Koldo Izagirrek 'Lorea Gernika, andrazko bat' nobelea plazaratu dau
2015-05-28 14:39 Kulturea
Hasieran prentsarako txatalak ziran Lorea Gernika, andrazko bat (Susa) nobelea osotzen daben 53 pasarteak. Idazten hasi zan Koldo Izagirre, eta personaiak gero eta garapen handiagoa eskatzen eutsonez, liburua egin behar izan eban. Egilearen berbetan, emakumezkotasunaren topikotik iges egiteko Lorea Gernika personaiak egindako ahaleginen moltsoa da liburua.
Sortzaile, programatzaile eta ikusleek bat egingo dabe ACT 2015 jaialdian, bagilaren 3tik aurrera
2015-05-27 15:44 Kulturea
_Alex_Brenner%2C__K0zwaoa_profile_sidebar.jpg)
ACT Lan Laburren Nazinoarteko Antzerkialdia laster da martxan. Hamabost proposamen eszeniko taulareatuko ditue aurten parte hartuko daben 70 artistek, eta horreetako hamabi, ganera, lehian izango dira. Euskal Herria, Korea, Irak, Belgika, Kuba, Alemania eta Erresuma Batuko artisten lanik barritzaileenak ikusgai izango dira, bagilaren 3tik 6ra, Bilbon eta Barakaldon.
'Literatura hiztegi tekniko laburra' liburua aurkeztu dau Karlos Linazasorok
2015-05-27 11:51 Kulturea
Literaturea ikusteko daukan moduaren laburpen bat dala esan eban Karlos Linazasorok aurkezpenean. Orain arte landu dituan genero guztiak batu ditu Literatura hiztegi tekniko laburra (Elkar) beharrean.
Bilboko Itsasadarra museoak 'Itsasadarraren magia. 35 urte bizia sortuz" erakusketea aurkeztu dau
2015-05-26 15:45 Kulturea
Erakusketeak antxinako argazkiak, uraren zikloa ezagutzeko bideoak eta ingurumen-berreskuratze prozesua jasoten ditu, bertan bizi diran espeziei buruzko informazinoa bere bai, eta Europako ubide kutsatuenetakoa izan zanaren inguruneko aztarnak bere. Urriaren 31ra arte egongo da zabalik, Bilboko Itsasadarra museoan.
Bilbao Arteko sei artistak Bilbobusen autobusak apaindu ditue euren diseinuakaz, Athletic animetako Kopako finalean
2015-05-26 15:43 Kulturea
Ruth Juan, Ismael Iglesias, Zaloa Ipiña, Juan Carlos Arango, Elisabeth Pérez eta Kepa Peñil dira ekimen honetan parte hartu daben artistak. Toki bateko eta besteko artistok, bakotxak bere estiloan, diseinu berezia sortu dabe datozen egunetan Bilbon zehar errubera gainean ibilteko.
Luis Gardek 'Ehiztariaren isilaldia' nobelea plazaratu dau
2015-05-26 15:14 Kulturea
Iruñea ondoko Ezkaba mendian egoan kartzelan 1938an izandako igesaldian parte hartutako preso biren historia jaso dau Luis Gardek Ehiztariaren isilaldia beharrean. Orduko istorioa gaur egungo gogoetetatik kontau dau. Pamiela etxeak argitaratu dau.
UEUk prest ditu 43. Udako Ikastaroak
2015-05-26 15:04 Kulturea
Eibar, Baiona eta Iruñean izango dira hitzorduak 2015eko bagilaren 29tik garagarrilaren 22ra. Aurten 34 ikastaro eta 6 jardunaldi antolatu ditu UEUk, pasa dan urteko erantzun onari eusteko helburuagaz. Aurtengo leloa Jardun izango da, Udako Ikastaroak lan egin, ikasi eta ideiak trukatzeko foro ezin hobea dala azpimarratzeko asmoz.
Markeliñe, Les Mobilettes eta Paula Quintana saritu ditu Leioako XVI. Umore Azokeak
2015-05-25 10:44 Kulturea
Markeliñeren Andante lanarentzat izan da Euskadiko kale ikuskizunik onenaren saria; Les Mobilettes konpainia frantsesak eskuratu dau Kale Ikuskizunik Onenaren Saria Café Frappé piezeagatik eta azkenik, Paula Quintanarentzat izan da Artista/ikuskizun barri onenaren saria Latente lanagaitik.
Juana García-Pozueloren 'To the end' erakusketea edegi dabe Rekalde aretoan
2015-05-21 12:08 Kulturea
Sorkuntza artistikora zuzendutako bekak jaso dituen artistez osotutako barriek 2015 programearen barruan, Juana García-Pozueloren To the end erakusketea aurkeztu barri dabe Bilboko Rekalde aretoan. Garagarrilaren 19ra arte egongo ikusgai erakusketea.
Euskerearen Herri Hizkeren Atlasa ezagutarazotea helburu, 'Euskara ibiltaria' erakusketea atondu dabe Beasainen
2015-05-20 17:54 Kulturea
Euskaltzaindiaren Euskerearen Herri Hizkeren Atlasa (EHHA) ezagutzera emoteko helburua dauka maiatzaren 28an Beasaingo Igartza Jauregian zabalduko dan erakusketeak. Euskara ibiltaria da bere izena eta Euskaltzaindiak, Beasaingo Udalak eta hasieratik egitasmoa babestu dauen Laboral Kutxak antolatu dabe. Bagilaren 5era arte egongo da zabalik.
Alberto Ladron Aranak 'Itzalak bizi diren lurraldea' liburua aurkeztu dau
2015-05-20 11:38 Kulturea
Abentura nobelea da Itzalak bizi diren lurraldea (Elkar), fantasiazko mundu batean girotutakoa. Alberto Ladron Aranak kaleratu barri dauen liburua Taupadak bildumean argitaratu da, 13 urtetik gorako irakurleen atalean.
Laura Mintegik eta Iban Zalduak euskeraz idatzitako literaturearen erronkak aztertuko ditue Bilbon
2015-05-18 15:48 Kulturea
Bidebarrieta Kulturgunearen ekimenak, Laura Mintegi eta Iban Zaldua idazleen barriketaldia jasoko dau datorren martitzenean, maiatzaren 19an. Bertan, euskeraz idatzitako literaturearen erronken ganean berba egingo dabe. Topaketea euskeraz izango da, arratsaldeko 19:30etatik aurrera –sarrerea librea– eta Pili Kaltzada kazetariak gidatuko dau.
2015eko Bilboko Aste Nagusia iragarriko dauen kartelaren lehiaketarako epea zabalik dago
2015-05-18 15:02 Kulturea
Lanak aurkezteko azken eguna bagilaren 12a da, 13:30era arte. Aurkezteko lekua: Jaietako Saila (Venezuela Plaza, 2, 5.a 48001 Bilbo) 09:00etatik 13:30era. Informazino gehiago: 94 420 31 47.
Muguruza, Ibarretxe, Ordorika eta Atxagaren berbaldiak, Klasikoen 8. irakurketa jarraituaren atarikoan
2015-05-18 11:45 Kulturea
Bilbo Zaharra Forumek Joseba Sarrionandiaren Narrazio guztiak (1979-1990) liburuari eskainiko deutso Klasikoen 8. irakurketa jarraitua. Bagilaren 5ean egingo da, Bilboko Arriaga Antzokian, 8:00etatik 20:00etara. Horren atariko, berbaldi zikloa antolatu dabe bagilaren lehenengo lau egunetan. Fermin Muguruza, Juan Jose Ibarretxe, Ruper Ordorika eta Bernardo Atxaga izango dira hizlariak, Bilbon, Euskaltzaindiaren egoitzan.
Euskal Herriko konpainiek 12 estreinaldi eroango ditue Leioako Umore Azokara
2015-05-15 15:41 Kulturea
Maiatzaren 21etik 24ra egingo da kaleko artisten topaleku bihurtu dan azokea. Aurtengo ekitaldian, 17 euskal konpainia egongo dira Leioan eta 12 obra estreinauko ditue.
Markos Zapiainek 'Saizarbitoria eta iragana' saiakerea kaleratu dau
2015-05-15 12:05 Kulturea
Ramon Saizarbitoria idazleak bere liburuetan sortutako personaiak jorratu ditu Markos Zapiain idazle eta filosofia irakasleak Susa argitaletxeak plazaratutako Saizarbitoria eta iragana beharrean. Errua, maitasuna, jelosia, fideltasuna, egia, sekretua, oroimena, damua, mendekua, patua, kontzientzia, bildurra zelan bizi dituen aztertu dau Zapiainek.
'Non bis in idem', UPV/EHUko talentudun gazte bik pintura figuratibora egiten daben itzulbidea
2015-05-14 14:41 Kulturea
Unibersidadeko ikasleen talentua bultzatzearren Bizkaiko Batzar Nagusiek eta UPV/EHUko Arte Eder Fakultadeak daben lankidetzearen esparruan sortu da erakusketa barriau, hain zuzen be Ander Gómezen eta Nekane Manriqueren 18 artelan batzen dituana.
Bizkaiko museoek 100 jarduera baino gehiago eskainiko ditue Museoen Nazinoarteko Egunean
2015-05-14 11:37 Kulturea
Gizarte jasangarri baterako museoak goiburupean, Bizkaiko Foru Aldundiak Museoen Nazinoarteko Eguna ospatuko dau maiatzaren 18an. Museoak herritarrei hurreratzea da egun berezi honen helburu nagusia. Bizkaiko 34 museok hartuko dabe parte, bisita gidatuak, tailerrak, erakustaldiak, umeentzako jarduerak eta dastaketak eskainiz.
Juanra Madariagak Sisha Pangma igoten bizi izandakoak 'eSPedizioa. Mendi ororen pisua' liburuan jaso ditu
2015-05-13 15:54 Kulturea
Sisha Pangma 8.027 metro dituan mendiaren tontorrera igon eta Unai Elorriagaren SPrako tranbia liburuaren azkenengo kapitulua irakurri eban Juanra Madariaga idazle eta mendizaleak 2011ko maiatzean. Behe kanpalekuan idatzitakoak batu ditu eSPedizioa. Mendi ororen pisua (Txalaparta) liburuan, mendiaren inguruko gogoetak, alpinista handien ganeko kontuak, edur artean desagertutako lagunak, bakardadea eta beste hamaika kontu.
Ume literaturako hiru liburu aurkeztu ditu Elkar argitaletxeak
2015-05-13 15:00 Kulturea
Xaguxar bildumako hiru nobela argitaratu ditu Elkar etxeak: Bihotzak dun-dun, Miren Agur Meabe eta Enrique Morenterena; Errotondan bueltaka, Leire Bilbao eta Eider Eibarrena; eta, Hau ez da zoo bat!, Alaine Agirre eta Iratxe Lopez de Muniainena. Lehenengo biak hamar urtetik gorako irakurleentzat dira, eta higurrena, zortzi urtekoentzat.
Nabarmenak
The government is considering imposing a mandatory code of conduct on tech companies, which could be accompanied by fines for...
»» Mastodon.eus sare sozial libre eta ...