'La novia' Paula Ortizen lanak 12 izendapen jaso ditu, Goya sarien 30. edizinorako
2015-12-15 11:23 Zinemea
Euskal zinemeari jagokonez, Asier Etxeandia (La novia) gizonezko aktore onenaren sarirako hautagaien zerrendan egongo da, eta Iraia Elias (Amama) eta Irene Escolar (Un otoño sin Berlín Lara Izagirre zornotzarraren filmeko protagonistea) emakumezko aktore barri onenaren sailean lehiatuko dira.
Jaime Altuna eta Josu Ozaita ikerlarien lanak jaso dau 2015eko Juan San Martin bekea
2015-12-15 10:31 Kulturea
Euskal Herrian, Halloween edo Animen gauaren ospakizunen inguruan, azken urteotan izandako bilakaerea aztertuko dabe. Etnologia zan aurtengo gaia, eta ikerlariek, metodo kualitatiboa erabilita, Eibarren eta eskualdean gaiari buruz dagoan guztia batuko dabe; idatziz eta ahoz jasotako testigantza guztiak aztertuko ditue.
Guggenheim Museoaren Patronatuak 2016ko aurrekontua eta arte-programea onartu ditu
2015-12-15 10:20 kulturbiz
Datorren urteetarako jarraibide nagusiak zehaztuta geratu dira Patronatuak Bilbon egindako batzarrean. Holan, erakunde publikoek ez dabe aurten baino diru gehiago emon beharko Guggenheim Museoaren aurrekonturako. Sarreren prezioa, ostera, karutu egingo da. Arte-programazinoari jagokonez, museoko espazioen banaketa estrategiko barria onartu da.
EHUren Arabako Campusak antolatuta jantza-tailerra izango da gaur Aiko taldeagaz batera
2015-12-15 09:38 Kulturea
Jantza tradizionalak erakutsi eta jantzan gozarazoteko estilo barri bat dakarren Aiko musikari eta jantza-maisuen kolektiboak erakustaldi-tailerra antolatuko dau lehenengo aldiz Gasteizen, abenduaren 15ean. Hamar urteko ibilbidean 4.000 lagun baino gehiago batu dituen ehunka ikastaro, tailer eta erromeria antolatuta, talde honek jantzan ikasi eta praktiketako beste modu aurrerakoiago, errazago bat defendiduten dau, gozamenari lehentasuna emonez.
Patxi Saezek euskereaz eta Euskaltzaindiaz egindako inkesteak erantzun ona euki dau
2015-12-15 09:35 Euskerea berbagai
Galdera biko inkestea 554 personak erantzun dabe eta, ganera, gehienak bat datoz Patxi Saezek egindako proposamenakaz. Euskaltzaindiak datozan urteetako euskerearen bizibarritzerako estrategiaren gidaritzea hartu behar dauela uste dabe inkestea bete dabenen %82k eta Akademiaren mendeurrenean, 2018an, horri buruzko biltzar handia antolatu beharko litzatekeela uste dabe ia %85ek. Galdera bien erantzun posibe bakarrak bai eta ez izan dira.
Ricky Dávila bilbotarraren 'Iberica' proiektua Bilboko Bizkaia Aretoan ikusgai
2015-12-14 16:37 Kulturea
Abenduaren 15etik 2016ko urtarrilaren 29ra bitartean, Iberica proiektuko argazkiak ikusgai egongo dira UPV/EHUko Bizkaia Aretoan, EHUKultura programazinoaren barruan.
Bilboko Udal Musika Eskoleak eta Musikenek hitzarmena sinatu dabe
2015-12-14 16:28 Musikea
Lankidetza hitzarmen horri esker, Musikeneko ikasleek abantaila ugari lortuko ditue. Esate baterako, Bilboko Musika Bandan praktikak egiteko aukerea eukiko dabe eta sortzen dituen konposizioak joko ditu bandeak. Musikea hezkuntzan eta lan arloan zabaltzeko eta bandarako errepertorio originala bultzatzeko asmoz sinatu dabe hitzarmena erakunde biek.
Urteko azken kontzertuak Barrutirock programearen barruan
2015-12-14 14:00 Musikea
Abenduaren 17an, eguenean, 20:00etan, Bilboko Bilborock aretoan La Nota Vagamunda taldeak eta Maila bikoteak, gitarra elektrikoaren eta bateriaren arteko buztarketeari eutsiz, rockean oinarrituta, hardcore, progresiboa, post-rock, metal edo psicodelia estiloak nahasten ditue.
Euskerea bizibarritzeko erronkea aztertuko dau Euskaltzaindiak zezeilean, mintegi baten
2015-12-14 11:38 Euskerea berbagai
Patxi Saez Azpeitiko Euskera Patronatuko zuzendariak Euskaltzaindiari egindako eskaeran oinarrituta antolatu dabe mintegia. Zezeilaren 12an egingo da, Akademiak Bilbon daukan egoitzan. Euskerearen bizibarritze prozesuak datozan urteotan eukiko dituan erronkak aztertzea izango da mintegiaren helburua. Nahi daben erakunde, alkarte eta adituei parte hartzeko deia egin deutse Euskaltzaindiak.
Basilio Baltasar eta Xuan Bello idazleak aurrez aurre 'Eztabaidak literatureagaz' ekimenean
2015-12-14 11:32 Kulturea
Oraingo honetan, Basilio Baltasar eta Xuan Bello idazleen arteko topaketea antolatu dabe abenduaren 15erako. Bertan, sarritan polemikoa izaten dan literatur sarien gaiaren ganean egingo dabe berba. Barriketaldia arratsaldeko 19:30ean hasiko da, sarrerea librea izango da leku guztiak bete arte, eta Kulturan espezializautako Cesar Coca kazetariak gidatuko dau.
Txistua, modernizetako bidean
2015-12-14 10:28 Musikea
Ikerketearen helburua izan da txistuaren eta haren familiako instrumentuen ezaugarriak zehaztea, soinua zelan sortzen eta zabaltzen dan zientifikoki azaltzeko —azaldu dau ikertzaileak—, instrumentuaren akustikan ze parametrok eragiten daben eta zelan eragiten daben ikusteko, eta txistuaren akustikea optimizetako parametro horreek doitzen saiatzeko.
Liburugintzea eta artea bat eginda, asteon Bilbon
2015-12-14 10:26 Kulturea
Bilboko Bidebarrieta kalean egingo dabe, abenduaren 14tik 20ra, BALA, Bilboko Arte Liburuaren Azokearen hirugarren edizinoa. Banizu Nizuke alkarteak antolatutako feria berezi horretan eskuz egindako liburuak eta edizino artistikoak ikusi ahal izango dira. Tailerrak, berbaldiak eta musikea be egongo dira.
Onintza Enbeita Busturialdean txapeldun
2015-12-14 09:53 Bertsolaritzea
Astegoienean, barriz, Busturialdeko Bertsolari Txapelketearen finala jokatu da Gernika-Lumon. Txapelaren bila sei bertsolari izan ziran Astrako oholtzaren gainean: Julen Erezuma, Ibon Ajuriagogeaskoa, Ibai Amillategi, Julen Ibarguengoitia, Ander Elortegi eta Onintza Enbeita. Azkenean Enbeita muxikarrak jantzi eban txapela.
Alex Txikon: 'Alpinismoak zeozer badauka, hori inprobisazinoa da'
2015-12-14 09:12 Barriketan
Mendizalea
Traba bako munduko azken bazterra
2015-12-11 14:34 Bidaide
Mongoliako estepa amaierabakoan aberia bat izatea lako esperientzia gogaikarriagorik ez dago. Lur orotarikoak martxan jarri gura ez dauenean, hasieran irribarretxua egingo dogu eta Frantziaren azalerearen hirukotxa dauen herrialde erraldoi, basati baina eder honen erdian, isiltasunaz gozauko dogu.
Iñaki Petxarromanek bere lehenengo eleberria argitaratu dau, 'Kearen fiordoa'
2015-12-11 13:48 Kulturea
Benetako gertakarietatik abiauta idatzi dau Iñaki Petxarroman kazetari eta idazleak Kearen fiordoa (Elkar). 1615ean euskal baleazaleen aurka Islandian egindako sarraskian oinarrituta dago nobelea. Funtsean, baina, fikzinozko lana da, jazoera historikoek zati handia hartzen daben arren.
Gaueko estropadea jokatuko dabe zapatuan Bilboko Itsasadarrean
2015-12-11 12:55
Hamar traineruk parte hartuko dabe Bilboko gaueko estropadan. Tartean dagoz, nobedade moduan, emakumezko talde bi. Estropadea zapatu arratsaldeko 18:15ean hasiko da, ilundu eta gero. Urteerea eta helmugea Pio Baroja plazako moiletan egongo da eta parte-hartzaileek lau luzeko ibilbidea bete beharko dabe, lehenengo eta hirugarren ziabogak Arrupe zubiaren azpian eginaz.
Zinema kurdua Bilbon
2015-12-11 10:33 Zinemea
Bilboko Udaleko Kultura Sailak Zinema Kurduaren Zikloa antolatu dau Santutxuko udal zentroan, Kultur Gabonak programearen barruan. Newroz Euskal Kurdu Alkartearen laguntzinoa dauen zikloak nazinoarteko jaialdietan saritutako fikzinozko hiru film eta bi dokumental eskainiko ditu datorren astelehenetik barikura.
Bilboko Aratusteetako sei kartel finalistak aukeratu ditue
2015-12-11 09:35
Epaimahai batek sei kartel aukeratu ditu aurkeztu diran guztien artean eta, orain, herritarrei jagoke erabagitea zein izango dan 2016ko Bilboko Aratusteak iragarriko dituan kartela. Abenduaren 18ra arte emon ahal izango da botoa. Hiru bide egongo dira eretxia emoteko: Komunikabide laguntzaileen bidez, interneten eta Bilboko Turismo Bulegoaren egoitzan. Gabonen ostean emongo da irabazlearen barri.
Maiatzean hasitako bideari amaierea emongo deutso abenduaren 19ko finalak
2015-12-10 14:48 Bertsolaritzea
Hiru hilebetez, 14 saio izan dira Gipuzkoan barrena eta azkenean zortzi dira finalera heltzea lortu daben bertsolariak: Agin Laburu (Astigarraga, 1985), Alaia Martin (Oiartzun, 1987), Arkaitz Oiartzabal (Oiartzun, 1985), Beñat Gaztelumendi (Donostia, 1987), Iñaki Apalategi (Beasain, 1982), Jon Maia (Urretxu, 1972), Oihana Iguaran (Amasa-Villabona, 1991) eta Unai Agirre (Hernani, 1975).
Nabarmenak
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...