Aktualitatea

Magia izango da protagonistea Getxoko Liburu Azokan

Magiaren mundua hurretik ezagutzeko aukerea eukiko dabe umeek asteon Getxoko Liburu Azokan. Hilaren 31n hasi eta apirilaren 3ra arte magiaren inguruko hainbat ekitaldi atondu ditue herrian. Algortako Geltokia plazan egingo da azokea.

The Mars Volta, Zarama eta Vetusta Morla be Bilbao BBK Live jaialdian izango dira

Bilbao BBK Live jaialdiko kartela gero eta beteago dago, izan be, antolatzaileek adierazo dabenez, The Mars Volta, Noisettes, Neon Trees, Zarama eta Vetusta Morla taldeak be Kobetamendin izango dira garagarrilean.

Bilboko Aste Nagusiko Tokiko Pop Rock Taldeen Erakusketan izena emoteko epea edegi dabe

Daborduko edegi dabe Bilboko 2011ko Aste Nagusiko Tokiko Pop Rock Taldeen Erakusketan izena emoteko epea. Parte hartu gura daben taldeek Bizkaian bizi edo taldekide bat gitxienez bertan erroldatuta izan behar dabe.

Bilbo Zaharreko saltokietan apaindurazko graffitiei buruzko 'Behera pertsianak' III. Lehiaketea abian

Bilboko Udaleko Kultura eta Hezkuntza Sailak, Maiatzaren 2a Elkarteagaz lankidetzan, Behera pertsianak lehiaketearen hirugarren edizinoaren deialdia zabaldu dau. Lehiaketa barritzaile horren helburua, ekimenean parte hartu nahi daben Bilbo Zaharreko saltokietako pertsianak graffiti artistikoakaz apaintzea da.

Horacio Echevarrieta euskal industrilariari buruzko dokumentala aurkeztuko dabe Malagako Zinemaldian

El último magnate Horacio Echevarrieta (1870-1963) euskal industrialariari buruzko dokumentala aurkeztuko dabe hilaren 29an Malagako Zinemaldian. Espioitzea, azpikeria politikoa, isilpeko armak eta munduko urpekontzirik onena dira lanaren osogai nagusiak.

Udabarriko astenia edo ahuleziari aurre egiteko astebete edo beharko dogu...

Bigarren Errepublikako Misino Pedagogikoen ganeko zikloa Bilboko Guggenheim Museoan

Espainiako Bigarren Errepublikan egin ziran Misino Pedagogikoak programen ganeko berbaldiak eta ikus-entzunezkoak eskainiako ditue martiaren 29an, 30ean eta 31n Bilboko Guggenheim Museoko Zero Espazioan.

Donostiako San Telmo museoak ateak edegi ditu, bost urteko etenaren ostean

Gaur, hilak 28, edegi ditu barriro ateak Donostiako San Telmo Museoak, azkenengo bost urteotan barriztetako hainbat lan egin ostean. Aurrerantzean hainbat ekitaldi antolatuko dira bertan, besteak beste arte-diziplina desbardinetako erakusketak.

Barikutik aurrera, animazinozko zinemarik onena AnimaBasauriren zazpigarren edizinoan

Barton Filmsek eta Gozila zinemazaleen alkarteak atonduta, animazinozko zinemak inguruotan daukan jaialdirik garrantzitsuena da AnimaBasauri-AnimaBasque eta, aurtengo ekitaldian, 30 herrialde baino gehiagotako pelikulak ikusi ahal izango dira.

Internet eta adin gitxikoen ganeko txostena aurkeztu dau EHUk Madrilen

Arriskuak eta segurtasuna Interneten: Espainiako adin gutxikoak Europaren testuinguruan txostena aurkeztu dabe gaur, martiaren 28a, Madrilen, Europako Batzordeak urian daukan egoitzan. Euskal Herriko Unibertsitateak EU Kids Online izeneko Europako ikerketa sarearen barruan egin dau azterlana.

Hogei taldek hartuko dabe parte Arrigorriagako XVI. Nazinoarteko Clown jaialdian

Maiatzaren 5etik 8ra bitartean egingo da aurtengo Arrigorriagako XVI. Clown jaialdia. Hogei talde inguruk parte hartuko dabe festibalean eta bost Euskal Herrikoak izango dira. Emonaldiez gan jaialdiak ikastaro bat eskainiko dau, Johnny Melvilleren eskutik.

2010eko Arabako Txakolina aurkeztu dabe 'oso ona' kalfikazinoagaz

Zazpi upategi ditu martxan Arabako Txakolina Jatorri Deiturak 2011an: Arabako Txakolina Xarmant, Beldui Upategia Beldui, Garate Txakolin Garate, Okondo Txakolina Señorío de Astobiza, Txakoli Landa-turismoa Mahatxuri, Arzabro Txakolina Ametza eta Artomañako Txakolina Eukeni.

Julio Sotok irabazi dau Elizondoko finalaurrekoa

Elizondo finalaurrekoa jokatuta, erabagita gelditu da apirilaren 9an Iruñeako Labrit pilotalekuan kantauko dauen zortzikotea. Finalaurrekoak irabazita: Jon Barberena, Estitxu Arozena eta Julio Soto. Puntuazinoaren arabera sailkatuak: Xabier Silveira, Julen Zelaieta, Eneko Lazkoz, Oskar Estanga eta Xabier Terreros.

Euskerazko pelikulak zine-aretoetara eroateko egitasmo bi aurkeztu ditu Bizkaiko Foru Aldundiak

Bizkaiko Foru Aldundiak euskerazko pelikulak zinemara eroateko egitasmo barri bi ipini ditu martxan. Batetik, Zinema zabaltzen programearen bidez, punta-puntako filmak euskerara bikoiztu eta zinema-areto komerzialetan banatu nahi ditue. Bestetik, BizkaiFilma ekimena, hau da, Bizkaiko herrietako aretoetarako euskerazko pelikulen programazinoa.

Etxepare Institutuak 1,3 miloe euro bideratuko ditu euskerea eta euskal kulturea nazinoartean sustatzeko

Etxepare Euskal Institutuak euskerea eta euskal kulturea nazinoartean sustatzeko 1,3 miloe euroko diru-laguntzinoa bideratuko dau aurten, aurrekontuaren % 48, hain zuzen be. Modu horretan, euskal sortzaileen ekimen eta beharrei erantzungo deutse institutuak.