60ko hamarkadako euskal kantak batu ditu Elkarrek 'Euskal Herriko Lur Maitea' diskoan
2010-10-13 11:53 Musikea
Euskal Herriko Lur Maitea, 1960 hamarraldiaren amaieratik 1980ko hamarraldiaren hasierara bitartean argitaratutako hainbat erregistro musikalen laburpena aurkeztuko dau Elkar diskoetxeak eguen honetan, urriak 14, Donostian. Ondoren, arratsaldean, Bilbon, zuzeneko emonaldia eskainiko dabe Txomin Artolak, Niko Etxartek eta Gontzal Mendibilek.
Oihana Bartra beste guztien ganetik
2010-10-11 12:08 Bertsolaritzea
XIX. Bizkaiko Bertsolari Txapelketako lehenengo kanporaketan Oihana Bartra bilbotarrak jaso eban punturik gehien, bigarren sailkatu Xabier Enbeitari 42 puntu atarata eta saio bikaina eginaz.
'Ahotsa, hitzak, hizkuntzak' liburua aurkeztu dau Euskaltzaindiak
2010-10-08 15:42 Kulturea
Hamar idazleren olerkiak batzen dira liburuan: batetik, euskeraz idazten daben bost egilerenak (Juan Mari Lekuona, Bitoriano Gandiaga, Gabriel Aresti, Xabier Lete eta Bernardo Atxaga), eta bestetik, gaztelaniaz idazten daben beste bost poetenak: Angela Figuera, Blas de Otero, Javier de Bengoechea, Jorge González Aranguren eta Blanca Sarasua.
BAD Bilboko Antzerki eta Dantza Garaikidearen XII. Jaialdiak badauka kartela
2010-10-08 15:19 kulturbiz
Lozorroan dagoan eta arteagaz hartu-emonak izatean esnatzen dan ikus-entzuleen sena irudikatu nahi dauen irudi probokatzaile batek iragarriko dau XII. BAD Bilboko Antzerki eta Dantza Garaikidearen Jaialdia.
Andoni Egaña izango da Hitzetik Hortzera saioaren denporaldi barriko lehenengo protagonistea
2010-10-08 12:54 Bertsolaritzea
Barrituta azalduko da domekan Hitzetik Hortzera. Domekaro emongo dabe aurrerantzean bertsolaritzeari eskainitako saioa 21:00etatik 22:00etara, ETB1en. Jon Artano Izetak aurkeztuko dau saioa eta astero konbidau bat izango dau alboan.
Bizardunak talde nafarra bigarren diskoa grabetan hasiko da urriaren 10ean
2010-10-08 12:54 Musikea
CD honetako aurrerapen moduan, Bizardunak taldekoek oparitxu bat itxi euskuen zuzenean grabautako abesti honegaz: Ardo gorri naparra, musutruk deskargau zeinkiena (Aurtengo Gorakada 2.0 produkzino digitaletik atarata).
'Guk' Argentinako euskaldunei buruzko dokumentalaren trailer berria sarean
2010-10-08 12:17 Euskaldunak munduan
Guk izenburupean, Nuria Vilalta bilbotarra da dokumentalaren egilea eta Rio de la Platako bi aldeetan bizi diran euskal herritarren eta euren ondorengoen gorabeherak (zergaitik itxi eben sorterria, esate baterako) eta kulturea ezagutzera emoten dau.
Literaturako Nobel saria Mario Vargas Llosa perutar-espainiar idazlearentzat
2010-10-08 11:33 Kulturea
Vargas Llosa jn.ak esan dauenez, 'espainiar hizkuntzearentzat eta Latinoamerikako literaturearentzat autorpena be bada Nobel sari hau. Idazle moduan egiten dodan lanari ez eze, nire testuetan erabilten dodan hizkuntzeari autorpena be bada, energia handia dauen hizkuntza moderno eta sortzaile bati autorpena'.
'Boga' lelopean ospatuko da datorren urteko Ibilaldia Ondarroan
2010-10-07 15:48 Euskerea berbagai
Ondarroan, 2011ko maitzaren 29an ospatuko dan Ibilaldiaren 33. edizinoa aurkeztu dabe gaur. Ondarroako Zubi Zahar eta Lekeitioko R. M. Azkue Ikastolek antolatuko dabe, alkarlanean.
'Urrezko Aroa: Städel Museum-en Holandako eta Flandeseko pintura' erakusketea gaurtik aurrera ikusgai Bilbon
2010-10-07 15:18 Kulturea
Bilboko Guggenheim Museoan, 2010eko urriaren 7tik 2011ko urtarrilaren 23ra ikusgai egongo dan erakusketan Urrezko Aroko Holandako eta Flandeseko artelanen Europako bilduma garrantzitsuenetakoaren maisulan bikainak ikusi ahal izango doguz, Frankfurteko Städel Museum-etik etorri eta aukeratutako 130 maisulan bikain.
'Bilbo, Hiriak eta idazleak' lemapean, Gutun Zuria Literatura Jaialdia urriaren 7tik 10era
2010-10-07 11:24 Kulturea
Autoreakaz berba egin gura dogu uriakaz, auzuneakaz eta berauen bizitzan eta lanetan eragina izan daben etxeakazko erlazioa ezagutzeko. Alhóndiga eraikinaren inaugurazinoaren urtean bertan, edizino honek Bilbori, Gutun Zuria bizi dan uriari, gorazarre egin nahi deutso.
Hamaika ikuskizun izango dira ikusgai Getxoko Antzerki Jardunaldietan
2010-10-07 11:22 Kulturea
Urriaren 15etik 24ra
Getxoko 28. Antzerki Jardunaldiak egingo dira urriaren 15etik 24ra, eta herri bizkaitarra euskal antzerki-produkzinoaren erakustokia izango da. Aurten genero guztien eta publiko guztietarako 11 antzezlan eskainiko ditue beste horrenbeste euskal taldek. Ohikoa danez, ekitaldiaren helburu nagusia urtez urte euskal antzerki-konpainiek egiten daben ahalegina eta lana erakustea da.
Monkey Week, Euskadiko Soinuak-entzat indie aukerea
2010-10-07 02:00 Musikea
Euskadiko Soinuak-ek urriaren 8tik 12ra egingo dan Monkey Week, musika topaketa profesionalaren bigarren edizinoan hartuko dau parte eta Mursego eta Elkano Browning Cream aurkeztuko ditu zuzenean. Audience eta Ainara LeGardonen kontzertuak be egongo dira, besteak beste.
'Irakurriz Gozatu' egitasmoak laugarren urtez euskeraz irakurtearen plazerra sustatuko dau
2010-10-06 17:53 kulturbiz
Getxoko Udalaren Gazteria Zerbitzuak alkarren segidako laugarren urtez hartuko dau parte Gaztezulo (www.gaztezulo.com) aldizkariaren 'Irakurriz Gozatu' egitasmoan. Helburua, euskeraz idatzitako produktuen kontsumoa eta, oro har, irakurtearen plazerra sustatzea da.
Egunotan dabiz Bizkaiko Txakolina egiteko mahatsa batzen
2010-10-06 15:53 Jan edanak
Mahatsa batzeko sasoia ailegau da Bizkaian, eta asteburu honetan batuko da Bizkaiko Txakolina egiteko mahats gehiena. Pasa dan astetik hona, Bizkaiko mahasti eta upategietan produktoreak bete-betean dabiz mahats-batzeagaz. Euren esanetan, aurtengo uztea laburra izango da hektarea bakotxeko produkzinoari begiratuta, baina kalidade aldetik oso ona.
'Lovin' Gaztea', 20 urte, 20 kantu, Gaztearen XX. urteurrenaren harian
2010-10-06 15:31 Musikea
Gazteen uniberso musikalaren eboluzinoaren gaurkotasunari jarraitu deutson Gaztea irratiaren 20. urteurrena da aurten eta zeozelan ospatzeko 20 kantuz osotutako 'Lovin' Gaztea' izenburuko diskoa plazaratu dabe, euskal musikearen azken hogei urteotako ibilbidea marraztuz.
'Nuntxaku Gauak' bueltauko dira eguen honetan, urriak 7
2010-10-06 12:44 Musikea
Nuntxaku Kultur Alkarteak Bermeon antolatzen dauen 'Nuntxaku Gauak' kontzertuen zikloaren zazpigarren denporaldia hasiko da eguen honetan, urriak 7, Quintron & Miss Pussycat bikote estadubatuarrak eskainiko dauen emonaldiagaz. Kontzertua arratsaldeko 20:30ean hasiko da, Eureka Hot IV talde bermeotarragaz, eta 5 euroan erosi ahal izango da sarrerea.
Futbola eta literaturea bat eginez
2010-10-06 12:21 jardunaldiak
Athletic Club Fundazinoak eta Bizkaiko Foru Liburutegiak mahai-inguruen eta berbaldien zikloa antolatu dabe 'Letrak eta Futbola' izenburupean. Saioak urrian egingo dira eta zenbait idazlek eta Athletic Club taldeko jokalarik futbolak letrakaz dauen lotureaz berba egingo dabe.
Musikea eta berbak buztartuz dator Bilbo Zaharra euskaltegiaren Foruma
2010-10-06 12:09 jardunaldiak
Egitasmoaren helburua da hizlaria eta musikaria alkartu eta hartu-emon horreetatik sortzen dan giro bereziaz gozetako aukerea eskaini. Batzuetan bikote artistikoa osotua dago aurrez, eta bien arteko konplizidadea badago. Beste batzuetan, ostera, bikotea probokatua da eta, holakoetan, ezusteko bikainak izan daitekez.
bizkaieraz
Erantzuna | Andoni Iturbe: 'Lurpean gure historiaren zati bat dago'