Aktualitatea

Antzerkigintzako eragileak baikor dagoz, 2014ko datuak ikusita

Euskadiko Antzoki Sarearen igazko memoria aurkeztu dabe Bilbon. Sarearen partaide diran 54 antzoki publikoetan, emonaldi gehiago egon ziran 2013an baino eta publikoaren gorakadea be nabarmentzekoa izan zan. Uri handietan zein herri txikiagoetan eskaintza zabala eta anitza dago eta, horri esker, krisi ekonomikoari sendo egin ahal izan deutso aurre arte eszenikoen sektoreak.

Manu Katché 365 Jazz Bilbao zikloan izango da martiaren 31n

Bilbao 700 Fundazinoak antolatzen dauen 365 Jazz Bilbao zikloaren zortzigarren denporaldiak Manu Katché perkusionista eta konpositore frantsesaren emonaldia eskainiko dau martiaren 31n, Campos Eliseos antzokian, arratsaldeko 20:00etatik aurrera.

Anne Sexton, Sophia de Melo eta Gabriel Ferrater poetak, 'Munduko poesia kaierak' bilduman

Munduko poesia kaierak bildumako hiru antologia barri aurkeztu ditu Susa argitaletxeak, Anne Sexton, Sophia de Melo eta Gabriel Ferraterrenak, hain zuzen be. Harkaitz Canok, Iñigo Roquek eta Aritz Galarragak euskeratu ditue olerkiak.

‘Zelan bizi dogu euskeria Elorrixoko gaztiok?’

Gazteen arteko euskera erabilerearen datu txarrak arduratuta, gazte talde bat dogu Elorrion, egoereari bueltea emoteko gogoz. Ebalixu da taldearen izena. Gure kezketatik abiatuta, herriko gazteakana jo dogu eurak euskerea zelan bizi daben galdezka. Batutako materialagaz ikus-entzunezko lan bat egin dogu, eta martiaren 28an proiektauko dogu Arriola kultur aretoan, arratsaldeko 18:00etan. 

David R. L. irundarraren 'La noche del raton' filmaren estreinaldia eskainiko dau Fant 21 zinemaldiak

Joan dan zezeilean Santa Barbara SBIFF (Los Angeles) Jaialdian estreinau ondoren, La noche del ratón Bilbon ikusi ahal izango da Espainian lehen aldiz, Fant 21 zinemaldiaren barruan, maiatzaren 21ean (gaueko 22:00etan), talde osoaren presentziagaz. David R. L. irundarrak zuzendu eta Asier Vázquezek produzidu dauen filmaren protagonistak Unai García eta Miriam Cabeza antzezleak dira.

Gatazken inguruan idatzi dau Katixa Agirrek 'Atertu arte itxaron' bere lehenengo nobelan

Euskal Herrian zehar kotxez egindako bidaia baten kontakizuna da Atertu arte itxaron (Elkar), Katixa Agirre gasteiztarrak idatzitako lehenengo eleberria. Uliak jaioterriko txokorik politenak erakutsi gura deutsoz Gustavo bikoteari, baina halako batean egoerea okertu egingo da, emakumearen sekretu bategaz topo egitean.

Rosa Maria Sarda 2015eko Ohorezko Max Saria

Bizitza luze, oparo eta sari zein errekonozimenduz betea daroa antzerkigintzan eta zinemagintzan Bartzelonan 1941ean jaio zan artisteak. Bokazinozko jarrera autodidaktikoa izanik, hogeita lau urtegaz lehenengo aldiz taularatu zanez ez ditu oholtzak baztertzerik izan, antzerki, zinema, telebista baita zuzendaritza proiektuetan be lan egin izan dau. 

Los Bichos taldeak Oihuka zigiluagaz grabautako bi albumen berrargitalpen bermasterizatua egin dabe

Elkar diskoetxearen eskutik, Los Bichos talde nafarraren Color Hits(1989) lehenengoz argitaratu da CD formatuan; bertan sartu dira, era berean, taldearen lehen ep-an, Anita Latigazo izenekoan agertu ziran 3 abestiak. Bigarren diskoa, taldearen azkena, barriz, In Bitter Pink izenburukoa da. Denboraz kanpoko bi album dira, moda eta etiketen gainetik iraun dabenak, gaurkotasun-izpirik galdu barik.

Udabarria lo dago...

Ion Macarenok 'Nickel' erakusketea aurkeztu dau Bilboko Rekalde aretoan

Bizkaiko Foru Aldundiaren barriek 2015 programearen emoitzea da Nickel, izan be Ion Macareno artista bilbotarrak arte sorkuntzako bekea jaso eban proiektua gauzatzeko. Maiatzaren 3ra arte egongo da ikusgai, Rekalde aretoko Kabinete Abstraktua gelan. Erakusketearen aurkezpenean, Ion Macareno artistea bera eta Foru Aldundiko Kultura zuzendari Gonzalo Olabarria izan dira.

Aurrerantzean 'Elhuyar' aldizkaria hiru hilean behin argitaratuko dabe

Arrazoi ekonomikoak tarteko, hilabetekari izatetik hiruhilabetekari izatera pasauko da Elhuyar Elhuyar Zientzia eta Teknologia aldizkaria. Urtean lau zenbaki izango ditu papeleko edizinoak: martian, bagilean, irailean eta abenduan.

'A Most Violent Year'

Tonu hotzean dago filmauta, kutsu mingotsa dauka pelikuleak. Izenburua ikusita eszena bortitzak ikustera joan danak ez dau nahi dauena topauko. Izan be, hemen biolentzia ostenduta dago, ez dago agirian.

Alberto Manguel idazleak ‘Una historia natural de la curiosidad' aurkeztuko dau Bilbon

Gaur, martiak 24, Alberto Manguel idazleak bere azken liburua aurkeztuko dau Bilboko Azkuna Zentroan: Una historia natural de la curiosidad. Azken barrikuntza narratiboak eta grafikoak egileen eskutik irakurleei hurreratzeko helburuagaz Mediateka BBK-k hilero egiten dituan Aurrez aurre literatura-solasaldietan izango da.

Euskal kultureak Loraldia eukiko dau Bilbon apirilean

Euskal kulturearen adierazpide guztien topaketea egin nahi dabe apirilaren 23tik 26ra bitartean, XIX. mendeko Lora Jokoen espirituari jarraituta. Udabarria, Bilbo eta euskal kulturea  izango dira ardatzak. Holan, musikearen, antzerkiaren, bertsolaritzearen, arte plastikoen eta abarren batuketatik sortuko dabe Loraldia.

2015eko Kilometroen abestia aurkeztu dabe

Urriaren 4an, Usurbilen, egingo da aurtengo Kilometroak, Gipuzkoako ikastolen jaia.  Jakoba Errekondo  agronomo eta paisajista usurbildarrak idatzi dau Lotzen gattunk kantea, eta herriko hainbat musikariren artean osotu dabe. Udarregi Ikastolea da 2015eko Kilometroaken antolatzailea.

Ramón Rubial Fundazinoak eta Euskaltzaindiak alkarlanerako hitzarmena sinatu dabe

Urte birako lankidetza hitzarmena sinatu dabe gaur Ramón Rubial Fundazinoak eta Euskaltzaindiak, Bilbon, Akademiaren egoitzan. Eider Gardiazabal fundazinoko presidenteak eta Andres Urrutia euskaltzainburuak sinatu dabe akordioa, eta eurekaz batera izan dira, besteak beste, Idoia Mendia eta Vicente Reyes, PSE-EEko idazkari nagusia eta Prestakuntza eta Kultura idazkaria, hurranez hurran; Xabier Kintana Euskaltzaindiaren idazkaria, eta Adolfo Arejita Iker sailburua.