Aktualitatea

2007an ardao produkzinoa % 6’9 bajatu zan

Produkzino jatsiera handiena, ardao produktore nagusienak diran lurraldeetan emon zan, Italia, Frantzia eta Espainian. Ardao produkzinoa, Europan % 9’33 bajatu zan, 2002koagaz batera, azken 15 urteetako daturik bajuena Europako Batasunean.

Musikene Ikastegia Bruselan

Euskal Herriko goi-mailako musika ikastegiak, Musikenek, kontzertua emongo dau Arte Ederren Jauregian (BOZAR), maiatzaren 21ean. Emonaldia, Europar Batasuneko Hezkuntza, Gazteria eta Kultura Kontseiluan Euskadik izango dauen partehartzearen ekitaldietako bat da.

Bizkaiko Umeen eta Gaztetxuen XXV. Bertsolari Txapelketeak gaur ekingo deutso ibilbideari

Apirilaren 29an hasi eta bagilaren 5ean amaituko da Bizkaiko Umeen eta Gaztetxuen Bertsolari Txapelketea. Arlo bitan banatzen da lehiaketea: arlo idatzia batetik eta bat-batekoa bestetik.

Bestalde, BIZKAIKO LOREAK txapelketako bertsoen liburua argitaratu dau Ikastolen Alkarteak.

Gaur eguzkilore-orioaren 'erasoa', bihar zer?

Instalazinoek hartuko dabe protagonismoa Guggenheimen

Guggenheim Bilbao Museoak 'Instalazinoak: Guggenheim Bildumen aukeraketak' izenburuko erakusketea aurkeztuko dau bihar. Erakusketan, egungo artearen lau nazinoarteko artista adierazgarriren lana egongo da ikusgai: Rirkrit Tiravanija, Matthew Ritchie, Javier Pérez eta David Altmejd-ena.

Augustin Zubikarai XII. Ipuin Lehiaketako sariak banatu ditue

Augustin Zubikarai XII. Ipuin Lehiaketako sari-banaketea egin da apirilaren 28an, iluntzeko 19:00etan, Ondarroako Kofradia Zaharrean. Bertan izan dira Felix Aranbarri, Ondarroako Udalburua, eta Miren Josune Ariztondo, Bizkaiko Aldundiko Kultura Diputadua.

'Dragon Hunters' pelikuleak irabazi dau Animabasauriko sari nagusia

Film luze onenen atalean, hamar pelikula aurkeztu ditue aurten, eta epaimahaiaren ustez, Guillaume Ivernelek eta Arthur Qwakek zuzendutako Frantziako, Alemaniako eta Luxenburgoko koprodukzinoa izan da onena.

‘Abertzaleak eta euskara’, nazino politikoaz eta nazino kulturalaz

Komunikabideetako kalaka gogaikarriak euskal nazinoaren muin-muineko auziak argitu ordez nahastu egiten ditualakoan, sasia garbitzeari ekin deutso Jose Manuel Odriozola egileak, abertzaleen artean euskereak zer leku hartzen dauen aztertzeko.

Euskal Herriko komunikabideetako dokumentazino zerbitzuetako gidea aurkeztu dabe

Komunikabideetako Dokumentazinoari buruzko I. Jardunaldietan, urtebeteko ikerketa-lanari esker, Euskal Herriko Hedabideetako Dokumentazino Zerbitzuetako on-line Gidea aurkeztu dabe. Teresa Agirreazaldegi, Milagros Ronco eta Idoia Camacho EHUko irakasleek gidea osotzen jarraituko dabela aurreratu dabe.

Ahozko historia-tailerrak ikasle gazteentzat Artea Arratiako Euskal Abertzaletasunaren Museoan

Asmoa 16 eta 18 urte bitarteko gazteei zenbait personaren lekukotasunak entzuteko aukerea eskaintzea da. Persona horreek euren bizipenak eta Euskadiren historiako zenbait alditan sufridu eta bizi ebenari buruzko eretxiak adierazoko ditue.

‘Lagune, igerri esakune!’ lelopean, Herrien arteko III. Berba Probak Mungian

Herritarren ekimenari esker eta Txokolo kultur alkarteak bultzatuta, maiatzaren 10ean Herrien arteko III. Berba Probak egingo dira. Goizeko 11:00etan hasita, Mungiako eta inguruetako esakuneak eta bertsoak batzen dituan txapelketearen hirugarren edizinoa da aurtengoa.

Leioako Udala VIII. Pop-Rock Lehiaketea martxan

Leioako Udala VIII. Pop-Rock Lehiaketako talde finalistak aukeratu ditue honezkero. Danetara, 116 taldek parte hartu dabe lehiaketan.

Erlijino, kultur eta zibilizazinoen arteko alkar aditzean aurrera egiteko proposamena aurkeztuko dabe

'Baketik' Arantzazuko Bake Zentroak erlijino, kultur eta zibilizazinoen arteko alkar aditzean aurrera egiteko proposamena zabalduko dau nazinoartean. 'Kultura arteko eta erlijino arteko alkarguneak. Proposamen bat eta 80 erregu eta testu bakearen alde' ekimena gaur aurkeztuko da Bilbon.

Rendition

Pelikulea ikusi eta gero, Traffic barria egiteko ahaleginetan jardun dabela emoten dau; kasu honetan, ostera, drogen gaiari oratu barik, terrorismoa hartu dabe ardatz. Dana dala, filmaren garpena motela eta hotza da, erritmo bakoa.

Funk Colective taldeak zarratuko dau ‘Bilbao Distrito Jazz’ programea

Gaur, hilak 25, ‘Bilbao Distrito Jazz’ egitarauari amaierea emonaz, Funk Colective bilbotar taldeak joko dau da La Bolsan (Pelota Kalea 10, Alde Zaharra. 21:00etan).

Eskola arteko Jantzari Eguna Gernikan

Eskola arteko Jantzari Eguna ospatuko da domekan, apirilak 27, Gernikako Urbieta kiroldegiko futbol zelaian. Allende Salazar, Barrutia, Mertzede, San Fidel eta Seber Altube ikastetxeetako Lehen Hezkuntza eta DBH-ko 1.210 umek parte hartuko dabe.