Bost euskal ordezkari Max Sarien 22 finalisten artean
2015-04-22 15:28 Kulturea
Euskal ordezkariak dira: Iñigo Guardamino (egile barri onena, Vacaciones en la inopia lanagaitik), Ignacio del Moral (egokitzapen edo antzerkirako bersino onena, El viaje a ninguna parte lanagaitik), Sabino Bikandi (musika onena, Gelajauziak lanagaitik), Iñaki Salvador (musika onena hau be, Zazpi aldiz elur lanagaitik) eta Kukai Dantza Taldea (jantzako talde edo interpretatzaile onena, Gelajauziak lanagaitik).
Irakurzaletasuna sustatzeko 'Irakurri, gozatu eta oparitu' egitasmoa bederatzigarrenez abiatu da
2015-04-22 12:01 Kulturea
Liburuaren nazinoarteko egunean, apirilaren 23an, Euskaltzaleen Topaguneak Irakurri, gozatu eta oparitu ekimenaren bederatzigarren edizinoa ipini dau martxan, hainbat euskera alkarte, udal, liburutegi eta liburu-dendagaz batera. Euskal Herri osoko 42 herritara zabalduko dabe egitasmoa, bagilaren 30era arte.
2015eko Zientzia Azokea, apirilaren 25ean, Bilbon
2015-04-22 11:18 Kulturea
Bilboko Plaza Barrian egingo dabe aurtengo Zientzia Azokea, hainbat gaztek egindako proiektu zientifikoen erakusketea. Elhuyarreko Zientzia Unidadeak antolatzen dau Zientzia Azokea. Gazteen artean zientzia-zaletasuna bultzatzea, kultura zientifikoa sustatzea eta zientziaren dibulgazinoa dira ekimenaren helburu nagusiak.
Musikea izango da aurten Getxoko Liburu Azokearen ardatz nagusia
2015-04-22 10:58 Kulturea
2015eko Getxoko Liburu Azokea eguaztenetik domekara bitartean izango da musikea ardatz hartuta. Bost egunetan zehar, udal liburutegiek musikeari lotutako hainbat jarduera egingo ditue Algortako Geltokia plazan, bertan kokatuko baitira bederatzi liburudenda getxotarren eta udal liburutegien etxolak.
Korrontzik eta Oinkarik euren koreografiak ikasteko aukerea emongo deutsee jantza taldeei
2015-04-21 15:45 Kulturea
Korrontzi Dantzan proiektuaren bidez, Korrontziko musikearen eta Oinkariko jantzarien arteko alkarlanaren fruitua nahi daben guztiei erakutsiko jake. Holan, Euskal Herriko edozein jantza taldek emon leike izena koreografiak ikasteko. Udagoienera arte, Oinkariko irakasleek jantzak erakutsiko deutseez eta, zemendian hasita, herririk herri emonaldiak egingo ditue.
Jose Luis Etxebarria Goiri 'Txelu' hil da
2015-04-21 12:35 Kulturea
2015eko apirilaren 20an, Txelu joan jaku. Garaizarko bere etxean hil da 90 urtegaz, Jose Luis Etxebarria Goiri, Begoñako jantzari, jantza-maisu, abesbatz zuzendari eta txistularia. Hileta eleizkizuna Begoñako Basilikan egingo deutsie bihar, eguaztena, arratsaldeko 19:00etan.
300, ikusizko literaturako partaidetza-proiektu teknologikoa dakar Saure argitaletxeak
2015-04-21 11:27 Kulturea
Gaur egungo gazteoi itzel gustetan jaku non gagozan eta zer egiten gagozan eten barik kontetea, baina ez dogu Interneta gure gaitasun literarioak hirurehun karakteretan erakusteko sarri erabilten. Orain, barriz, badago aukerea horretarako, izan be, idaztea gustoko daben lagun guztientzako sortu dau Saure argitaletxeak 300 Proiektua, ikusizko literaturako partaidetza-proiektu teknologikoa.
'Ama gaiztoaren ipuina' eta 'Bi kobazulo' umeentzako lanak kaleratu ditu Elkarrek
2015-04-20 18:12 Kulturea
Antxiñe Mendizabalek idatzi dau Ama gaiztoaren ipuina, eta ilustrazinoak Aritz Eigurenek egin ditu. Bi kobazulo ipuina Uxue Alberdi idazleak eta Antton Olariaga marrazkilariak sortu dabe. Behar biak Elkar etxearen Kuku izeneko bilduman plazaratu dira, zortzi urtetik gorako irakurleentzat.
Lorenzo Silva eta Jose Maria Guelbenzu aurrez aurre 'Eztabaidak literatureagaz' ekimenean
2015-04-20 14:21 Kulturea
Cuando el detective literario vigila a su autor izenburupean, bi idazleak, irakurleak protagonisten inguruan itxaroten dauena edo eleberriaren garapenean protagonistek idazlea zein puntutaraino baldintzatzen daben aztertzen ahaleginduko dira. Moderatzaile kanak, barriz, kulturan espezialistea dan César Coca kazetariak egingo ditu.
Gaizka Zabarte zaldibartarrak 'Jende desegokia' nobelea argitaratu dau
2015-04-17 15:42 Kulturea
Bigarren nobelea dau Jende desegokia (Susa) Gaizka Zabarte idazle zaldibartarrak. Mendekua, amodioa eta desamodioa ditu osogai nagusi istorioak. Egileak berak aurkezpenean esan ebanez, ibilera desegoki batzuen kontakizuna da eleberria.
Literatura erotikoa egitea erronka gatxa dala uste dabe Gutun Zurian parte hartuko daben idazleek
2015-04-16 15:40 Kulturea
Erotismoa izango da aurtengo jaialdiko ardatz nagusia. Javier Marias eta Harkaitz Canok, Gutun Zurian egongo diran idazleetako bik, erotismoaz gogoetea egin dabe goizean. Gaur egun tabuak apurtu diran arren eta literaturan gero eta eszena erotiko gehiago badagoz be, Cano eta Marias bat etorri dira, kalidadezko narrazino erotikoak ez dirala horren arruntak. Izan be, euren esanetan, idazkera sensuala lantzea erronka gatxa da.
BizkaIdatz Txikia literatur lehiaketa barria martxan dago
2015-04-16 12:31 Kulturea
Ume eta gaztetxuei zuzendutako sariketa barria da BizkaIdatz Txikia. Bizkaiko Foru Aldundiak antolatuta, helburu nagusia da literatur sorkuntzea bultzatu eta sustatzea. Maiatzaren 29an amaituko da lanak bialtzeko epea.
Donostia 2016k eta Etxepare Institutuak 'Itzultzaile barriak' proiektua abiarazo dabe
2015-04-16 11:09 Kulturea
Donostia 2016k eta Etxepare Euskal Institutuak Itzultzaile barriak proiektua aurkeztu barri dabe; horren bidez, nazinoarteko literatur itzultzaileak aukeratuko dira euskerea ikasi eta, ondoren, euskal literatur obra bat euren ama hizkuntzara itzuli deien.
Iurretako Montoiko zubia argazkiz jantzi da
2015-04-14 13:54 Kulturea
Berrogeita hamar argazki zahar ikusgai izango dira maiatzaren amaiera arte Iurreta eta Durango batzen dituan Montoiko zubian. Iurretaren desanexinoaren 25. urteurrenari lotuta, Iurretako Udalaren ekimenez, Gerediaga Alkarteak aukeraketa bat egin dau dituan fondoetatik eta hainbat iurretarren bildumetatik.
Eduardo Galeano idazle uruguaiarra hil da
2015-04-13 18:37 Kulturea
Birikietako minbiziaren ondorioz, astebete ospitalean emon ostean, 74 urtegaz hil da Eduardo Galeano idazle uruguaiarra. Idazlea eta kazetaria izan zan, eta Hego Amerikateko egoerea izan eban berbagai bere lanetan. 1971n argitaratutako Las venas abiertas de América Latina liburuak egin eban ezagun. Uruguai, Txile eta Argentinan zentsurau egin eben.
Gunter Grass alemaniar idazlea hil da
2015-04-13 18:32 Kulturea
Steidl argitaletxeak jakinarazo dauenez, Alemaniako Luebeck uriko ospital batean hil da Gunter Grass, 87 urtegaz. 1999an jaso eban Nobel saria. Bere nobela bi dagoz euskeratuta, Katua eta sagua eta Batzarra Telgten.
Artiumek hainbat ekintza antolatu ditu Liburuen Nazinoarteko Eguna ospatzeko
2015-04-13 18:06 Kulturea
Artiumek Liburuen Nazinoarteko Eguna ospatuko dau apirilaren 17an, bere Liburutegiak antolatu dauen jardueren programa zabal bategaz. Liburuen erakusketa batek arte plastikoen eta literaturaren artean dagozan loturak ekarriko ditu gogora, eta ondoan kultura garaikideagaz zerikusia daben testuen jentaurreko irakurraldi bat egingo da. Eguna amaitzeko, Esan Ohi Da seikoteak jazz kontzertu bat emongo dau, oraintsu hildako Claudio Cifuentes Cifuren omenez.
Iñaki Irasizabal durangarrak 'Aita gurea' nobela baltza kaleratu dau
2015-04-10 14:41 Kulturea
Autogintzarako piezak egiten dituan lantegi txiki batena kokatu dau Aita gurea (Elkar) nobela barria Iñaki Irasizabal idazle durangarrak. Ugazabaren alabeak herentzian jasoten dau fabrikea, baina krisi enomikoa bete-betean, diru faltan dabil. Dirua lortzeko hartzen dituen bideak arazo gehiago ekarriko ditu, eta txarto-ulertuak, gatazkak, hilketak, drogak, lapurretak...
Apirilaren 9tik maiatzaren 9ra Literaldia 2015 Bartzelonan
2015-04-09 14:44 Kulturea
Udabarria literaturaz jantzita dator aurten be Bartzelonara, Euskal Etxeak antolatu dauen Literaldia jaialdiari esker. Euskal Herriko literaturea Katalunian ezagutzera emotea da jaialdi honen helburua, eta horretarako makina bat ekitaldi antolatu ditue apirilaren 9tik maiatzaren 9ra bitartean.
Apirilean pintura eta argazki erakusketak Bilbon Expodistrito programearen barruan
2015-04-08 18:41 Kulturea
Expodistritok, Bilboko barrutietako Udaltegietan eskainiko dan aldi baterako erakusketa zikloak, urteko bigarren hiruhilekorako programea abiarazo dau apirilaren 7an. Oraingo honetan, udaltegietara hurreratzen diran herritarrek, pintura barruko hainbat teknikari buruzko bost erakusketa ibiltari barri eta argazkigintzeari buruzko bat izango ditue ikusgai.
Nabarmenak
The government is considering imposing a mandatory code of conduct on tech companies, which could be accompanied by fines for...
»» Mastodon.eus sare sozial libre eta ...