Tabakalerak eta EHU/UPV-k 'Herri mobimentuek sortutako ezagutza zelan kudeatu' udako ikastaroa antolatu dabe

| Ikusi handiago | Argazki originala

Herri mobimentuen inguruan askotariko dokumentazinoa sortzen da, ugaria eta aberatsa. Sarritan gatxa izaten da ezagutza hori kudeatu, iraunarazo eta transmitidutea. Zelan jaso mobimentu politiko, kultural edo herrikoiek itxitakio ezagutzea? Zelan batu, antolatu eta zabaldu modu egokian?

Tabakalerak eta Euskal Herriko Unibersidadeak alkarlanean antolatu daben udako ikastaroak galdera horreeei erantzuna topetea dau helburu; eginkizun horreek guztiak aurrera eroateko kontuan hartu beharreko gakoak zein diran zehaztu eta teknologia barriek eskaintzen dituen aukerak arakatzea.

Garai analogiko zein digitalean bidea egin daben herri mobimentu erreferentzialak aztertuko dira ikastaroan, sortutako dokumentazinoa zelan kudeatu daben aztertzeko. Euren esperientzia konpartiduko dabe bertaratzen diranakaz Juan Jose Agirre Lazkaoko Beneditarren Fundazinoko liburuzainak; alkarlanean osotu eta garatzen dagozan #Bookcamping liburutegiko kideek; Rick Prelinger Archive.org proiektuaren sustatzaile nagusiak eta Asier Sarasua Ahotsak.com gunearen arduradunak.

Garagarrilaren 13 eta 14an egingo da Tabakalerak Euskal Herriko Unibersidadearen XXXI. Udako ikastaroen programearen barruan antolatu dauen ikastaro hau. Arantza Mariskal, Tabakalerako mediatekako arduraduna da ikastaroaren zuzendaria. Izena emoteko epea zabalik dago honezkero. Matrikulearen prezioa 55 eurokoa izango da maiatzaren 31ra arte eta bagilaren 1etik aurrera 66 eurokoa.

Ikastaroko parte-hartzaileei buruzko informazino gehiago Tabakalerako tumblrean topauko dozue eta izen-emoteei buruzko informazinoa EHU-UPVren webgunean.

XXXI. Udako Ikastaroen egitarau osoa ikusteko klik egin hemen.