Anai Arrebak boskoteak lehenengo disko luzea kaleratu dau

| Ikusi handiago | Argazki originala

Anai Arrebak taldeak euren izen bereko lehenengo disko luzea argitaratu barri dau. Aurreko EPa baino jantzagarriagoa dala dino boskoteak. Durangoko Azokan zuzenean aurkeztuko dabe, Ahotsenean, abenduaren 9an.

Igaz, zemendian, bost abestiko EPa kaleratu eben. Ha nahikoa ez, eta bederatzi kantako Anai Arrebak diskoa aurkeztu dabe orain. Jantzarako abestiak dira danak, tekladu, gitarra, bateria eta ordenagailuagaz osotutakoak. Orain urtebete kaleratutako bide bera segidu dabe bigarrenean be.

Urtebetean hainbat sari jaso ditu boskoteak; EHrZ eta Arabatakada lehiaketen irabazleak izan dira, eta Euskadi Gaztea maketa-lehiaketan, finalistak. Neba-arreba bikote bik eta bateriak osotzen dabe Pasai Donibaneko boskotea.

Abenduaren 9an Durangoko Azokan joko dabe, 15:30ean, Ahotsenean. Lehenago, hilaren 8an, Hazparneko Ttattola gaztetxean izango dira.