Tomas Tranströmer Nobel saridunaren lanak itzultzeko XXV. Jokin Zaitegi bekea abian da

| Ikusi handiago | Argazki originala

Arrasateko AED alkarteak eta Elkar argitaletxeak, Kutxa Fundazinoaren laguntzinoagaz, Jokin Zaitegi idazlea gogoratzeko eta harek literatura unibersala euskeratzen egindako ahaleginagaz segiduteko, XXV. Jokin Zaitegi Sariketa antolatu dabe. Aurtengo Literaturako Nobel saridunaren lana itzultzeko erabiliko da bekea.

2011n Suediako Akademiak Tomas Tranströmer idazle suediarrari emon deutso Literaturako Nobel Saria, eta Jokin Zaitegi Sariketa honen helburua Tranströmer-en poemen bildumea itzultzea da. Liburua itzultzeko gogoa eta gaitasuna daukan edonork parte hartu ahal dau lahiaketan. Horretarako, antolatzaileek proponidutak poemea euskeratu beharko dau, eta egindako lana AED alkartera bialdu: aed@aedelkartea.com. 2011ko abenduaren 31 baino lehen bialdu da behar da testua.

Itzuli beharreko poemea antolatzaileek ipiniko dabe partehartzaileen esku, bai jatorrizko bersinoan, eta honetan hizkuntzetan bere bai: ingelesa, frantsesa, gaztelania. Itzultzaileei eskatzen jake zein hizkuntzatatik egingo daben esatea. Testuak Internet dagoz, ondoko helbidea: www.elkarargitaletxea.com/jokinzaitegi

Luigi Anselmik, Santi Leonek eta Joseba Ossak osatutako epaimahaiak, jasotako itzulpenak aztertu eta horeetako bat izentauko dau irabazle, 2012ko urtarrilaren amaiera baino lehen.

Bekearen irabazleak suedierarik ez badaki, antolatzaileek suediera eta euskera dakien aholkulari bat ipiniko deutsie, laguntzeko. Irabazleak 5.000 euroko saria irabaziko dau Tranströmer-en poemak itzultzeko. Lan amaitua 2012ko urriaren 30a baino lehen entregau beharko dau Elkar argitaletxean.

Elkar etxeak argitaratuko ditu Tranströmer-en poemak euskeraz.

Informazino gehiago behar izan ezkero: liburuak@elkar.com edo 943310267; aed@aedelkartea.com edo 943771228