikologo gernikarrari. Arana Martija aurten hil da, apirilean, 80 urte zituala.
Leire Bilbaok eta Antxiñe Mendizabalek umeentzako liburu bana argitaratu dabe
2011-10-14 12:33 Kulturea
Umeentzako liburu bi kaleratu barri ditu Elkar etxeak, Leire Bilbaoren Oihana hirian eta Antxiñe Mendizabalen Katti beti endredatzen. Liburu biak 8 urtetik gorako irakurleentzako Kuku sailean argitaratu dira. Aurkezpena Donostian izan zan, eta bertan izan ziran liburuen ilustrazinoak egin dituen Mai Egurza eta Patxi Gallego be.
Emakumeek Egindako Zinema zikloaren XVI. edizinoa hasi barri da
2011-10-14 11:16 Barriak
Emakumeek Egindako Zinema zikloaren XVI. edizinoa hasi barri da Bilbon. Inaugurazino ekitaldian, Aizpea Goenaga zinema zuzendari, aktore eta Etxepare Euskal Institutuko buruak Simone de Beauvoir saria jaso eban. Simone de Beauvoir alkarteak eta Bilboko Udaleko Bardintasun, Lankidetza eta Uritarrak sailak antolatu dabe ekimena. Emonaldi guztiak BBK aretoan egingo dira, urriaren 13tik 28ra bitartean.
Guggenheim Bilbao Museoaren 14. urteurrenaren atxakian, dobako sarrerea izango da astegoienean
2011-10-14 10:55 Kulturea
Guggenheim Bilbao Museoak 14 urte beteko ditu urriaren 19an, eta urte honeetan guztietan gizarteak emondako babesa eskertu guran, aurten be bisitariakaz ospatu nahi dau urtemugea, eta horregaitik, sarrerea dobakoa izango da astegoien osoan, urriaren 15ean eta 16an, hain zuzen be.
IV. Agurrik gabeak Durangon, burrukalari antifaxisten omenez
2011-10-13 18:09
Urriaren 21ean, arratsaldeko 20:00etan, Durangoko Santa Ana plazan (euria balitz, San Agustin Kultur Gunean), aurreskua eta lore-eskaintzaren ostean, Jose Martin Txotxe Anduezak zuzendutako Lurra astinduz antzezlana eskainiko dau Karrika Antzerki taldeak.
Dantzan Bilaka programako sortzaileen lanak aurkeztuko ditue urriaren 15etik aurrera
2011-10-13 15:49 Kulturea
Dantzan Bilaka programan parte hartu daben euskal sortzaileen lanak ikusgai izango dira urriaren 15etik aurrera Donostian, Bilbon eta Gasteizen. Danetara, hamazazpi proiektu aurkeztu ziran Eusko Jaurlaritzako Kultura Sailaren deialdira, eta horreetatik bederatzi aukeratu ziran.
Brian Finnegan, Nino Galissa, Skerryvore eta Xabi Aburruzaga, X. Galdames Folk jaialdian
2011-10-13 14:36 Musikea
Galdameseko San Pedro plazea, beste behin be, mundu osoko folk doinuen eszenatoki bihurtuko da Galdames Folk jaialdiari esker. Festibalak hamar urte beteko ditu aurten. Urriaren 14an eta 15ean Irlanda, Eskozia, Afrika eta Euskal Herriko folkaz gozetako toki parebakoa izango da Galdames.
Hogeita hamahiru film labur izango dira lehian Lekeitioko 34. Euskal Zine eta Bideo Bileran
2011-10-13 13:34 Barriak
Lekeitioko Euskal Zine eta Bideo Bileran 33 film labur izango dira lehian, antolatzaileek jakinarazo dabenez. Jaialdia zemendiaren 29an hasi eta abenduaren 3an amaituko da, Euskerearen Egunagaz bat eginez. Lekeitiokoa da, gaur egun, euskera hutsean egiten dan zinemaldi bakarra.
Liburu Ederren Festibalak argitalpen artistikoak landuko ditu lau egunez Rekalde Aretoan
2011-10-13 12:47 jardunaldiak
Liburu Ederren Festibala abiatu barri dabe Bilboko Rekalde Aretoan. Lau egunez tailerrak, erakusketak eta berbaldiak izango dira bertan, argitalpen artiskoaren inguruan. Sarrerea dobakoa da, baina tailerretan izena emon behar da. Belleza Infinita taldeak antolatu dau jaialdia.
Umeentzako liburu bi kaleratu ditu Elkar argitaletxeak
2011-10-11 18:45 Kulturea
Elkar argitaletxeak umeentzako liburu bi aurkeztu ditu: bata, Ana Urkiza eta Eider Eibarren Azazkalak jaten ditut, eta zer?; eta, bestea, Txomintxo eta Perutxo bakarrik geratu dira etxean, Peru Magdalena eta Iosu Mitxelenarena.
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...