Bilbao 700 Fundazinoaren '365 Jazz Bilbao Matine' zikloa Joshua Edelmanek edegiko dau
2016-05-24 13:51 Musikea
Bilbao 700 Fundazinoak 365 Jazz Bilbao Matinée ziklo barriari ekingo deutso El Jazz en la vida de todos kontzertuaren bidez, Joshua Edelmanen eskutik. Hurrengo domekan, maiatzaren 29an, 12:30ean, EHUren Bizkaia Aretoko Mitxelena Entzunaretoan ziklo honetako lehenengo kontzertua izango da.
'K2. Zerua ikutzen' filma Bilbon ikusgai Hileko Dokumentala zikloaren barruan
2016-05-24 12:45 Zinemea
Proiekzinoa Multicine aretoan izango da (Jose Maria Escuza, 13) arratsaldeko 20:00etan, bihar, hilak 25, euskerazko azpi-tituluak izango dituan jatorrizko bersinoan eta eguenean, barriz, gaztelaniazko azpi-tituluak izango dituan jatorrizko bersinoan. Sarrereak 3,70 euroko prezioa izango dau.
Louise Bourgeois artisteari eskainitako instalazinoa, zapatura arte Bilboko Arriaga plazan
2016-05-27 11:43 Kulturea
Guggenheim Museoaren ekimenez, kutxa baltz berezi bat ipini dabe Arriaga antzokiaren aurreko plazan. Barruan, bideo-instalazino batek Louise Bourgeois sortzailearen obrea eta bere bizitzako pasarteak erakusten deutsez sartzen diranei. Barikuan eta zapatuan egongo da instalazinoa Arriagan eta doban bisitau ahal izango da. Irailera arte Guggenheimen dagoan erakusketearen osogarri da ekimen hau.
'Bilbao You Week', bideo-jokoen eta You Tube sare sozialean edukiak sortzearen zale diranen lehenengo topaketea
2016-05-25 10:34 Kulturea
Gazteria eta Kirol Sailak, lau youtuber eta gamerregaz batera (Naty Penadas, Koala Rabioso, Joseba Hurtado de Saratxo eta Saúl Mayorga) sustatutako ekimena da, interneteko sare sozialik handienean edukiak sortzeaz eztabaidatzeko.
Mikel Laboaren inguruko webgune bat martxan ipini dabe
2016-05-24 08:32 Musikea
Gipuzkoako Foru Aldundiak eta EHUren Laboa Katedreak ipini dabe martxan webgune barria, kantari donostiarraren ibilbidea eta ekarpenak erakusteko. Mikel Laboaren diskografia eta biografia zabal bat ipini ditue publikoaren eskura, baita hedabideetan agertutako artikuluak be.
Alaia Martinek ipiniko deutso txapela Eskolarteko Bertsolari Txapelketako irabazleari
2016-05-24 09:52 Bertsolaritzea
Asteburuon Arabako, Bizkaiko eta Iparraldeko finalak jokatuta, Euskal Herriko Eskolarteko Bertsolari Txapelketako finaleko parte-hartzaileen zerrendea osotu da. Bagilaren 4an Ereñotzun jokatuko dan azken saio horretan, Alaia Martin Gipuzkoako finalisteak jantziko deutso txapela irabazleari, Bertsozale Alkarteak jakin eragin dauenez.
Ikusi dozuez tabako pakete barriak???
2016-05-23 16:40 Begi betegarri
Europako arau barriaren arabera, aurrerantzean tabako paketearen % 65 hartuko dabe ohar eta argazki bildurgarriek
Antzerki, jantza eta musikalik onenak Arriaga Antzokiaren urtearen amaierara arteko programazinoan
2016-05-23 15:45 Kulturea
Arriaga Antzokian arte eszeniko guztiek dabe lekua, baina abuztutik abendura bitartean antzerki programazinoa nabarmendu behar da beste guztien gainetik, antzezlan handiak eta lehen mailako artistak etorriko diralako. Kasu batzuetan, erabateko estreinaldiak izango dira, berbarako, irailaren 15etik 18ra bitartean karteldegian egongo dan Claudio Tolcachirrek zuzendutako La Mentira.
Leioako Umore Azokan 38.000 ikusle egon dira
2016-05-23 15:26 Kulturea
Eguenetik domekara bitartean egin da Leioako Umore Azokea eta antolatzaileek balorazino positiboa egin dabe. Publikoaren harrera onaz ganera, jarduera profesionala egon dala nabarmendu dabe. Epaimahaiak, Vendaval, Philo & Jole eta Larruaren proposamenak saritu ditu.
Bilboko Azkuna Zentroak 'Prototipoak', formatu artistiko barrien nazinoarteko topaketea hartuko dau
2016-05-25 16:23 Kulturea
Azkuna Zentroak Forma Artistiko Barrien Nazinoarteko Topaketea antolatu dau maiatzaren 25etik 28ra arte, Prototipoak izenburuagaz. Topaketa honek 3, 2, 1. Forma Eszeniko Barrien Nazinoarteko Topaketea programeari jarraipena emon nahi deutso.
Labayruk lankidetza hitzarmena sinatu dau Jaurlaritzeagaz eta Bizkaiko Foru Aldundiagaz
2016-05-23 12:18 Kulturea
Akordioaren arabera, hurrengo lau urteetan lanean segidu ahal izateko laguntzinoa emongo deutsie Eusko Jaurlaritzeak eta Bizkaiko Foru Aldundiak Labayru Fundazinoari. Euskerearen ikerketan, normalizazinoan eta zabalkundean erakunde estrategikoa da Labayru, Lorea Bilbao Bizkaiko Kultura diputaduaren esanetan.
Ken Loach zuzendariak jaso dau Canneseko zinemaldiko Urrezko Palmea
2016-05-23 13:29 Zinemea
Krisi ekonomikoaren eraginez sufriduten dagozanak gogoan hartu ditu Ken Loachek Frantzian, Canneseko zinema jaialdi entzutetsuko sari nagusia jasoteko ekitaldian. I, Daniel Blake filmari esker irabazi dau Urrezko Palmea.
Txaber Altubek jantzi dau txapela Bizkaiko Eskolarteko Txapelketan
2016-05-23 08:51 Bertsolaritzea
Txaber Altubek jantzi dau txapela, Unai Mendiburugaz buruz burukoa jokatuta. Txaber Altube txapeldunari Iratxe Ibarra Foruria bertsolariak jantzi deutso Txapela. Urte askoan izan da Ibarra bertso eskolako irakasle, eta eskolartekoan be behar handia egindakoa da.
Bertsolaritzea ardatz hartuta ikerketa kontratu bi izango dira aurten
2016-05-26 08:45 Bertsolaritzea
Ikerketa kontratuen deialdiak zein proiektu sarienak bertsolaritzeari buruzko ikerketa zientifikoa bultzatzeko asmoa dabe. Batera zein bestera eskariak egiteko epea irailaren 12an amaituko da.
Malen Amenabar irabazle, Bizkaiko Bertsolari Txapelketako Udabarriko Faseko azken saioan
2016-05-23 08:21 Bertsolaritzea
Getxoko Fadura kiroldegian jokatu da Udabarriko Faseko azken kanporaketea eta, giro ederrean jokatutako saioan, Malen Amenabar larrabetzuarrak lortu ditu punturik gehien. Bizkaiko Bertsolari Txapelketako Udagoieneko Fasean parte hartuko daben 30 bertsolariak nortzuk diran erabagita dago.
Aitor Salegik eta Antton Aranburuk irabazi dabe Plazatik Gaztetxera bertso sariketea
2016-05-23 09:28 Bertsolaritzea
Mutrikuko gaztetxean jokatu da Plazatik Gaztetxera txapelketako finala. Antton Aranburuk eta Aitor Salegik osotutako bikoteak jantzi dau txapela. Beste hiru bikotek be kantau dabe finalean eta sariketan, guztira, 64 bertsolarik parte hartu dabe.
Aroa Arrizubieta eta Peru Amorrortu izango dira Ereñotzun Arabako ordezkari
2016-05-23 08:26 Bertsolaritzea
Aroa Arrizubieta gasteiztarrak jaso dau arabako erreleboa; astegoienean 14-18 urte bitartekoen XIX. Bertsolarien Eskolarteko finala irabazi eta igaz irabazle subertau zan Peru Abarrategik berak pasau deutso erreleboa.
Astegoien honetan, maiatzaren 21ean eta 22an egingo da Portugaleteko XI. Folklore Azokea
2016-05-20 14:33 Kulturea
Aurtengo ekitaldi deigarrienetakoa, datorren domekan egingo dan Portugaleteko ezpata-jantzearen estreinaldia izango da. Portugaleten, XVII. mendean, Corpus Christi ospakizunean ezpata-jantzea izaten zala erakusten dabe agiriek eta testigantza horreek oinarri hartuta dator ezpata-jantzea.
Balio handiko Paleolitoko pinturak topau ditue Atxurrako kobazuloan
2016-05-24 12:59 Kulturea_content.JPG)
Orain dala 14.000 urteko 70 marrazki inguru topau ditue orain arte eta, alde horretatik, Euskal Herriko kobazulorik aberatsenetako bat da Atxurra, Berriatuko udalerrian. Irudi batzuek balio arkeologiko itzela daukie eta, horregaitik, Diego Garate arkeologoak adierazo dau, Santimamiñe topau zanetik ez dala antzeko aurkikuntzarik egin Bizkaian. Margolanak ezin izango dira bisitau, hango ondarea babesteko.
Radio Euskadiren historia liburu baten batu dau Leyre Arrietak
2016-05-20 12:38 Kulturea
La historia de Radio Euskadi lanean, 1936tik gaur egun arte euskal irrati publikoak euki dituan gorabeherak eta zailtasunak aztertu ditu Leyre Arrieta Deustuko Unibersidadeko irakasleak. Gerra denporan hasita, ondoren Ipar Euskal Herritik eta Venezuelatik emitidu eta gaur egungo egoitza modernora heldu arteko sasoiak ezagutu leitekez liburuan.
Nabarmenak
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...