Liburuaren Nazinoarteko Eguna da gaur
2008-04-23 14:40 kulturbiz
Egun honen harira, hainbat ekitaldi antolatu ditue Bizkaiko hainbat herritan eta baita uriburuan be. Bilboko Berastegi kalean, berbarako, karpa bat dago jarrita eta, bertan, azken nobedadeak ikusi eta erosi ahal izango dira. Ganera, autore batzuk be bertara hurreratuko dira, aleak sinatzeko helburuagaz.
Deustuko Zubia eguaztenetik eguenerako gauean zabalduko dabe barritze lanak preparetako
2008-04-23 14:03
Deustuko Zubia eguaztenetik eguenera bitarteko gauean zabalduko da, gauerditik goizaldeko 5:30ak arte, hain zuzen be. Bilboko Udaleko Obra eta Zerbitzuen Saila zubiaren azterketa sakona egiten ari da, batez be zati mobikorrarena, oso berezia dalako, zubiaren barritze integralari ekiteko beharrezkoak diran lanak zeintzuk diran zehaztuko dauen proiektu bat idazteko asmoz.
Euskaltzaindiak Nafarroako Gobernuaren Hezkuntza Departamentuko ordezkariak hartu ditu
2008-04-23 14:02 Euskerea berbagai
Euskaltzaindiak Nafarroako Gobernuaren Hezkuntza Departamentuko ordezkariak hartu ditu bart, Akademiaren egoitzan. Batzarrean, bi erakundeotako ordezkariak izan dira, eta euren arteko lankidetzeari jagokozan hainbat jarduera aztertu ditue.
Nazinoarteko Kultura eta Bakearen XVIII. Jardunaldiak Gernikan
2008-04-23 12:54 jardunaldiakGernika Gogoratuz alkarteak Nazinoarteko Kultura eta Bakearen XVIII. Jardunaldiak egingo ditu gaurtik zapatura bitartean, 'Kosmopolitismoa eta bertako bakearen eraikuntzea' goiburuagaz. Bakea eregiteko gaitasuna nabarmentzen daben komunidade-esperientzien ganean berba egiteko konbita egin dau alkarteak.
Kalte bizkaitarrak melodia berreskuratu guran datoz
2008-04-23 12:49 Musikea
Kalte orain dala zortzi urte sortu zan Usansolon. Gero, 2002an, 'Tortura' izeneko maketea kaleratu eben. Ordutik hona, taldekideen esanetan, bidea ez da erraza izan, 'aldaketak egon dira formazinoan eta estiloan'. Horretan oinarrituta dago Bilbon aurkeztu barri daben diskoaren izenburua: 'Larrosarik gabeko bidea'.
Euskal-saharar arkeologo talde batek 300dik gora aztarnategi topau ditu Mendebaldeko Saharan
2008-04-22 15:59Euskal arkeologoek egindako aurkikuntzen artean balore handiko 300dik gora aztarnategi dagoz, VI. eta V. milurteko hilobiak, batzuk 20 metrokoak, eta granitozko lurrean egindako grabatuak, non antilopeak, hipopotamoak, elefanteak eta jirafak irudikatzen diran.
'Irakurri, Gozatu eta Oparitu' kanpainea barriro be martxan
2008-04-22 15:36 Euskerea berbagai
Topagunea Euskera Elkarteen Federazinoak 'Irakurri, Gozatu eta Oparitu' egitasmoaren bigarren edizinoa aurkeztu dau Bilbon. Egitasmoa irakurketea sustatzeko asmoz sortu da eta Hego Euskal Herriko 17 herritan gauzatuko da, lekuan lekuko euskera alkarteen, udal liburutegien eta liburu denden alkarlanari esker.
Bartzelonako Euskal Etxeak Literaldia'08 antolatu dau
2008-04-22 12:10 jardunaldiak
Apirilaren 23an hasi eta maiatzaren 23ra bitartean, errezitaldiek, irakurketek, musika emonaldiek, lehiaketek eta abarrek publiko katalana euskal literaturara hurreratuko dabe.
Bruselako Arrain Azokan izango dira sektoreko 14 euskal enpresa
2008-04-22 11:43 Euskaldunak munduan
European Seafood Exposition Azokearen XV. edizioa egingo da Bruselako Exhibition Center-en gaurtik (apirilak 22) eguenera (apirilak 24) bitartean. Han izango dira arrainaren eta produktu eratorrien sektoreko 14 euskal enpresa, Eusko Jaurlaritzako Nekazaritza, Arrantza eta Elikadura Sailaren babesagaz.
Basque Research webguneak VI. Tesi Saria jarriko dau martxan maiatzaren 1ean
2008-04-21 15:28
Helburua ikertzaile gazteek egiten dituen lanak gizarteratzea eta saritzea da. Parte-hartzaileek 2007an aurkeztu eta gainditutako zientzia edota teknologiako doktore-tesiaren laburpen bat bialdu beharko dabe.
Manolo Garciak maiatzaren 13an kaleratuko dau disko barria
2008-04-21 14:11 Musikea'Saldremos a la lluvia'. Hori da, hiru urteko isiltasunaren ostean, Manolo Garciak kaleratuko dauen disko barriaren izenburua. Kultura desbardinetako erritmo eta doinuak batzen dituan disko honen grabazinorako, Figueresen (Girona) eta Grezian, Kreta ugartean izan da abeslari, musikari eta margolaria.
Unai Basurkok eta Eunate Agirrek jaso dabe 2007ko Kirolari Onenaren Euskadi Saria
2008-04-21 11:12
Itsas-gizonak eta bodyboarderrak apirilaren 22an jasoko dabe saria Lehendakaritzearen Gasteizko egoitzan, 19:30ean. Euskadi Kirol Sarien helburu nagusia kirol arlo zabalean kalidadea eta eredugarritasuna bultzatzea da.
Artium Fundazinoak arte garaikideen inguruko sorkuntza eta ikerketarako beken deialdia zabaldu dau
2008-04-18 16:27Bekea artista, ikasle, ikertzaile, komisario eta artearen kudeatzaileei zuzenduta dago, 44.000 euroko ordainsariagaz. Sei hilabeteko iraupena izango dau.
Pakea Bizkaia barria prest honezkero
2008-04-18 12:51 Euskaldunak munduan
Aurtengo erronka garrantzitsuei aurre egin aurretik, Unai Basurkoren lantaldeak Pakea Bizkaia belaontzia goitik behera desarmau edo desmuntau ostean, gaur, apirilak 18, Bizkaia Pakea barria aurkeztuko dabe Getxon Jose Luis Bilbao Bizkaiko Diputadu Nagusia eta bestelako agintari eta kultura arloko ordezkariak bertan dirala.
Getxok 33 kilometro bidegorri izango ditu 2011. urtean
2008-04-18 11:32
'Bizikletearen erabilera praktikoa eta egunerokoa ahalbidetuko da ganerako garraiobideen benetako alternatiba moduan, Europan dagoeneko bizi-bizi dagoan bizikletearen kultureagaz bat egitea dauelarik jomuga’, Imanol Landa alkateak esan dauenez.
Fitoren 'Soy todo lo que me pasa' autobiografia-liburua argitaratu dabe
2008-04-18 11:09 MusikeaFito Cabrales musikari bilbotarraren Soy todo lo que me pasa (Now Books) autobiografiako lehen lerroetan 'Fito naz. Txikia naz' esaldia irakur daiteke. Fito & Fitipaldis taldeko buruak bere bizitzako oroitzapenak kontau ditu lan horretan.
Uribe eta Atxaga Europako poesiaren inglesezko antologia batean
2008-04-17 19:29 KultureaLiburuak XX. mendearen azken hamarkadan eta XXI.aren hasieran argitaratu daben Europa osoko 270 idazleren poemak batzen ditu.
Egipto Bilbon
2008-04-17 18:45 Kulturea
Bilboko Artelan Berreginen Museoak 'Egipto. Misterioa eta Historia' izenburuko erakusketa jarriko dau ikusgai maiatzaren 15era arte. Horus Tailerraren eskutik landutako erakusketa honek historiako zibilizazinorik aspaldikoen eta enigmatikoenetako baten arkeologia aurkikuntza nagusiak bertatik bertara ezagutzeko aukera eskainiko dau.
Gipuzkoako IV. Bertso Eskolen Eguna Usurbilen
2008-04-17 15:53 Bertsolaritzea
Gipuzkoako bertsolari neska-mutilen hartu-emonak zaintzea eta sustatzea da ekimenaren helburu nagusietako bat Unai Muñoa, Gipuzkoako Bertsozale Elkarteko Transmisino Saileko kideak azaldu dauenez.
Samar: erritmoetan oinarritutako musikea
2008-04-17 15:39 Musikea
Orain dala bost urte sortutako taldea da Samar eta 'Ramas' izeneko lehenengo diskoa kaleratu barri dabe. Oinarrian australiar aborigenen didjeridoo musika-tresna berezia hartuta eta beste hainbat musika-tresna bereziren soinuak nahastauta, inprobisazinoaren eta ondo landutako soinuen erdibideko lanak batu ditue.
Aurreko artikuluarekiko interesatuta nau euskal aditza trinkoak liburu hau erosteko. Erraidazuek mesedez prezio ta zenbat orrialde kopuruak dabez
»» Aditz trinkoa batuan, bizkaieraz eta ...