'Geure Urdaibai' argazkiak irabazi dau Bizkaie! Argazki Lehiaketea 2012
2012-12-05 10:06Bizkaie!-ren 10. urteurreneko Argazki Lehiaketan, danetara, 35 argazki jaso doguz, Bizkaiko itsasbazterrak, kostako herrietako bitxikeriak, hondartzak, hatxak, itsaslabarrak, itsasargiak eta holakoak ardatz hartuta. Irabazleak eta ganerako argazki guztiak Bizkaie! agerkariaren Jo begiz atalean dagoz argitaratuta.
Gorane Urresti Sistiagak bialdutako Geure Urdaibai argazkiak irabazi dau Bizkaie! Argazki Lehiaketea 2012. Jokin Aspuru, GetxoPhotoko zuzendariak eta Zigor Aldama Bizkaie!-ko kolaboratzaileak osotutako epaimahaiaren erabagia izan da hori. Bigarren saria Laino baltzak argazkiak jaso dau, Hibai Agorriak bialdutakoa; eta hirugarrena, barriz, Iñaki Leibar-en Uretan murgiltzeko prest argazkiak irabazi dau.
Gorane Urresti Sistiaga irabazleak bi lagunentzako dastaketa menua irabazi dau Zornotzako Jauregibarria Jatetxean eta bigarren eta hirugarren sailkatuek, barriz, Bizkaie!-ren 10. urteurreneko kamiseta bana jasoko dabe.
Bizkaie!-ren 10. urteurreneko Argazki Lehiaketan, danetara, 35 argazki jaso doguz, Bizkaiko itsasbazterrak, kostako herrietako bitxikeriak, hondartzak, hatxak, itsaslabarrak, itsasargiak eta holakoak ardatz hartuta. Irabazleak eta ganerako argazki guztiak Bizkaie! agerkariaren Jo begiz atalean dagoz argitaratuta.
Azken buruan, Bizkaie!-k eskerrak emon gura deutsez parte-hartzaile guztiei argazki galeria polita osotu dogulako eta, era berean, oraingoan argazkirik bialdu ez dabenei be keinu egiten deutsegu aurrerantzean gure ekimenetan parte hartu deien.
Ikusi argazki guztiak handiago
Erantzun
Erantzuteko, izena emanda egon behar duzu. Sartu komunitatera!