Tarde para la ira

Karolina Almagia 2016-09-21 11:43   Zinema kritikak

Orain arte aktore lez ezagutu dogun Raúl Arévalo arrakasta handiz estreinau da zuzendaritza lanetan.

Gernika

Karolina Almagia 2016-09-12 10:26   Zinema kritikak

Errepublikea zuzentzen ei eben sobietar komunista errukibako eta psikopata batzuk dira arerio nagusiak film honetan, eta ez tropa frankistak edota piloto naziak.

Viva

Karolina Almagia 2016-07-19 08:25   Zinema kritikak

Puntako interpretazinoak agertzen dira, bai protagonisten eta bai bigarrenen mailako aktoreen aldetik; benetan nabarmentzekoa aktore kubatarren maila bikaina.

The program

Karolina Almagia 2016-07-07 10:53   Zinema kritikak

Lance Amstrongen historia kontetan deusku The program izenburuko filmak, zazpi aldiz Tourreko irabazle izan zanaren prozesu kronologiko guztia.

Capitán Kóblic

Karolina Almagia 2016-06-29 08:56   Zinema kritikak

On eta gaiztoen film bat izan arren, gustora geratzen da bat amaieran, ate batzuk zarratu barik geratzen diran bitartean.

Francofonia, le Louvre sous l’Occupation

Karolina Almagia 2016-06-17 10:44   Zinema kritikak

Ikusle guztientzat egokia izan ez arren, Alexander Sokurov zinemagile errusiarra originala, esperimentala eta ausarta da.

El rey tuerto

Karolina Almagia 2016-05-25 08:51   Zinema kritikak

Antzezlan arrakastatsu batean oinarritua, film honek estereotipo jakin batzuen satirea, komedia azidoa be izan nahi dau, gure gizartearen parabola erdi-zoroa izan nahi dau. Asmo handiko filma, baina ezer gitxi lortzen dauena.

Kiki, el amor se hace

Karolina Almagia 2016-04-26 11:32   Zinema kritikak

Paco Leónen (Carmina o Revienta, Carmina y amén) hirugarren film honek aktore andaluziarrak errealizadore legez dauen talentoa erakusten dau. Madrilen uda batean jazoten diran bost istorio kontetan deuskuz. Bostek zerikusia dabe sexuagaz. Filia sexual bitxiez sufriduten daben personaien bitartez agertuko jakuz barre egiteko egoera absurdoak.

»» Ikusi argazki guztiak (2)

The invitation

Karolina Almagia 2016-04-11 12:40   Zinema kritikak

Heriotzeak markautako iragan traumatiko bat agertzen jakun bitartean, etorkizun makabro baten mehatxua igarten dogu. Protagonisteagaz batera, geuk be duda asko izango doguz: irudikapenaren jokera txar bat da ala benetazko arriskurik badago etxe horren barruan? Ezerosotasuna sentiduten dogu, baina bildurtzeko datu zehatz askorik ez daukagu; giro horretan pasetan dira minutuak, dana lehertzen dan azken eszkenara arte.

Mustang

Karolina Almagia 2016-03-23 09:38   Zinema kritikak

Europako Batasunean sartu nahi dauen herrialde horren lotsa jakin batzuk azalarazoteaz gan, pelikula hau gustura ikusten da, momentu dibertigarriak eta dramatikoak ondo nahasten ditualako eta tensinoari bikain eusten deutsolako. Alde txarra osabearen personaia dala esango neuke, gaiztoegia da eta karikatura etxurea be hartzen dau eta horrek, tamalez, manikeismoz kutxatzen dau istorioa.

»» Ikusi argazki guztiak (2)

Brooklyn

Karolina Almagia 2016-03-03 17:01   Zinema kritikak

Bi munduen artean harrapatuta bizi dan emakume gazte baten istorioa kontetan deusku John Crowley zuzendariak. Protagonistearen familia, lagunak, aberria, alde batetik, eta etorkizun handiko bizitza barri baten gogoa, bestetik. Etorkin guztien dramea: ilusinoak eta itxaropenak prezio oso altua dabe: atzean itxitakoakaitik sentiduten dan mina, hasieran jasangatxa, denporaren poderioz leuntzen joaten dana.

Anomalisa

Karolina Almagia 2016-02-24 10:57   Zinema kritikak

Charlie Kaufmanek eta Duke Johnsonek egin dabe pelikula triste bat, iluna eta, nire uste apalean, tartean umore apur bat gehiago ez zan bape txarto etorriko. Baina merezidu dau ikustea esperimentu hau. Arlo teknikoan ikusgarria, alkarrizketa oso onak ditu eta istorio sinisgarri bat kontetan deuskue.

Youth (Juventud)

Karolina Almagia 2016-02-02 17:41   Zinema kritikak

Paolo Sorrentinok Fellini izan gura leuke eta gehiegi igarten jako. La gran belleza, La Dolce Vita filmagaz konparau baeben, Youth honetan Ocho y medio etorten jaku burura. Baita Thomas Mannen La montaña mágica liburua be. Batzuetan, haren zinemagintzea gehiegizkoa da eta faltsua, matxistea eta artifiziala emoten dau. Beste batzuetan, ostera, ederra eta dibertigarria subertetan da.

The End of The Tour

Karolina Almagia 2016-01-26 11:46   Zinema kritikak

David Foster Wallace mitifikautako idazleak eta Rolling Stone aldizkariko David Lipsky kazetariak alkarregaz igaro zituen egunak islatzen ditu filmak. Egun horreek zelakoak izan ziran kontatu eban Lipskyk 2010ean argitaratutako liburu batean, F. Wallace bere buruak beste egin eta bi urte geroago.

»» Ikusi argazki guztiak (2)

'El puente de los espias' (Bridge of spies)

Karolina Almagia 2016-01-11 17:12   Zinema kritikak

1960an, Gerra Hotza pil-pilean egoanean, jazotako bat ekarri deusku Steven Spielbergek Bridge of spies filmean. Sobiet Batasunaren eta Estadu Batuen arteko lehia nuklearra zala eta, espien lana funtsezkoa zan. Matt Charmanek eta Coen anaiek idatzitako istorio honek James B. Donovan abogaduagan ipinten dau arretea.

»» Ikusi argazki guztiak (4)

La novia

Karolina Almagia 2015-12-28 13:02   Zinema kritikak

Maila bisualean eraginkorra, lirismoz beteta dago film hau, baina batzuetan eztiegia subertetan da. Kapadozian eta Aragonen filmauta, paisajearen indarra, argazkilaritzea, koreografia, eszenaratzeko modua eta musika ederra dira elementu indartsuenak. Alderantziz, Lorcaren testuak artifizialak eta barregarriak bihurtzen dira aktore honeen ahoetan.

Paulina (La Patota)

Karolina Almagia 2015-12-09 13:40   Zinema kritikak

Dolores Fonzi oso aktore ona da eta Santiago Mitrek badaki primeran zuzentzen. Baina ez da nahikoa eta istorio honek zorroztasun gehiago beharko leuke. Film probokatzailea dala esan dabe; baina osotubakoa eta faltsua begitantzen jat niri.

'El clan'

Karolina Almagia 2015-11-23 11:27   Zinema kritikak

Almodovar anaiek produzidutako pelikula honek sekulako arrakastea lortu dau Argentinan. Arquímedes Puccio familia-buru hotz eta bildurgarria interpretetako, Argentinan mundu guztiak komediagaz identifiketan dauen aktore bat aukeratu dau Pablo Traperok. Guillermo Francellak agirian ixten dau bere bikaitasuna, umoreagaz zerikusirik ez daukan personaje guztiz sinisgarria da berea. Bere begiradak odola izozteko modukoak dira.

Truman

Karolina Almagia 2015-11-05 10:31   Zinema kritikak

Trumanek negar eragiten deusku, baina barre egiteari itxi barik. Oreka hori mantenidutea oso gatxa da, eta Cesc Gayk lortu egin dau, primeran lortu be. Julian semea topetan dauen sekuentzia azken urteetan ikusi dodan onenetariko bat da. Darinen eta Camararen lanei esker, baina baita oso ondo idatzitako gidoiari esker be, film honek hunkitu egiten gaitu, pentsau eragiten deuskun bitartean. Ezinbesteko pelikulea.
 

Amama

Karolina Almagia 2015-10-16 15:53   Zinema kritikak

Donostiako Zinemaldian Euskal Zinemaren Irizar Saria irabazitako Amama euskeraz filmau zan eta holan ikusi behar da, nahiz eta erderara be bikoiztu dan. Asier Altunaren filmak baserriaren mundua zelan desagertzen doan kontetan dau, poetikoki eta modu eder batean.