Bizkaie!

Jon Maiak be Ilunbeko final handian kantauko dau

Astegoienean, Oiartzungo Elorsoro kiroldegian jokatutako bigarren finalerdian, Jon Maiak lortu eban Gipuzkoako Bertsolari Txapelketako finalean kantetako zuzeneko txartela 1.300 bertsozaleren aurrean.

Euskeraz egindako ikuskizunen '12 ordu' maratoiaren izango da Erandion abenduaren 1ean

Goizeko 9:00etan hasi eta gaueko bederatziak arte, mueta guztietako ikuskizunez gozetako aukerea izango da: musikea, kale antzerkia, kalejirak, pailazoak, umeentzako tailerrak, bertsolariak edota erromeria.

Guggenheim Bilbao Museoak webgunea barriztau dau

Museoaren helburu estrategikoak internetera moldatzeko helburuagaz, Bilboko Guggenheim Museoak www.guggenheim-bilbao.es webgunea aurkeztu dau. Artearen sustapenerako eta hezkuntzarako atari izateaz gan, nazinoarteko museoen ingurunean prestigiozko on line erreferentzia izango da.

Harrabots! aldizkariaren lehenengo urteurrena ospatuko dabe Donostian

Euskal Herriko Unibersidadeko (EHU) ikasleek sorturiko 'Harrabots!' euskerazko aldizkariak I. Harrabots Eguna egingo dau gaur, zemendiak 23, Donostiako Kafe Antzokian (DOKA), arratsaldeko bostetatik aurrera.

Mabi Revueltaren 'Los amantes ilusorios' obrea inaugurauko dabe Gernikako Euskal Herria Museoan

Erakusketea 2008ko urtarrilaren 20ra arte egongo da zabalik.

Artisteak bere etxeko bainuontzia hartu eta museoan jartea erabagi dau, ostruken luma baltzakaz tapauta eta ikutzeko moduan iminita.

Gerra garaiko Uribe Kostako bertsolariak omenduz saio berezia Getxon

‘Omenaldiak aurreko belaunaldietako bertsolariei euren prestigioa itzuli nahi deutse, beren garaian, bertsolaritzea, gure kulturearen beste adierazpen asko bezela, mespretxatuak izan ziralako’ azaldu dau Fredi Paia bertsolariak prentsaurrekoan.

EAEko 25 udalerritako nerabeek horma-irudiak margotuko ditue emakumeen kontrako indarkeria gaitzesteko

Helburua nerabeak sentsibilizetea da, indarkeria eragin leikien jarrera eta jokabideak identifikau daiezan eta bikote edo talde harremanetan jarrera sexistak ezkutatzen dituen jokabideak atzemoteko baliogarria izan daiten.

Zea Maysek 'Morphina' izeneko diskoa atara dau taldearen hamargarren urteurrenean

'Mundua zelan doan ikusita, arin eta estresauta, morfina apur bat behar da gure arimea lasaitzeko', dino Aiora Renteria taldekideak.

Gaur beteten dira hamar urte Euskadi Gaztea Maketa Lehiaketea irabazi ebenetik eta egun berezia da eurentzako.

Fernando Fernan-Gomez hil da

Aktore legez ia 200 pelikula egin ditu Fernan-Gomezek; zuzendari legez, hogei film baino gehiago zuzendu. Ganera, hainbat sari jaso ditu, Donostia Saria (2000) eta Arteen Asturiasko Printze Saria (1995), berbarako. Espainiako zinemagintzan inork baino Goya sari gehiago ditu: zazpi.

Bilboko Artelan Berreginen Museoak berredegitearen lehen urteurrena ospatuko dau

Hamabi hilebeteotan, Museoak egundo ez bezelako bisitari kopurua izan dau, danetariko ekintzen eszenatoki eta auzoko bizitza sozio-kulturalaren eragile bilakatu dalarik.

Euskaltzaindia Bartzelonako II. Liburuaren Erakusketan

Aurreko urteotan legez, aurten b Euskaltzaindia, Institut d’Estudis Catalans eta Consello da Cultura Galega erakustoki berean dira, asteon egingo dan Bartzelonako III. Liburuaren Erakusketan (zemendiak 21-26).

Kontseilua: 'euskereak EAE, Nafarroa eta Ipar Euskal Herriko 2008rako aurrekontuen % 2 behar dau'

Euskerearen normalizazinoan aurrera egiteko baliabideen hazkundea ezinbestekoa dala azaldu dabe, eta aurreko bi urteetan EAEn eta Nafarroan egindakoeskaerea luzatuko deutseela Euskal Herriko instituzino guztiei.