Bizkaie!

BFAk euskerearen sustapenerako laguntzinoen ebazpena jakinarazo dau

Euskerearen eta gaztelaniaren arteko aukera bardintasunik barik benetako elebitasunik ez dagoala oinarritzat hartuta, Bizkaiko Foru Aldundiak aurtengo dirulaguntzinoen ebazpenak azaldu ditu gaur Bilbon egindako prentsaurrekoan. Bertan izan dira Josune Ariztondo Kultura Diputadua eta Miren Dobaran Euskerea Sustatzeko Zuzendaria.

Kulturgileek ‘euskaraz bai’ abestu dabe

Xabier Mendigurenek ‘Euskaraz bai adierazpena’-ren esanahia azaldu dau: ‘Danok egiten dogu euskerearen normalizazinoan lan, idatziz, hitzez, musikaz edo ekintzez. Euskerea Euskal Herriko berezko hizkuntzea dogu eta etorkizuna behar dauelako hartzen dogu geure aldarrikapen legez’.

Herri Arduralaritzaren Euskal Erakundea, 25. urteurrena ospatzen

HAEEren proiektuaren oinarria 1983an jarri zan abian. Orduan, bederatzi lagun hasi ziran lanean, eta aurrekontua 27,2 miloe pezetakoa zan. Oñatiko Unibersidadearen eraikinean emon ziran lehen pausuak. Gaur egun, IVAPek EAEko hiru uriburuetan ditu egoitzak, aurrekontua 23,6 miloe eurokoa da eta 96 lagun dagoz lanean plantillan.

EHAGMek hainbat ekitaldi antolatu ditu, Gay eta Lesbianen Nazinoarteko Askapen Eguna ospatzeko

Urtero legez, bagilaren 28an, Gay eta Lesbianen Nazinoarteko Askapen Eguna ospatuko da ohiko manifestazino eta jaiagaz, eta hilebete osoan zehar hainbat ekitaldi antolatu ditu Bilbon Euskal Herriko Gay Askapen Mobimentuak (EHGAM).

Benito Lertxundik irabazi dau VIII. Manuel Irujo Saria

Irujo Etxea Elkarteak, euskera eta euskal kulturearen alde eginiko lana kontuan hartuz, Benito Lertxundiri eskaini deutso aurtengo Manuel Irujo Saria.

Oskorrik dokumentu ezezagun bat topau dau Bilboko Rastroan

Oskorrik oraintsu erosi dau Bilboko rastroan 1750. urte inguruko euskal kantu argitaratu bako bat, 10 koplakin eta partitura eta guzti.

Ikastaro bat antolatu dabe Shanghain euskal enpresek Txinan dituen aukerak sustatzeko

Ikastaro hau CEIBSek eta Euskadik (Eusko Jaurlaritzeak SPRI eta Orkestraren bidez) Lehiakortasunaren Euskal Katedra abian jarteko sinatutako hitzarmenaren barruan kokatzen da.

Jingo de Lunch izango da Bermeoko Aritzatxu Rock Free!!! 08 jaialdiko izen nagusia

Bermeoko Aritzatxu Rock Free!!! Jaialdia garagarrilaren 19an izango da aurten. Pergolan jarritako karpan, arratsaldeko 19:00etatik aurrera, hardcore, punk rock, elektronika, raw power, pop rock, new wave, stoner, eta amaitzeko, rocksteady eta roots reggae saioak izango dira.

Eusko Jaurlaritzeak abesti bat sortu dau euskerea sustatzeko ‘Pixka bat es mucho’ kanpainearen barruan

Kanpainearen helburua euskerearen erabilerea eta normalizazinoa sustatzea da, Hizkuntza Politikarako Sailburuordetzeak iragarri dauenez.

Pakea Bizkaia Gipuzkoara hurreratuko da astegoienean

Unai Basurko Portugaleteko nabigatzailea datorren zapatuan, bagilak 7, Getariako portura hurreratuko da, Unai bela-gizon moduan praktiketan hasi zan portura, hain zuzen be. Andoni Aristi Getariako alkate jn.ak Getariako Kirol Portuan agurtuko dau bizkaitarra eta berehala Pakea Bizkaia Donostiarantz abiatuko da.

Oteiza eta Uribe omendu ditu Bilboko Liburu Azokeak

Bilboko Liburu Azokan, Arenaleko karpan, Jorge Oteiza jaiotzearen mendeurrenaren harian, artistearen izen bera daroan museoko kideak omendu ditue. Ekitaldi berean, Kirmen Uribe idazleak Kritika Saria jaso dau.

Mel Ferrer aktorea eta zuzendaria hil da

Mel Ferrer (1917-2008), aktore eta zuzendari estadubatuarra astelehenean hil zan Santa Barbarako (Kalifornia) bere etxean. Audrey Hepburnen (1954-1968) lehen senarra izandakoak 90 urte zituan.

Erraldoien II. Eguna ospatuko da zapatuan Getxon

Bizkaiko bost erraldoi-konpartsa eta Bizkaiko Gaiteroak alkarteko beste horrenbeste gaitero-talde jardungo izango dira zapatu honetan, bagilak 7, Getxon. Bizkaiko II. Erraldoien Eguna Bizkaiko Gaiteroek eta Ondalan eta Getxoko Erraldoien Konpartsek antolatuta dago, Getxoko Kultur Etxearen laguntzinoagaz.

Body, Mind & Soul musika talde afrikarra gure artean

Body Mind & Soul zuzenean:

- Bagilaren 5ean, Oñatiko Gaztelekuan, arratsaldeko 20:00retan.
- Bagilaren 7an, Zarautzeko Munoa plazan, arratsaldeko 20:30retan.
- Bagilaren 12an, Zornotzako Zelaieta zentroan, 20:00retan. - Bagilaren13an, Eibarreko Coliseo Antzokian, 20:30etan.

Gregorio Arrienek jaso dau Bilboko Liburu Azokako Urrezko Idazlumea

Historialari bizkaitarrak saria jaso dauen ekitaldi berean Henrike Knörr omendu dabe. Eneko Knörrek, euskaltzain zanaren semeak, Ramon Zumalaberen margolan bat jaso eban Andres Urrutia euskaltzainburuaren eskutik.

Euskerearen eta euskal kulturearen ganeko ikastaroek jarraipena izango dabe Helsinkiko Unibersidadean

Euskerearen eta euskal kulturearen ikastaro honeek Amerika eta Europako beste hainbat unibersidadetan Eusko Jaurlaritzearen Kultura Sailak bultzaturik eskaintzen dira, eta sortzear dan Etxepare Euskal Institutuaren garapenaren bidetik doaz.