Aktualitatea

Espaloian, Itoiz talde mitikoaren ondareari eutsi guran

Espaloian proiektua Itoiz taldearen bost jarraitzailek sortutako idea da. Eta helburua da Itoiz taldearen musikeak zuzenean eukan freskotasuna, edertasuna eta indarra jenteari erakustea. Euskaldun guztiona dan Itoiz taldearen musika ondarea ezagutarazo nahi dau Espaloian taldeak

Euskal ikasketen irakaslea hautatzeko deialdia zabalik dago Liverpooleko Unibersidadean

Liverpooleko Unibersidadeko Historia, Hizkuntza eta Kultura sailak euskal ikasketen ardurea hartuko dauen behin betiko lanpostu bat sortu dau, eta izena emoteko epea apirilaren 4ra arte izango da zabalik, Etxepare Euskal Institutuak jakinarazo dauenez.

Martxan da Irlandan Rith 2014 gaelikoaren aldeko lasterketea

Rith 2014 gaelikoaren aldeko lasterketearen hirugarren edizinoa joandako barikuan hasi zan Baile Bhuirneten (Ballyvourney, Cork), eta 1.000 kilometro baino gehiago egin ondoren, Belfasten amaituko da martiaren 15ean.

Euskerearen transmisinoa eta Athleticen baloreak aplikazino baten batu ditue

Umeak eta familiak gogoan hartuta sortu dabe Lehoiak ametsetan: Bixentaren abentura zurigorriak aplikazinoa. Kirmen Uribe idazlearen testuen eta Asisko Urmeneta artistearen marrazkien bidez, San Mamesen bizi dan Bixenta satorra ezagutuko dogu smartphone eta tabletetarako aplikazino horretan, baita Athleticen historiako jazoerak eta pasadizoak be. Euskera hutsean dagoz ipuinak eta, holan, hizkuntzearen transmisinoan sakondu nahi da.

'Blogetan! blog izarren bila' lehiaketako sariak banatu ditue

Blogetan! Euskal blogarien topaketea egin eben atzo Bilbon, Euskerearen Etxean. Azkue Fundazinoa izan da jardunaldiare antolatzailea, Argia aldizkariaren laguntzinoagaz. Blogetan! blog izarren bila lehiaketako sari-banaketa ekitaldia be atzo izan zan.

Cristobal Balenciaga Museoa eta Madrilgo Jantziaren Museoa, alkarlanean

Cristobal Balenciagaren jantziak alkarbanatuko dituela jakinarazo dabe jostunaren Getariako museoak eta Madrilen dagoan Jantziaren Museoak. Hain zuzen be, jantziek historian izandako bilakaereari buruzko museoak Cristobal Balenciaga Museoaren inaugurazino erakusketan izan ziran 20 pieza hartuko ditu, eta Getariako museoak, barriz, Jantziaren Museoak dituen Balenciagaren funtsen berrazterketea egingo dau.

Martiaren 11n zabalduko da bertso-udalekuetan izena emoteko epea

Garagarrilean eta abuztuan zehar 5 txanda eskainiko dira 9 urtetik hasi eta 18 urtera artekoentzat, Euskal Herriko 5 lurraldetan: Baigorri, Orio, Arrazola, Irañeta eta Zuhatzan.

Emakume zinema-zuzendariak zikloa Artium Museoan

Emakume zinema-zuzendariak zikloa martiaren 6an hasiko da, Susanne Bier zinemagilearen En un mundo mejor pelikuleagaz, 2010ean ingelesezkoa ez zan pelikula onenaren Oscarra eta Urrezko Globoa irabazi zituana eta Europako zuzendari onenaren saria. Filmak borondatezko mediku baten eta honen familiaren bidez gatazka-egoeretako mendekuaren eta barkamenaren arteko dilema morala planteetan dau.

Frankensteinek XX. Fant karteletik jagongo ditu bilbotarrak

Bilboko Udaleko Kultura eta Hezkuntza Sailak antolatutako Fant Zinemaldi Fantastikoaren XX. edizinoa, datorren maiatzaren 9tik 16ra, iragarriko dauen kartelgile Koldo Serrak bildurraren irudi unibersala berreskuratzearen hautua egin dau, eta bere forma klasikoenean gainera, James Whalek irudikatutakoa eta Boris Karloffek personifikau ebana.

Aurten be Bartzelonan jokatuko da Euskadi-Basque Country Banderea

Bartzelonan jokatuko da aurten be San Miguel Traineruen Ligea abiatuko dauen Euskadi-Basque Country Banderea, bagilaren 29an. Igaz estropadea Mediterraneoko uretan jokatzeak izan eban arrakastea ikusita, traineruak barriro bueltauko dira bertara, Eusko Jaurlaritzako ordezkariek jakinarazo dabenez.

Miguel Unamunoren jaiotzearen 150. urteurrena ospatuko da Bilbon

Bilboko Udalak bat egingo dau Miguel Unamuno (Bilbo, 1864ko irailak 2 — Salamanca, 1936ko abenduak 31) jaio zaneko 150. urtemugeagaz, eta ekitaldi programa zabala antolatu dau urte osoan, pentsalari bilbotar ospetsuaren bizitzaren eta produkzino literario zein intelektualaren hainbat alderdi jorratzeko.

Timoteo Atutxa bekeak badauka onuraduna

Euren orain arteko ikerketen kalidadeagaitik, eta egin daben proposamen erakargarriagaitik, Oiane Valero eta Jose Mari Uriarte historialari bizkaitarrak izango dira Timoteo bekearen onuradunak.

Bermeoko XX. Arrain Azokea maiatzaren 16, 17 eta 18an izango da

Bermeoko Arrain Azokea maiatzaren 16, 17 eta 18an izango da, eta aurten, XX. edizinoa beteko dau. Arrain Azokea euskal produktu eta kulturearen erakusleiho aparta dala adierazo dau Bermeoko Udalak, eta haren alde egiten dauen apustua berretsi dau.

Agur euri, ondo etorri eguzki