Spike Lee zinemagileak Mexikoko isuriaren inguruko dokumentala egin dau
2010-08-24 12:41 Barriak
Zinema-zuzendariak New Orleansen suspertzearen inguruko erreportaje bat egin gura eban, Katrina urakanak ingurua astindu eta bost urtera. Baina BPk Mexikoko Golkoan egindako orio-isuriagaz, lanaren amaierea barriro idatzi behar izan eban zuzendariak.
Van Goghen margolan bat ostu dabe Egipton
2010-08-23 14:42 Kulturea
Vicent Van Gogh margolari holandarraren Mitxoletak obrea ostu dabe joan dan asteburuan El Cairo-ko (Egipto) museo batetik. Lapurtutako obrearen balioa 40 miloe eurokoa dala jakinarazo dabe.
Irailaren 18an hasiko da Ipar Euskal Herriko Bertsolari Txapelketea
2010-08-23 14:26 Bertsolaritzea
Amets Arzallus igazko txapeldunagaz batera, 19 bertsolarik parte hartuko dabe aurten irailaren 18an hasi eta zemendiaren 13an Donibane Lohizunen amaituko dan Ipar Euskal Herriko Bertsolari Txapelketan.
Karmele Igartua idazlea hil da, 51 urte zituala
2010-08-23 12:37 Kulturea
Hitzak orbainetan eta Denbora enaren hegaldian izeneko poema liburuak idatzi zituan Igartuak, eta amaituta eukan hirugarren bat be, Itsaso kontra bat izenekoa, baina ezin izan dau argitaratuta ikusi.
Michel Camilo jazz latino piano jotzaileak lau kontzertu eskainiko ditu Euskadiko Orkestra Sinfonikoagaz
2010-08-20 14:17 Musikea
Honeek dira kontzertuen datak: irailaren 7an Bilboko Arteria Campos Eliseos Antzokian, 8an Iruñeko Baluarten, 9an Donostiako Kursaalen eta 10ean Gasteizko Antzoki Zaharrean. Ruben Gimeno izango da zuzendaria.
Audience taldeak egin dau 'Amerikanuak' dokumentaleko soinu-bandea
2010-08-20 13:01 Musikea
Nacho Reig eta Gorka Bilbao dokumentalgileek 90 minutuko lana egin dabe Ameriketako Estadu Batuen mendebaldean, Elkon (Nevada) bizi diran euskaldun etorkinen egunerokotasuna erakusteko.
Bideojokoen Nazinoarteko hóPLAY'10 Azokea egingo da AlhondigaBilbao kulturgunean
2010-08-20 12:32
Azokearen helburua jentea bideo-jokoen mundura hurreratzea da eta, bertan, joko elektronikoen eta arte interaktiboaren alde kulturalak, sozialak, teknologikoak eta industrialak aurkeztuko ditue.
Facebookek 'Facebook Places' geolokalizazino zerbitzua kaleratu dau
2010-08-19 15:54
Zerbitzu hau jaso ahal izateko, Facebookek iPhonerako dauen azken aplikazinoa deskargau behar izango da. Ganera, eskuko telefonoko nabigatzailea HTML5egaz eta geolokalizazinoagaz bateragarria bada, touch.facebook.com-etik be sartu ahal izango dira 'Places'-era erabiltzaileak.
Euskadiko Idazleen Elkartea sortu dabe hogeta hamar bat idazlek
2010-08-19 13:10 Kulturea
Zenbait euskal idazleen ekimenez, Donostiako Aiete jauregian, Euskadiko Idazleen Elkartea aurkeztu dabe. Bilbon egoitza nagusia izango dauen alkarte barri hau gaztelaniaz idazten daben Araba, Bizkaia eta Gipuzkoako hogeta hamar bat idazlez osotuta dago; tartean, Spido Freire, Kepa Murua, Antonio Altarriba edota, presidentea izango dana, Luisa Etxenike.
Euskadiko Orkestra Sinfonikoak monografiko bat grabauko dau Gubaidulinaren omenez
2010-08-19 13:00 Musikea
Sofia Gubaidulina musikagilea Euskadiko Orkestrako kideakaz izan da egunotan, baten eta bestearen obrak batuz, Miramonen egiten dabizan monografikoaren grabazinoan parte hartzeko. Ekimen horretan, Sieben Worten lanak be entzun ahal izango dira.
E-drogea ailegau da Europara Internet bitartez
2010-08-19 12:36
Droga mueta barri bat ei dago munduan: e-drogea. AEBetan sortu zan, eta orain dala hile bi ailegau da Europara. Soinuak ditu oinarrian ustezko droga horrek. Interneteko webgune berezietan eskura daiteke eta psikologia tratamentuetarako erabilten diran soinuak darabiz.
Txileko FITICH Jaialdian Maite Agirreren La Celestinaren bertsino barri bat taularatuko da
2010-08-18 12:43 KultureaAbuztuaren 20tik irailaren 4ra bitartean egingo dan FITICH Jaialdiaren barruan, antzezle, antzerkigile eta zuzendari euskaldunak bertako antzezle eta antzerkizaleakaz lanean ibili ondoren Txileko eskualde honetara egokitutako bertsino barria preparauko dabe.
Lehenengo BBK Jazz jaialdia egingo dabe irailean Bilbon
2010-08-18 12:21 MusikeaLau eguneko jazz jaialdia izango da datorren hilean Biboko BBK aretoan, irailaren 10ean, 11n, 17an eta 18an. BBK Jazz izenburupean, besteak beste, Iñaki Salvador, Carlos Velasco, Teresa Zabalza, Jon Robles eta Mikel Bikandiren errezitaldiak entzun ahal izango dira.
Kurt Cobain, Leonard Cohen, Kiko Veneno eta Ian Curtis musikarien ganeko dokumentalak eskainiko ditue Artiumen
2010-08-18 11:08 Musikea
Pedro Barbadillok egindako Dame Veneno dokumentalagaz edegiko dabe zikloa, barikuan. Kiko Veneno musikariaren bizitza eta ibilbide musikala aztertzen dau dokumentalak. Kiko Venenoren musikeaz gan, Amador anaiena entzun ahal izango da, eta Espainiako underground giroaren eta auzo txiroetako giroaren erakusle da dokumentala.
Aratz Irazabal eta Isidro Elezgarai dira aurtengo Bilboko Aste Nagusiko txupinerea eta pregoilaria, hurranez hurran
2010-08-17 15:40
Datorren zapatuan, abuztuak 21, arratsaldeko zazpiretan Isidoro Elezgaraik irakurriko dau aurtengo jaien pregoia. Amaitutakoan, Aratz Irazabal txupinereak botako dau txupina Arriaga Antzokiko balkoi nagusitik.
Berri Txarrak taldearen kanta ezagunenak batuko dituan lana, urrirako
2010-08-17 14:22 Musikea
DENAK EZ DU BALIO. SINGLES 1997-2007 CD+DVDan, Lekunberriko taldeak zigilu nafarragaz lan egindako hamar urteen (2007 arte) laburpena egingo dabe.
Txakolin upategiak arte-erakustoki
2010-08-17 02:00 Jan edanak
Ktart proiektua tarteko dala, txakolin-upategiak eskultureari buruzko erakusketa-areto bihurtzen dira. Proiektu horren bitartez, eskulturearen sorkuntzearen eta txakolin produkzinoaren arteko fusinoa egin nahi da, holan, mota askotako ikusleentzako kontzeptu erakargarria sortuz.
Behin-behineko zinema areto bihurtuko da Zugarramurdiko kobea
2010-08-16 14:23 Barriak
Hilaren 21ean, urrian eta zemendian, Pedro Oleak 1983. urtean zuzendu eban Akelarre filma emongo dabe bertan. Egitasmoa Nafarroako gobernuak, Zugarramurdiko Sorginen museoak eta Eusko Ikaskuntzak antolatutako Cine y brujería -Zinema eta sorginkeria- zinema zikloaren barruan kokatuta dago.
Julia Robertsek Donostia Saria 2010 jasoko dau Zinemaldian
2010-08-16 12:39 Barriak
2010eko Donostia Saria jasoko dau datorren irailaren 20an Julia Robertsek, Donostiako Zinemaldiaren 58. edizinoaren barruan. AEBetako aktorea alfonbra gorriaren ganean izango dogu, saria jasoteagaz batera, bere azken zinema lana aurkezteko.
Gaur, Boisen, 13th Annual WineFest ardao-dastaketea izango da The Basque Block-en
2010-08-13 15:05 Jan edanak
Ardaoa probau eta mokadutxu batzuk janda, denporapasa atsegina egiteko aukerea egongo da Basque Block dalako kalean, arratsalde partean. Ganera, euskal musikea eta Boiseko Oinkari taldeko euskal jantzariak be bertan izango dira, giroa alaitzeko.
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...