Aktualitatea

Gipuzkoa Encounterreko sarrerak minutu eta erdian amaitu dira

Minutu bat eta hogeita zazpi segunduan bete dira apirilaren 4tik 6ra bitartean Tolosako Usabal kiroldegian egingo dan 8. Gipuzkoa Encounter informatikarien topaketako lekuak. Danetara, 450 jesarleku dagoz. Arte digitala, programazinoa, bideo jokoak, software librea eta hardware arloetako ekimen ugari eskainiko ditue.

Donostiako 49. Heineken Jazzaldiak badauka kartela

Asier Nazabal eta Carolina Ruizek irabazi dabe Donostiako 49. Heineken Jazzaldiko Kartel Lehiaketea. Ciudad pianista izenburua dauka kartel irabazleak, eta egileek 1.200 euroko saria jasoko dabe. Jazzaldia garagarrilaren 23tik 27ra egingo da.

Bidebarrieta Kulturguneak Poesiaren Nazinoarteko Eguna ospatuko dau gaur Juan Gelmanen omenezko ekitaldi bategaz

Bilboko Bidebarrieta Kulturguneak Poesiaren Nazinoarteko Eguna ospatuko dau gaur, barikua, hilak 21, 2007ko Cervantes Saria eskuratu eta joan dan mendeko literaturearen erreferentziatzat joten dan Juan Gelman idazle hil barriaren omenezko ekitaldi bategaz.

Hemen da Bilboko Errekaldeko II. Umorezko Antzerki Erakustaldia

Errekaldeko II. Umorezko Antzerki Erakustaldia Hermanos Bolinga bertoko antzerki taldearen eskutik eta Puestos en libertad obreagaz hasiko da bihar martiak 21, alderdirik basatienean biziten ohituta dagozan bi personaien pasadizoak kontetan dituana.

Sabino Arana Fundazinoak eta Euskaltzaindiak lankidetza-hitzarmena sinatu dabe

Akordioaren helburua euskerea sustatu, normalizau eta egoki erabiltea da, eta bost urteko iraunaldia izango dau. Bilbon sinatu dabe hitzarmena, Euskaltzaindiaren egoitzan, Juan Mari Atutxak Sabino Arana Fundazinoko presidenteak eta Andres Urrutia euskaltzainburuak.

Durangaldeko II. Maketa Lehiaketea aurrera doa

Martiaren 21ean, barriz, Bagauda, The Mockers eta Tigh Leash taldeen txandea izango da. Azken kontzertua, apirilaren 4an izango da eta Ekilibristak, Hozten eta Orion Child agertuko dira taula gainean. Kontzertu danak Zelaieta kontzertu gelan izango dira, gaueko 23:00etan.

Omako basoa lehengoratzen dabilz Bizkaiko Foru Aldundia eta EHU

Zugatzak eta euren kokalekua erroldatu eta katalogau ostean, Agustin Ibarrola artisteak 1982 eta 1985. urteen artean Omako basoan egindako pinturak lehengoratzeko jardunean dabilz Bizkaiko Foru Aldundia eta Euskal Herriko Unibersidadea. Egilea bera eta Miren Josune Ariztondo Kultura diputadua izan dira Kortezubin.

Intxortako burruken berregitean parte hartzeko aukerea dago oraindino

Apirilaren 27an, domekan, Intxortako Atearen aurrean izango da aurten eta egitarau mardula antolatzen dabilz Elgetako Udala eta Intxorta 1937 Kultura Alkartea. Aurten 120 lagunek hartuko dabe parte antzezpenean eta oraindino badago lekua parte hartu gura dauenarentzako.

Lea-Artibai BBK Sariketako finalista

Durangaldearen kontra finalaurrekoa jokatu ostean sailkatu da Lea-Artibai Bilbon martiaren 28an jokatuko dan finalerako; beste finalistea martiaren 25ean, datorren martitzenean erabagiko da Igorren.

Bilboko Fant, XX. Zinema Fantastikoko jaialdian 576 film izango dira aurten

Fant, Bilboko XX. Zinema Fantastikoko jaialdiak filmak aurkezteko epea zarratu dau. Danetara, 37 herrialdetako 576 film jaso ditue, igaz baino 92 film gehiago. Datorren maiatzaren 9an abian jarriko dan jaialdiak nazinoarteko epaimahaia be aukeratu dau dagoeneko: Matthew Robbins gidoigile, zuzendari eta produktorea, Carlos Areces antzezlea, eta Andrea G. Bermejo kritikaria.

The Prodigy izango da Bilbao BBK Live 2014ko hirugarren kartelburua

The Black Keys eta Franz Ferdinandegaz batera, The Prodigy talde britainiarra Bilbao BBK Live 2014ko kartelburua izango da, Last Tour International enpresa antolatzaileak jakinarazo daunez. Jaialdia garagarrilaren 10, 11 eta 12an egingo da, Bilboko Kobetamendin.

Bilboren historia modu atseginean kontau dau Pedro Ugartek liburu baten

Historia de Bilbao liburuan (Txertoa argitaletxea), uriaren 714 urteko garapena modu panoramikoan azaltzen da. Izan be, Pedro Ugarte, historialaria baino, idazlea da eta ikutu literarioa emon deutso lanari. Ez da liburu lehorra, irakurteko erraza da, nabarmendu dau autorearen lagun Gonzalo Garridok, Bilbon bertan egindako aurkezpenean.

Tiago Rodrigues zuzendariak hasiko dau 'Antzerkiaren zero gradua' mintegi zikloa martiaren 20an

Arte Biziak izeneko programearen barruan, Antzerkiaren zero gradua. Historia eszenatik berridaztea zikloa zuzenduko dau Pablo Fidalgok Bilboko Alondigan, martiaren 20tik apirilaren 12ra. Eszena-arteen arloko profesional eta ikasleei zuzenduta dago mintegia.

Euskereagazko maitasuna neurtzeko test bat jarri dau Bermeoko Udalak bere webgunean

Bermeoko Udalak Benetan maite nauzu? testa jarri dau bere webgunean, bermeotarrek eta nahi dabenek euskerea zenbat maite daben ezagutzeko. Euskereagazko fidela bazara eta benetan maite badozu jakin nahi izan ezkero, webgunean sartuta modu errazean egin zeinke, adierazo dabe Bermeoko Udaleko ordezkariek.

Andra Marixe Martiko, euzkixe dabil tatiko; handik aurrera betiko

Euskaltzaindiaren Zuzendaritzako ordezkarien agerraldia Eusko Legebiltzarrean

Eusko Legebiltzarraren Kultura, Euskera, Gazteria eta Kirol batzordearen aurrean agerraldia izan eben bart Euskaltzaindiaren Zuzendaritzako ordezkariek. Guztien izenean, Andres Urrutia euskaltzainburuak hartu eban berbea eta, besteak beste, Euskaltzaindiaren sorrerea, izaerea eta zereginak azaldu zituan. Laster ehun urte beteko dituan erakunde honen erronka eta helburu nagusiak be aitatu zituan.